منتدى اللمة الجزائرية

يخلعكم المرض برك
الي ضرصتها تاكل القرنفل والي راسها تعصب وهي فرات

ضرسة مليحة ليها سانتيا يعرفها سامي خويا

ياعيني طبيب وانا لا خبر مالا 7سنوات لي نقراهم انا راح في تعصيبة راس ههههه

شكرا دكتور سامي على نصائح ههههههههه

@Hakan
اممممممم حبيت تقتلهم انت
انا وما نحملهاش نشمها نطيح هههه

المهم تصبحوا بخير روحو ترقدوا باسكو كاين هنا خفافيش كون تعاندوهم يصبح عليكم الحال

امالا اصبرو للالم انا غضتوني سيرتو الي عندها الصداع ديجا اني بديت نحس بالصداع ههههه
علاش الطبيب يعرف خير من يما. تعصبلك بالبطاطا نص ساعه تولي تديري السبور نورمال

هههههه قوليهالي في وجهي... ياودي شميتها وحد نهار جبتها نتقايا

قول الوالدة نجي ندير عندها السطاج احسن ما نقرى 7 سنوات باطل

مكاش مشكل تديري السطاج وتحبي بالمراسله تاني ما تشقيش روحك
ميم الحجامه تعلمك وتجبر المكسور بالجبس والبيض المهم طب عام ولا جراح كيما تحبي

شوف انا ضرسي راهي ضارتني وزيد منيش في نهاري
وزيد مدام فهمتها منعناتها رانا عليك في وجهك ولا ظهرك ...

صح وانا كنت رح نخلص مليون باش نتعلم الحجامة ...مالا غير هدرلي مع الوالدة مكاين لا جامعة لا والو ههه

موالفة ندير خالوطة تع سلاطة فوق شعري ونعصبو ونبعد على الضو نص ساعة ولا ساعة والحمد لله نرتاح .. اما ضرست العقل او اي الم اردد : لاحول ولا قوة الا بالله لا اله الا الله سبحانك اني كنت من الظالمين استغفر الله العظيم واتوب اليه
والحمد لله يروح او يخف لدرجة اني نحملو

واش حكايتكم من تعصاب راس هههه
انا مانتخيلش روحي معصبة راسي ننحس روحي عجوزة

زعما هكا لوكان جات العصابه ملونه والله غير طوب علاش

عندي الشقيقة وهذا يريحني لما نعصب راسي .. ولما يروح لوجاع ويخف نحس روحي عجوزة ونروح للمراية نشوف مع روحي تقول غولة ونموت بالضحك على روحي

سبحان لله تشبهلك فووولة وتقسمت هههههههه

ههههههه راني نتخيل فيك شيوووم

لمن تشبه فهمي روحك
؟؟؟؟؟

عجبني اللون الاسود انيوي قلي وين نلقاها نشري كيفها
شوفي، من تحت عينيا تقول دبزوني كحل كيما الباندا ووجهي شاحب واصفر قطرة دم مكانش فيه .. وشعري طالع فالسماء من لفوق خاطر الجلدة توجعني ومن تحت مطلوق كيما سمارا ف اي جهة
نضحك بالدموع