منتدى اللمة الجزائرية

اما ثانيا هي رسالة موجهة لي عندهم فوبيا من العناكب كي حالتي،حابين يبينولنا بلي العناكب زعما كائنات لطيفة وطيبة وقلبها حنين وتاع عشرة وحنا القتلة السفاحين،اذا ماتقلقوش روحكم نحن من الاساس ماقلنالهمش كونو رفقاءنا في السكن عندنا الضيق حتى الشوكة تاع الحيط ونحتاجوها، وزيد ماش حنا لي نقتلوهم عندنا عملاءنا السريين يقومون بالمهمة ثالثا..

ثالثا كل لي قلتو علابالي ماعندوش علاقة مع الحالات الخاصة لكن معليش المهم المشاركة، ولا للعناكب

اه يا مريم هذي غير عنكبوت دارت فيك كامل هك مشي فلسفة اعناكب كاىنات لطيفة ومسالمة احنا اي اشرار ونعاملوها بالعنف الواحد يشوف عنكبوت يستدعي الدعم واحد بالبالي والاخر بالبشماق تقولي لقاو افعى او خافو ربي هذي عنكبووووووت تنسف عليها تموت

قالك تنسف عليها تموت،معليييش اهدر اهدر مايحس بالجمرة غير لي سوطات عليه عنكبوت ماجربتش كي تحبسك في غرفة وتهز يديها في السماء وتبدا حركات الشعوذة تاعها، الحمد لله برد الحال هاد الصيف عانيت نبات نعيط في الليل

فكرتيني بتاع ما يبقى فالواد غير لجبال الي ما يتلاقاوش الله يعطيك الربح شوفي اذا ولات هاذيك العنكبوت وبدات تدير في حركات الشعوذة افليكسيهالي لعين الدفلى ونهنيك منها
ماعرفتش هذي عنكبوت ولا كنغر ؟

لكن السؤال للأمانة فيه وجهة نظر ..
تخيلي فعلا هو متونس و يحسبك جارته ،
ومأمن ليك . وفجأة تقتليه .. كأنها خيانة ..
العناكب متخوف ع طول يموت مسكين ،
بس عندي سؤال .. العنكبوت يعض ولا يلسع ولا ايش بالضبط ،، يعني ليش تخافي منه.

@sami44 حتى نلملك العناكب كامل بيهم بعايلتهم في طرد ونبعتهم لعين الدفلى،اتهلالي فيهم، باه منين نحب ندرّب الاحبال الصوتية ابعتلي وحدة،سورتو كي نعود بالڨراجم