منتدى اللمة الجزائرية

عيد سعيد يا شرشبيل..ههه.

وعيدك سعيد كل عام وانتي والعائلة الكريمة بخير يا مشاكسة
شكون هذا الي طلب القلب والكبدة راهم يلعبولي بالخبزة ولا واش
ندي الكبش كومبلي ولا ما نديش
واذا مافيهش الكبدة والقلب واش ندير بيه

راهو ma$ter؟!!!

علاش خلاصولو عليه كامل القلوب او انا مولاه الا اذا خلفتي الوعد

انا ما نخلفش بالوعد اللي يجي الاول يديهم..ههه
و اذا كنتو تتفاهمو اقسموهم على النص.

نونونو ما نحبش الشريك واذا تحتمت ندي القلب والكبدة ونخليلو الهيدورة والزلوف وما تنسايش انا الاول ومن حقي نختار

طيب...
بصح لوكان ما يقبلش هو كيفاش ندير معاكم.

هذي مشكلتك اذا ما قبلش
انا الي قصدت الاول وهو بعد يومين
وعلاش ما يقبلش اني خليتلو الهيدورة
يستعملها والزلوف يستمتع بيه انا ما نسمحش فالكبدة والقلب
زيد ايا ديري كيما عبير خلاتلي الكبده دارتها فالسيلوفان فالفريقو قالتلي خذ راحتك وقت ما تجوز منا اديهم

عبير خلاتلك الكبدة برك اما انا خليتلك خروف كامل و يدورش في الفريغو....يعني لو كان ما تجيش بكري يفسد..ولا نمدو..هههه

راني نشوف فيك حابة تمديه راكي مقلقة باش يروح الكبش من الدار يا الخوافة
راني خايف نجي ولما نوصل لداركم نلقى الكبش تمد ولا كبدة لا قلب لا سيدي زكري ونولي خاىب الامل
راني خايف اذا عبير عداتك ووليتي شريرة

لا لا لا..ماعداتني عبير ولا حتى شيء...انا عايفة الكبش انو يبقى في الدار..لو كان تطول راني نمدو و لا ننتحر...خليتو علاجالك و مبعد ما راكش جاي...بمعنى كون نموت منو راك السبب...ههه

بعيد الشر عليك
اما اذا قررتي تنتحري خلي وصية لداركم ما يمدوش الكبش حتى. نوصل وذا مدوه يخلولي القلب والكبدة ماشي انتي تنتحري وانا نشقى فالباطل
خلاص كي ولى فيها فوبيا وانتحار راني جاي وجديه وخرجيه عند الباب
تسكنو فالعمارة ولا في الارض؟

نسكنو في العمارة.

نخرجو عند الباب يدوه الجيران..هه

ايا خلاص درك نقلع امشطيلو. وديريلو الريحة ولبسه بيان كي نوصل لتما نولي ندور بين العمارات وين نسمع بع بع نطبطب بارسكو الناس كامل ذبحو غير انتوما بصح نخاف نغلط فالعنوان ويعطوني طريحة

راك تلقاني قاعدة و لابسة البني الفاتح.. و بحذايا الكبش المقرف.

علاش مقرف يخي كيما هذا ولا لالا

ولون افير تاع جلباب امالا تقوليلي لون الصباط خير انا حشام وما نرفدش عينيا كامل

لو كان جا كيما هذا راني رميتو على البالكو..

اذن انت مطالبة تبعثيلي صورة اكبش راني خايف اذا ما يستاهلش نشقى على جالو

حاشاك!// الكبش نتاعنا حجمو ماراهوش بعيد بزاف على العجل..