منتدى اللمة الجزائرية

تع فخوماج جديدة الوصفة الحقيقية بلا فرماج يدرا سلكت ولا مزال

ياصاحبي خطرة مرمضن حبيت ندير بوراكة على كيفي
حطيط البطاطا ومعها الفنون نتاعها وكثرت الفلفل الاسود ومن بعد جاتني نحط فيها السلاطة ايه السلاطة وخوك كان مكودي من الصيام وكانت الوالدة ربي يعيشها تشوف في ومابغاتش

تريكلامي الور كملت العفايس ومن بعد قلت نزيدلها بيض مغلي حطيته ونسيت نقولك على الفيجل لانه كان مديور هذاك النهار في السلاطة
بعد الاذان قالتلي الوالدة تاكلي سيف واش نقولك رهج السلاطة يعني الخس مقلي مع الفيجل والفلفل الاسود بلعتها سيف ....جبت 02ايام عادي اكتفاء ذاتي من ناحية الفطور

Rayhan مزال وقيلا بينها بين المغرب تكون طابت. فور اليكتريك. الفرماج حطيتو فوقها وقيلا نروح ننزعو ولا يتخلط من المرة الاولى ولا كيفاش.؟ ربي يرحمني وخلاص.

نكلمك على الدوبارة كي فطرت بيها
اليوم انشر الغسيل هكذا بغيتنا ياسي فريد

Rayhanقالتك فروماج ابعتلها الوصفة حليها تبدع وابعتها عبر بريد محمي باش ماتباسيش اذا كاش ماصرالها

رافد خويا على الاقل احنا نعترفو بالاخطاء المطبخية اما البنات يدفنوها معاهم.

هههههه ويقوللك نشرناها في اليوتيوب جابت 1000مشاهدة في 05دقائق

يصاحبي يافريد مرة درت الجومبوا في السباقيتي وكليناه مع جماعة
والله باتوا كامل مدايرين لاشان في هذيك الجيهة
نحكيلك على الشواء الي درته بالسيلان نتاع البالات نتاع التبن

هههههههههه كارانتيكا راح تقعد سمانة وهي في الفور الكهربائ
خبرني بفتورة الكهرباء في راس الشهر
حطيت الفرماج ذرك من بعد تقاه فردة صباط مقاس 44
البهادل البهادل افريد

لا لا هههه متحكيليش راني خايف على الكرنتيتا نتاعي والله مصيبة نقترح عليك ألف ديوان وسميه ديوان المحروقات في علم المطبوخات ودير ملحوظة في الغلاف : المحتوى مضر بالصحة.

لا لا تقول هاهي بدات تحمار في الحواشي وهاذي علامة مبشرة

وين راحت Rayhan خافت ولا كيفاش

ههههه المهم راك مطالب بصورة الطبق

لالا منغامرش بروحي ههه المهم انا فطرت خاطيني ومدام بدات تحمار راك مليح طفي من تحت باش مايجيش متماسك بزاف

ترقبو بعد نشرة الثامنة تصريحات مثيرة من الكرنتيتا... فريد مكانشو

الخوف لاتكون حضرت تيتا برك

صالح للآكل ✔ احسنت

ههههههه نجحت ولا جايب الصورة من عند خالتك ام وليد