منتدى اللمة الجزائرية

يعني كاين فرق في انك تتلاقاها وانت مهشم الروح
وتتلاقاها وانت قوي وثابت
هي صح تقول اذا تحبني توقف معايا مي نحن بشر انا علاجال لحظة غضب قادر شريكك ينبش فماضيك ولحظات ضعفك تصرا هذيك اللقطة تجرح فقط كمثال
ساو نشوف انو الخيار الثاني افضل انك تداوي نفسك وجروحك وماتستنى احد

اما فيما يخص خليل القلب صدقني انا اؤمن انو لكل منا شخص يشبه روحه كي تشوفها احساسك قلبك وكل جوارحك رح تقولك هذي هي
ماتخمم كيفاش تلقاها او هي وحدة ورح تجي فوقتها باذن الله
اهتم بروحك وبنفسك واصنع لنفسك عالما مميزا بتفاصيلك تعايش مع واقعك داو روحك وجروحك المهشمة ستجد الترياق بنفسك روحك اولى يجب ان تحبها فهي تستحق لانها الوحيدة التي لن تتخلى عنك ✌

/
شرفني مرورك ونور صفحتي
/

اول شيء شرفني مرورك ونور صفحتي
ثانيا معك حق الا انه ليس انت من تختار الوقت الذي سيدخل به هذا الشريك لذالك غالبا لا تمشي الرياح بما تشتهي السفن ، ولنكون واقعيين ما قصدته بكلامي ، عندما يقع اختيارك حاول فقط ان تختار تلك التي تقف معك في عتمتك قبل نورك،الامر صعب لكن يستحق المحاولة ‏"

/
بالنسبة لي
من اعاد بناء وترميم نفسه سيجتاز كل شيء ،بُنيت بعد سقوطٍ وما بُني بعد سقوطٍ لا يسقط."
وهو ما قصدتي به انتي ان تكون ترياق نفسك ، لذالك معك في بعض مما قلته ، وما قصدته قاب قوسين في كلامي ان من يقف معك وانت في عز ازماتك لن تتركه وانت في عز توهجك .. " بمعنى مش نار لي تعود مريقلة وقاع راه معاك غاية ، نهار لي تدهور حالتك كانت هنا وراح

ايه عندك الحق ولكن كي نجيو للواقع الواقع فالدنيا كامل هذاك الانسان لي يقعد معاك ويمل يمكن يمون واحد في المية ويمكن شي ناس محظاوش بهذا لي يوقف معاهم يعني الناس يعياو مايوقفوا ويملو كيف قتلك الفوق كلهم حيطان مائلة الاروحك وحدها من تسندك

يعني الانسان عموما لازم تكون ليه مساحة خاصة نسميها انا بقعة امل شغل تحتفظ بشوية امل ترمم بيه روحك كالسحر وتنفعني هههه
يوقفوا معاك شوي ومؤقتا ولكن المحظوظ لي يلقى لي يوقف معاه ابدا ههه مش طول تلقى هذاك الشخص الاسطوري المضحي الصبور للاسف ذا الواقع

شريك الحياة ولاتمشي الرياح بما لاتشتهي السفن يخي انت مش مدود على الزواج
ابني ذاتك وانجح مبعد تجي هي
الفكرة انو اذا انت كنت ناجح وقوي طبيعي الmilieu لي يكون محيط بيك يكون ناجح ومتفائل مالا حتى هي تكون تنتمي ليه فاهمني ؟

انت كي توصل لعز توهجك رح تكتفي ذاتيا
لكن هذا مايمنعش انو تواجهك ازمات بصح انت مدامك واجهت من قبل فرح تقدر تزيد تواجه ربما فذاك المومون يكون عندك شريك فهو يوقف معاك تلقاه فكتفك يقويك برك مش يكون هو كلش يعني جزء من المواساة
فالباتالي كلش يعتمد علك اذا قمت وتقويت وبنيت شخصية باساسات قوية من اول مرة عمرك ماترجع للقاع وذا صدماتك الحياة فترة وتتجاوزها

/
راكي تحكي بشكل درامي بزاف،شغل إنسان هذا حيط،مجرد من المشاعر،ابني نفسك وقوي نفسك،هاذي دنيا متحصريش كيفاش دور بيك تكون خدام تروحلك الخدمة يمرض باباك يصرالك مشاكل،طيح في دوامة وراصة خامجة تاع مشاكل ارواح نت واخرج منها كي شعرة من العجين،الدراما ساهلة ابني نفسك ومذا منا ملهيه الواقع شيء أخر

/
هذاك من كوتي اما كي كي نحكيو انو من جانب الانسان لي يوقف معاك وقع فاكيد الاول هو نفسك وترميمها، واذا موقفتش بنفسك فساسك غالط ، لكن ديما الانسان وبطبيعتو لي خلق فيها يحب يكون مع انسان يدعمو ويكون معاه في كل مواقف ، وهكذا منيش نقصدلك فتاة لانو انا بالنسبة ليا قادر يكون الام او الاب قادر يكون اخ صديق فما بالك في اختيار شريك صحيح ..

