منتدى اللمة الجزائرية

طارتلك الصحرا يا وجه الشغ وتزيدي تتقلشي خلاص بطلت كنت حاب ندير فيك مزية نبعثك للحدود تاع النيجر ونسلفلك خيمة وجمل

حاب تحمصني .. علابالك نذوب فلصحراء باغي تقتلني باه تدي الذهب اللي قلتلي عليه ذاك النهار
او قلتلي موتي برك وخليلي ذهبك وندعيلك

يا خويا ناصر و الله تريح من الهموم وكلام الناس لي يقتل والله أمنيتي يلا لقيت مكان خبرني نروح

@Malika Tlm. لازم ما تلتفتيش الوراء ادا رحتي لمكان كيما هك تنساي العالم والتقنيه والناس وكلامهم العزلة التامة
ولازم تتحملي الحياة البدائية الما فالقربه والكسرة فالكوشه والصياده من الواد ومن الغابه عندك غير القلم والورقه تكتبي المذكرات

وكم أعشق العيش هكذا و الله نسمات الصباح،زقزقة العصافير،وووووونطيب علي النار واو رووووعة وراحة نفسية

الهدرة شحال ساهلة نهار توصلي تم تتغير الامور غير تتفكري البوراك والخبز تاع البولونجي تغرورق عينيك بالدموع
صح زقزقة العصافير ونسمات الصباح مضمونة بصح الناموس وعواا الذئب هو الي يخسرلك الاحساس لكن رغم هذا ما احلى العيش في البراري سقسي المجرب

لا لا خويا والله منيتي نحكي ايه كرهنا من العصرنة،الماكلة مودرن،الامراض مكانش حاجة صحية تخيل عندك قطعة أرض تغرس فيها وتجني خضارها ووو
التكنولوجيا صح مليحة ولكن طغااااااات علينا بزاف ،لازم مرة علي مرة نعتزلوا العالم

معك حق لكن انا ما نقصدش ننعزل مرة على مرة اقصد الانعزال الى الابد
يعني تخلي كلش ورائك هذا هو الشفاء التام من كلام الناس والامراض والتكنولوجيا والاجمل كله هو الشفاء من جراح الزمن

اما بخصوص قطعة ارض واغرس فيها ما لذ وطاب انا اعيشها في البراري ولا اتخيلها فقط وهناك صور كثيرة كنت ادرجها في موضوع صورة من قلب الحدث بهذا الخصوص ما حبيتش نصور غير الكوشة تاع الطين والبير ههههه
وتاني هناك واديان يمران على جانب البيت واحد يمين وواحد يسار والله منضر يسر النفس

خبز الفرينة ياااا الله وكم أحبه ا يا خلاص كانش نهار ندير زيارة عندكم

اهلا اهلا اهلا ما تنسايش اعلميني باش نوجد الحليب والتمر والورد ونشعل الكوشة هكا تطيبي الكسره وتحلبي البقره على الأقل تحققي امنية هههه
ولافتة عملاقة فالدخلة تاع الولاية مكتوب عليها مرحبا بكم ههههه

ا يا خلاص متفاهمين بعدا نحقق أمنيتي
تعيش خويا الله يفتح عليك

الله يرضى عنك
بصح ما قلتلكش احنا الضيف يبقى ثلاث ايام وفي ثلث ايام لازم يجرب كل الاطباق التقليديه من التحضير للطياب للاكل اقصد مثلا بركوكس يتفتل وبعدين يطيب وهذا ينطبق على كل الاطباق يعني الرحلة تاعك تولي انفورماسيون ههههه

هههههههه وي جااااهزة للتحديوالله وننجح فيهم

اها اذا نجحتي فالتحدي راح نتنازلك على الكوخ الي فالصورهالفوق
بصح حذاري اذا فشلتي عقوبتك تطيبي البغرير لاهل الحاره لمدة شهر

هههه لا لا منخسرش راني متأكدة ويلا حبيت البغرير وي يوجد وبالعسل ايا متفاهمين خلاص

ايا خلاص نبدا فالتحضيرات لاستقبال المتربصه ولو اني عارف النتيجه مسبقا وبصحتهم اهل الحاره البغرير مدة شهر وبالعسل والزبيب
غدا ان شاء الله نوجدلك لاليست تاع الاطباق ومن شروط التحدي ممنوع تفتحي اليوتيب خاصة قناه ام وليد

كيفاش متوقع النتيجةسوف ،خلاص وجد مراسيم الاستقبال ومنخافش اليوتوب مندخلوووش ا يا متفاهمين هكذا

لا داعي لاستعراض العضلات اول اختبار ليك تحلبي البقره وتمخضي الحليب تجبدي منو اللبن والزبده كمرحلة اولى ترحي القمح بالرحى تاع الحجر بعدين
تصفي القمح المطحون تنخي منو السميد وتفتلي منو الطعام والعيش
كمرحلة ثانيه
راجعي قرارك اذا تنسحبي من حقك واذا تكملي نعطيك لاليست

بدلت الكوخ و ماقتليش اااه صح شرير