منتدى اللمة الجزائرية

/
انا عن نفسي مش نزعف برك تلعبلي على المورال دي فوا .. سورتها لا شفت خسارة قاسية كيما هادي لانو مش متعود عليها كمشجع برشلوني .... منخلص عليها ما والزا بلعكس نخلص باه نتفرجها متعة كروية بلا حدود احسن من كرعين لمعيز لي فدوري تاعنا ... المورل زدتي كملتي عليه

حنا في العائلة كاين خالتي كي يخسروا تمرض مرات توصل حتى سبيطار هههه
حتى راجلها ولا ميخليهاش تتفرج
معليش المرة الجاية تربحو بصح سمحلي خسرتو بجدارة ياو 8 هههه

/

انا عندي ختي صغيرة تعرف قاع ليجوار وتعرف اغلب الاندية والمنتخبات وتسيبورتي وتبع بالون دي فوا خير مني ... سورتها ليجوار تاع المتتخب ، وعائلة في دار قاع تاع بالون ، ولله غير خسرنا شغل خسارة تاع تبهدايل ولله راني لدوك كي نتفكرها نحس ذيك الغصة في قلبي " اني نحتضر اجدك وليت كي نشوف رقم 8 نتوسوس ...

صح كاين لي عنده شغف يتبع البالون
عن نفسي ما نتبع والو لا ليجوار لا ممثلين لا مغنيين الحمد لله مهنية
حتى تلفاز منتفرجهش وإذا تفرجت نتفرج مع خويا الصغير نسترجع ذكريات الطفولة
هههه لهذه الدرجة كنت حاسبتكم تتفرجوها غير عادة ولا تعمرو الفيد ..ربي يكون في عونكم ههه

/
دي فوا تلوحي كلمات تخلي البنادم يتوسوس من روحو علبالك ههه تسمى قاع العالم بواش فيه من جماهير وعاشقين للكرة وقاع ... قتلهم الفيد راحولها يعمرو فلفيد تاعهم غير نتي لي استثناء معندكش الفيد في حياتك صافي معندك اي حاجة في راسك ههه ، اللهم امين صحيتي صحيتي "

ههههه صحا معليش تخمم بلالوجيك انت درك كي خسروا وطاحلك المورال وزعفت روحك كاش ماربحت وإذا ربحو كاش ماراح يفيدوك انا لحاجة لي متفيدنيش معندي ما ندير بيها كاين

صوالح ميفيدوش بصح ترويح عن النفس راني معاك فيها بصح ترويح عن النفس كي يربحو ونهار يخسروا الله يسهلك عليهم ماشي جيت نروح على نفسي نولي في مورال طايح
مكلاه تتوسوس كل واحد وتخمامه بصح مزال عند رايي ...

بالرغم من اني مش من مشجعين بارصا ونفرح كي تخسر هههه
بصح لي يوجع القلب انو متعة كرة القدم بدات تروح
خسارة كبيرة فريق كي البارصايخسر ب 8
ليوم نستناو ماتش مان سيتي كاش مفاجئة ههه

/
افنان بديتي بتحكي بشكل درامي صاي مقدرتلكش ، نهار لي تبداي تحكي بشكل درامي انا نبقى نشوف وساكت نتأمل برك سيتو

/

@سجينة الصمت ههههه كنت نعرفك ناس ملاح بصح دروك كي عرفتك راكي كونطر برشلونة تسمى اممم ... هههه
صاي كي راكي تبعي مان سيتي لا خوف عليك ههههه البيئة سليمة والمونتاليتي 10/10 ههههه ان شاء الله يلعب حروز برك

هههههههه بارصا نحب نتفرجها ونستمتع ب اللعب بصح باه نحبها دة كتير اوي ههههه
انا في وقت ماض كنت متعصبة لنادي معين حاليا نحب نستمتع باللعب الجميل والنظيف ايا كان الناد ولا منتخب
إيه ان شاءالله يلعب ويربحو ونشوفو واش يديرو مع البايرن

/
كنتي مليحة مين قتيلي نستمتع باللعب تاع البرصا ايا ومبعد هلكتيها ...
باين شكون النادي لي كنت متعصبتلو نادي واحد وهو نادي الفتيات ريال مدريد
بما انك حاليا تحبي تبعي اللعب النظيف والمليح فهذا احسن قرار تمشي بيه كبنت