كي شغل هي على حساب المواقف
يمكن لي جاز علي ولي جاز عليك مختلف وكل واحد خرج بدرس وكون فلسفة معينة على الموضوع هذاك
اما قصة الدراما منعرف تبانلي كل واحد عندوا طاقة تكفيه - لايكلف الله نفسا الا وسعها - معنتها كامل لي يواجهك قادر تتحمله وربي حطهولك لحكمة وقادر تتحملو سوا وحدك او بمساعدة احد ما

/
هي بطبيعة الحال سنة الحياة هكذا ، لي رايح تجوظ عليه راح يفوت فوق اشلائك رضيت ولا ما رضيت ، هذاك مفروغ منو ، قيمة السند يتنعرف ايمات المحنة ، انا عطيتك مثال ، مع اني جزت بصوالح صح خلافتني نديكوفري بلي لي كتبتو لفوق صح كما ان من حسن حظي تخصصي بالجامعة ومهنتي خلاتني نزيد نكونفيرمي كيفاش نعرف الممتمع والعلاقات الاجتماعية

السند هو الثقة الله ومبعد نفسك وعايلتك هذو برك لي يكونوا معاك قليل وين تلقى صديق صادق يقدر يكون السند اما البقية فكامل نهار تطيح بيك يخلوك عند اول موقف هذي طبيعة البشر
يعني اغلبهم ناس مصالح كي تخلاص المصلحة يغبروا للاسف
على هكذا قلت لازم الانسان يخلي لروحو مساحة حتى كل ماتطيح بيه يقعد مع روحو

/

جاية من نوع لي متغلبيش نتي علبالك

ايا صحا نعطيك قوسطوك في هذا الهدرة وصاي بويسك دي فوا نكتب بزاف ومبعد يقولك راك ديباصيت350حرف ايا وماك نتكاكا ونبدا نمحي وانا نكره عقلية هاذي يا ناقش مليح يا نجبد روحي ههههه

ذي تع الحروف نكرهها بالذات
زعم كيفاش { منغلبش } قصدك ميعيينيش النقاش ؟

/
واحد عاد يكتب ويحسب فالحروف انا الحساب تعلمتو غير في هذا المنتدى هنا تعرف صح قيمة حرية تعبير ...

_/ قصدي عندك نفس الطويل باه يتناقش معاك واحد لازملو يكون متهيأ نفسيا سيكولوجيا وجسديا وعتده امكنيات التواصل بحرية، باه ياربي وين تبداي تستعرفي هههه وتبداي تتكاكاي مع روحك

هههه النقاش هو النقاش كل طرف يسيي يوضح ويعرض افكاروا وحاجات يامن بيها والطرف الشاطر لي يثبت رايوا
قصة النفس الطويل فعلا كاين منها خاصة اذا كان نقاش يخص حاجات انا معتمدتهم في حياتي

وقصة نستعرف ايه نستعرف عادي كي يقدر الطرف الاخر يثبتلي العكس ويقنعني بالعكس نستعرف مش مشكل رانا كامل نتعلموا
هههه لازم التهيء النفسي خاطر انا كي نشوف النقاش بدا هههه كي شغل حرب وخاصة اذا كان لكل واحد راي مختلف تستحق جهد يعني وحجج

/
كتبتلك بزاف كي قالولي اك ديباصيت 350 حرف صاي حكمتني فشلة تاع كورونا هههههه
اني معاك في واش قلتي مام انا نتقبل الراي والراي الاخر سيرتها مي يقدر انسان يفنعني وبإثبتات ونحب النقاش سورتها لكان مع انسان متفهم متقدرش تسمح في نقاش لانو قادر تفيدو وقاد تستفاد مي كاين لي راسو حطبة معزة ولو طارت انا هاذوم نيفيتهم منكذبش عليك

معليش 350 راحوا انا كي نديباصي نكوبي شوية ونقسم الهدرة
يص لازم الانسان يكون متفهم فالنقاش خلاص مالا كي تشوف موضوعاتي لتم تقدر تسالني ونتناقشوا مي مش هنا وتهبلني ذيك تع الحروف