منتدى اللمة الجزائرية

رد بالك تشرب مولينو انت ثاني تنسى صوالحك و تغلق حانوتك سيي قهوة اروما بالاك تنفعك

ويلي ويلي ويلي خويا ناصر واش كاين راني هنا خصوصا إذا قلت نتحاماو على ليلوش ههههههههههههه @ليليا مرام

مانيش نقدر نكتب مريضة من يديا لقيتك تشكي وتبكي وقهوة هي دوا ضرك ناكل بواطة غبرة كالروينة واذا ما بريتش وجد روحك

@الامين محمد. الله غالب ياخويا اليوم تهار البلافون pvc الخدمةمن 6 لل6 عييت وقالولي قهوة مولينو مليحة ساعة والو شربت تيزانه ورقدت

@ليليا مرام. ربي يشافيك رانا كيفيكيف انا تاني يدياراهم واجعينني من الصباح راني طالع هابط من الصافوداج كيما الشيخ النوي وانتي دواك الهريسة مشي مولينو

عرفت كلشي، ماعدا غيضان، واش معناتها؟

@لؤلؤة قسنطينة
لما الواحد يزعف وتطلعلو لاتونسيو ويحمارو عينيه يبرد فيه الدم ويتكالما يولي غيضان معناها زعفان للداخل

كيما انتي مثلا تعطللك الحاسوب زعفتي وزعفي ومن بعد تقبلتي الامر ولكن راكي غيضانة ربي يشافيه

والله غير جبتها تاع الحاسوب هههه وانا نحوس على مثال يشرحلي الوضع، بصح علاه راك غضبان وغيضان؟ وشحال واعرة تاع زعفان لداخل هادي، كلي تغيضك روحك، مولينو وماتحلهاش ههه

نخدم عند واحد بدون مساعد معناه لازم هو يساعدني وباباه يهدر بزاف وليدو مقلق تفاتنو راح وخلاني بقيت نخدم وحدي ناضلي الشوك في راسي عييت لدرجة لا تطاق والمساء جات غير مولينو في راسي

ربي يعينك ان شاء الله، لقمة الحلال ديما فيها الشقاء ويتعب عليها الإنسان، لكن طعمها مليح وطيّب،ربي يوفقك ان شاء الله، وهادو ماتكون غير مولينو دارتها بيناتهم ههه ولاو يتقابدو خلاص