واش رايك؟**فريق المحبة**

[اناس]

السلام عليكم حباب اللمة
واش راكم​

بصراحة أنا راني دايخة راسي رايح يحبس​

لوكان نقلكم واش صرا
أنا بالنسبة ليا أول مرة نشوف موقف كيما هذا قدام عينيا
نسمع بمواقف مماثلة لكن ماشفتهاش مانيش عارفة أنتم إذا صادفتوها ولا لا
على العموم راح نحكيلكم وما نطولش​

بصح لازم تجاوني وتعطوني رايكم​

كنت رايحة للسي مع حبيبتي رانا نتمشاو وقدامنا زوج بنات(2) يقراو في السيام (التعليم الأساسي) أعمارهو تتراوح بين 13 إلى 15 سنة
رانا نمشيو حتا جاء واحد الجان عمرو نقولوا 17 سنة قال لوحدة من هاذوك لبنات أعطبنب النيميروا تاع الموبيل تاعك ​

تخيلوا الطفلة واش كان ردها
ماأمنتش​

تعرفوا واش دارت؟ طيحتلوا وسباتوا​

وهو واش دار ؟​

عطاها زوج كفوف دوخها​

هي شدت صحبتها وكملت طريقها كي شغل ماصرا والوا
وهو حكموه ليجان الي كانوا في الطريق​

ماعرفتش هي ماعرفتش تتعامل معاه؟
ولا هي تهدر مع الناس هكذا؟​

وتاني ماعرفتش إدا هاد الشاب يقبل على أختوا واش دار ؟​

أنا ماعطيت الحق لحتى واحد فيهم
لأنهم في زوج غلطوا​

مي المصيبة انها بعد ايام شفت نفس البنت مع نفس الشاب الي داروا المشكل​

يمشيو ويضحكوا​

والله غير تبهديلة​

هذا رايي نتمنى تقولوا رايكم ​

وإدا شفتوا هاذ الموقف قدامكم
واش راح اديروا؟
ولمن راح تعطوا الحق؟​

 

[ziassia]

لا حول و لا قوة الا بالله

سبحان الله

علبالك راهو معضم الشباب هكذا و ربي يهديهم الحق بلاك نعطيهولهم في زوج و ثانيك ميدوهش في زوج اول مرة نسمع بقصة كيما هكذا

المهم هوما راهم داروا التبهديلا و صرا واش صرا و ممبعد قلتي لقيتيهم مع بعضهم البعض يمشوا و يضحكوا هوما راهم فراو صوالحهم مكان علاه تتقلقي انتي

الله يهدينا و يهدبهم

 

[اناس]

لا حول و لا قوة الا بالله

سبحان الله

علبالك راهو معضم الشباب هكذا و ربي يهديهم الحق بلاك نعطيهولهم في زوج و ثانيك ميدوهش في زوج اول مرة نسمع بقصة كيما هكذا

المهم هوما راهم داروا التبهديلا و صرا واش صرا و ممبعد قلتي لقيتيهم مع بعضهم البعض يمشوا و يضحكوا هوما راهم فراو صوالحهم مكان علاه تتقلقي انتي

الله يهدينا و يهدبهم

عندك الحق أختي
أنا الي حيرني
رد فعل كل منهما وقت الحادثة
وزيد لوكان شفتيهم بعينيك تحيري
ربي يهدينا ويهدي أمة محمد
شكرا ليك

 

[اميرة وهران]

اختي الكيمة فعلا مشهد مخزي بصراحة انا من رايي كان المفروض البنت اول ما تكلم معاها دير بنفسها ماسمعاتوش و تكمل طريقها دون ان تعيره اي اهتمام او توقع نفسها في المشاكل .
و اذا اصبحوا يمشو مع بعض معناه راهم من نفس الطينة و كلاهما ما عندوش كرامة

 

[mohamed ali 1992]

*كل وعاء بما فيه ينصح *
​

 

[اناس]

صح عندك الحق في زوج كيفكيف