منتدى اللمة الجزائرية

احساس بالأمان فطرة في الانسان والحيوان

لا اعلم ،في بعض الحالات استغرب تصرفاتهم

عندما نطعم الحيوان ونشعره بالأمان يستأنس بصاحبه هذا شيء غريزي بالفطرة

على الارجح او ربما اكيد فقط لو تعلمي ان تصرفاتهم يمكن ان تترجميها

/

بلاك هيه حساب التربية ... ديجا كي يعرف روحو في خطر يبدا يهرب ولا يدير حالة هجوم مي كي يستأنس يدير اشارات انو البنادم هذا لي قدامو ميشكلش عليه خطر او تهديد تماك نورمارمو تعود عندو تصرفات مغايرة على فطرة تاعو .. عندي قط مربيه في خدمتي هو برك من باقي خاوتو كي نعيطلو بإسمو يجي عندي الباقي ميجوش ... برغم انو قط شوارع

@البشير البشير لي قصة مع عصفور البادجي ، الشهر الماضي اخي راح وخلاهملي امانة نتهلى فيهم وكانوا عدة انواع ماشاء الله وورالي كيف نعتني بيهم لكن انا معنديش خبرة مثله كانوا ذاك الوقت زوج كناري صغار نوكلهم بالسورينغ هوما ديجا مانتعبش معاهم خاطر وحدهم ياكلو لما نقربلهم سورينغ ،

وكانت بادجي بيضت ووفقسو كانو صغار وخويا قالي مرة مرة نظفي عليهم عزلي يماهم وهوما حطيهم بجيه ونظفي ، لما حاولت المرة الاولى يماهم بدات غير تعيط ومقدرش نحط يدي خوفتني وكنت اصلا نعيف ريحتهم مهم خليتهم ماقربتش وليت ندير الواجب تصفية الاكل وتغير الماء ...الخ

في يوم اتصل اخي وانا نحكي معاه وكنت مع العصافير جميعها بلوحدة نتلهى بيها بينما اتكلم معه جبت القفص تع البادجي هذي بش نقولو الصغار راهم ملاح مع فتحت البيت الصغيرة تعهم تصدمت لقيت امهم ماتت ولقيت واحد صغير ميت وكانوا 4 اخرين عايشين 3 لاباس بيهم وواحد مسكين صغير كامل حجمه نصف بنصري

توليت العناية تعهم وشعرت بالذنب اتجاههم لان امهم ماتت بسببي على الاغلب وكنت نخاف نمسهم لكن استشرت الاخ مالك ربي يحفظه ثم عاد عندي الكوراج نهزهم فيدي وحبيتهم حتى وليت نشم ريحتهم لي مكنتش نحبها مع الاول ووليت نوكلهم بيدي

، لكن الصغير فيهم كان لي حب خاص اتجاهه ، حتى انه فتح عينيه عليا خاطر لما كنت نوكله مع اول الايام كان صغير جدا وميفتحش عينيه هه والحمد لله لاحظته يكبر مع الايام كنت افرح برؤيته والتأمل فيه واشم رائحته ثم بعدها اخي جا وانا بعدها غبت على الدار حوالي 10 ايام

لما رجعت ههه صغيري لقيتو كبر وظهر لون ريشه اصفر ههه اضبح جميلا وهو الوحيد الذي لونه مختلف على اخوته لانهم كلهم بالاخضر الحشيشي ما احزنني انه ماعدتش ياكل من يدي وكي نحب نهزو على يدي ييبدا يهررب هذا سبب طرحي للسؤال

لكن قبل البارحة والله حيرني كنت اشعر بحزن اتجاى دجاجتي الي ماتت وضاقت روحي فذهبت الى العصفور لاراه لعل وجعي يزول سبحان الله كانه كان يواسيني ، اول ما دخلت يدي للقفص لم يتحرك او يبدي ردة فعل كالعادة بالعكس لما قربتله يدي وحيتو على اصبعي بقي فيه وخرجته من القفص وبقي في يدي ولم يقل شيءا هه سبحان الله

@Yasmina zahra هيه علابالي لكن تساءلت اذا شعورنا نحن نحو هدا المخلوق يشعر به راني حكيتلكم قصتي مع عصفوري االاصفر لذلك تساءلت ، خاطر المسكين نشاْ على يدي ثم غبت ورجعت ولما حاولت نوكله يتهرب باقيلي غير ننطق ونقولو نحبك ارواح ههههه

تفضلي اختي سمية ...هادي هدية ليك هههه

@Andy_Delort وشمن خطر يهديك ربي ههه انا نقربلو بالتحلال وهو يفرفر منا وملهيه ههه اما القطط لي موالفتهم يبقاو عندي مكاش مشكل

@Golden Man هههه ضحكتني ، مانيش حابة نشعر بالاسان ههه جهاز قلبي قمت بتعطيه ههه
اوهوووه هدية رائعة بصح هدي فوطو انا نحب نشوفو عندي المقنين هههه
تسلم اخي

@Soumia hadj mohammed
عدم اقترابه منك يعود إلى انقطاع عنه لمدّة من الوقت، خلقت له صدمة منك، كما فرطت فيه، كذلك هو تجاهلك.