منتدى اللمة الجزائرية

اذا انا مختلف نشرب عصير م الصباح والناس يشربو الحليب ناكل البصل خضر والناس تاكلو طايب نلبس حوايج الشتا في الصيف لمهم كلش عكس اذا انا مميز وبكل فخر

هنيئا لك ^^ بصح واش لي ملابس الشتاء في الصيف؟ تلبس مونطو تحت درجة حرارة 40؟ وانا تاني ناكل البصل اخضر بصح مع النعمة برك (الكسكس)

نو نو الي يلبس مونطو في الصيف مهبول ماشي مميز ممكن @ماغيكاي تشان. تديرها انا نلبس تريكو مونش ولا اما البص وحدو عندو فاىدة كبيرة وسمعت عليه قصة واقعية

راني مهبولة واه بكل فخر وافتخار لكن الحمد لله الذي عافانا من هذاك الابتلاء
في الشتاء ومنلبسش مونطو واللي يحطوه الناس برد انا بالنسبة ليا برود تقللي في الصيف هاه

@ماغيكاي تشان نتي نشتيو ماشا كيفكيف وزيد في الشتاء مانلبسوش قش تقيل كيفكيف تاني،هل تفكرين فيما افكر؟ ماتخطب كنتها غير حتى يتشابهو

@sami44 فعلا البصل عندو فوائد جد مميزة بالاخص خضر هكاك، انا نقطعو خضر في الكسكس بالحليب ونقرمشو هكاك تقول شيبس هههه

الكسكسي بالبصل تلاقيت بيه مرة فقط اما الي حيرني الكسكسي بالحار. ما استقبلهاش مخي

ايوااااه افكر فيما تفكرين وهكذا نغزو العالم انت برين وانا بنكي ها هو هي

اوخدي على البصل، منحملوش هو والثوم مستحيل ناكلهم ونكره حتى ريحتهم واحد الوقت لما كنت نطيب فالدار نقل ايما ارحي البصل والثوم ومن بعد نجي ونكمل انا
تقللي هكذاك نكمل برك خلي عليك ها هو هي
وليت نرحيهم لكن نبقى نغسل بالصابون حتى تروح الريحة

@sami44 الكسكس احمر بالدجاج والحار مقلي، واش نقولك لذة لا توصف، ملاحظة: أنا ماناكلش الحار وماقلته سابقا ناتج عن سبر للآراء

@ماغيكاي تشان اواه يا طفلة روحي شوفي الدفتر العائلي واقيلا توام وفرقونا في السبيطار اذا لقيتي ورقة مقطعة اعرفي الحقيقة المخبأة والديك ماحبوش يخبروك قالو حتى تكبر بنتنا،ودرك نقولك علاه،يتبع..

@ماغيكاي تشان يا ستي انا تاني كنت نقول لماما قطعيلي البصل وانا نكمل عليك الطبخة هههه خاطر نولي نسعل وتتقلب حالتي والطايح كتر من النايض،بصح درك استعقلت تخطيت مرحلة الطايح والنايض ها هو هي

ياعزرين واقيلا راكي توامتي صح ابنتي، رانا مشتراكين فامور بزااااااااااااااااااااااف ادا لم يكن كل شيء تقريب
تجي عندي ولا نجي عندك خيري، باينة تجي عندي لانه هنا منين لبحر

وفي الشتاء نروحو عندك للثلج ها هو هي

هههههه راني ميتة بالضحك،نقولك حاجة وماتزعفيش ها هو هي تاعنا هادي جاتني كلي لغة الغوريلا اواه لازم نجريو على رواحنا

وانا نقول هذ الزوج مهابل منين سلطهم ربي ليا حتى في الالغاز ونلقاكم كي عيشة وباندوط ضهرتو خواتات سبحان الله

ربي يدوم ويزيد ان شاء الله، في الهوا سوا جاتني يما قالتلي على واه تضحكي كي المهبولة
قلتلها راني مع اللمة فهمت ههههههههههههههههه

شفت كيفاه انيوي باكا، ظهرنا توام وحنا ماعلابالناش
عندك اختان توام وانت معلابالكش
بصح نتفاهمو انا مهبولة اكثر عليك ولو تقولي نو هنا تطيح رقبة ليوم ضرب الدبزة والموس ياااو

@لؤلؤة قسنطينة. او لازم تجري على روحك مازال عندك شك سيرتو مع الضحكة تاع الغوريلا الراقي وما يفريهاش

الله يعطيكم الربح قتلتوني بالضحك،مع صايمة حاسة روحي فارغة، عدت نسوطي وحدي فوق المطرح