منتدى اللمة الجزائرية

سيريو مالا الحالة خطيرة ؟
يااو دير تاست قبل ماتروحوا فيها ومتستهينش بالحالة
طهورا ان شاء الله اخي الامين تستاهل كل خير

راني في طرف الدنيا في قرية نائية ـ راني عامل حجر منزلي حتى نتأكد

بعد برك على العائلة خاصة الزوجة والبنات { حتى هي قوللها تحرز روحها ياك الجنازة والمعزيين }
قبل الحجر تبانلي لازمك تاست مش حتى تتطور الحالة هوما اصلا راهم يقولولهم ديرووا حجر فالدار من الاكتظاظ معادوش يقبلو فالمشافي يعني اذا تاكدوا يمدولك العلاج برك
وكامل ينصحو بالتيزانة خاطر قالك السخونة تقتل الفيروس وتوجهه للمعدة وين مياثرش عليك و فيتامين سي

أوااه لالا اختي شيمومة حابتني نروح وحدي هههههه يا نروحو قاع يا نبقاو قاع هههههه ـ اييه اكيد لازم لازم الاحتياط ، في المسااء ندير حل باذن الله

باذن الله
ومتنساش طمنا اخي
طهورا ان شاء الله ومايكون غير الخير

السلام عليكم
أن شاء الله ما يكون غير لخير
وكيما قاتلك شيماء لازم تروح دير تاست
وكاين بعض الحالات مرحمش يديرولهم التاست راهم يعطوهم دواء فقط
وحدة جارتنا فقدت الذوق والشم وصفولها الدواء وڨالولها ڨعدي في دارك وراهي مليحة لأن نسبة الإصابة أقل من10%
المهم انت دير احتياطات تاعك وان شاء الله ما يكون غير الخير

@الامين محمد.
ان شاء الله خير ماتخافش تاني كاين قيب حادة هذ الايام ممكن عندك اعراض لاقريب برك المهم هز التلفون عليا ماتخافش تعدينشطي اني اديت حقي قبلك غير لاش نوصيك تماركيني فالورث وتقولي وين راك مخبي الصندوق تاع الذهب

ههههههه اهلا حبيبي ناصر ـ الذهب مكاش بصح المليار كاين و الفيلة راك شفتها هههههه المزرعة كاينة في بلاد الاحلام اذا راك شايفها ههههههه ـ اصبر عليا ساعة او اثنين و نتحاكاو حبيبنا

إن شاء الله خير، لا تقلق أخي الامين محمد

ان شاءالله غير الخير وتكون قريب عادية رانا توسوسنا بزاف

@الامين محمد.
ماقلتليش واش قالك الطبيب اك وسوستني حبيبنا
انا من قبيل سقسيتلك طبيبه قالتلي قولو عليك بالتزانه الزنجبيل والقرنفل وماتخاف زالو الي جات مربا بيها امر الله علابالي مناعتك قليله دك لازم نعاونك كي ولا مافيهلش الورث
واش ندير نحبك لعزيز
ربي يحفظكم

لبين تروح للطبيب دير تيزانة النعناع اخي عن تجربة شرب منها مام ثلاث كيسان فالنهار