*¤ô§ô¤* لبنات وتشجيع كرة القدم *¤ô§ô¤*

[asmaa_h]

انا تاني نتابع لي ماتش و هدي الظاهرة تجيني عادية

 

[بنت الـ25]

اه وي أنا نحب الطفلة لي تسيبورتي و الله تجي هدة قاع , مي لي تروح لصطاد عماتها .. يعني مليح كي التبع خطراش الرياضة ماهيش لجنس معين و لا حاجة مي ماشي مليح تحشر روحها في الصطاد مع الشهب مرسي موضوع مميز من عضوة متألقة .

​

امالا هدة؟؟؟ عجبتني هادي

بصراحة بلادنا برك اللي مالازمش تدخل فيها الطفلة للصطاد...بارسكو لي جان تعنا الله يبارك مربيين بيان

(مش كامل طبعا)..........مرسي غزال عالمرور الرائع

​

 

[بنت الـ25]

نحب الفوت ونتابعا ختراه محتم عليا عندي خاوتي مهابل نتاع بالون لازم نكون حفظتهم
​

هههههههههه

هكاك أنا ... مي أنا من بكري خلاص

مرسي توتا..نورتي

انا راني فتاة بصح نموت على كرة القدم ودايما نتبع لي ماتش تاع هنا ولهيه ونشج الفرق

باينة من اسمك يالسطايفية

نورت الموضوع

انا تاني نتابع لي ماتش و هدي الظاهرة تجيني عادية

مشكووووورة جدا أسماء عالتفاعل

 

[البسكرية1990]

انا عندي لبنات يحبو مانشستر يونايتد
وخاصة النجم كريستيانو رونالدو
يموتووووووووووو

اختي كريستيانو راه يلعب في ريال مدريد مش في المانشستر
نرجع للموضوع ضرك
وش رايكم في الفتاة اللي عندها ميول رياضية؟
نورمال وراه المشكل بصح تشجع من الداركيما يقول خويا

وهل تؤيد تشجيع البنات للأندية ؟
ايه... نعم.. وي
وهل التشجيع خاص بالشباب برك ؟
انا نحسها صعيبة على لبنات نحب نشوفها برك بصح ضرك كيما رانا نشوفو عاد المنتخب الالماني النسائي ينافس الرجال يعني ماكانش فرق
من وجهه نظرك ما هي حدود تشجيع البنت ؟
من الدار يعني ما كلاه لي سطاد وزيد وكان فاتها ماتش نورمال مش تقتل روحها
يعطيك الصحة على الموضوع​

 

[إيـــ م ـــآن]

بدايتا أنا لما كنت فاليسي كنت مهووسة بمتابعة مباريات كرة القدم

كوب شومبيونا ومبارايات رابطة ابطال اوروبا والدوريات الاسبانيةو الانجليزية لكن كي طلعت لافاك وليت نتبع اهم المباريات برك يعني نقصت شوية مي مين داك يوليلي هبالي ​

وهادي هي اجوبي :001_wub:​

اسئلة النقاش:

وش رايكم في الفتاة اللي عندها ميول رياضية؟

نورمال فتاة عادية كيما تبع المسلسلات تبع كرة القدم
وهل تؤيد تشجيع البنات للأندية ؟
ايه عندها الحق تشجع كل واحد عندو اهتماماتو الخاصة وادا حبت تكون الرياضة ضمن اهتماماتها هي حرة
وهل التشجيع خاص بالشباب برك ؟​

لالا شكون قال؟ بالعكس ساعات تلقى الفتيات يشجعو اكتر من الشباب
من وجهه نظرك ما هي حدود تشجيع البنت ؟​

حدودها فالدار تشوف فالتيليفزيون ولتم تحبس ماعندناش بنات تشجع فاصطاد ولا تخرج ديفيلي ​

​

 

[narimane]

نتبع المباريات بصح غير المباريات المهمة و في التلفزيون برك
بصح نشوف بلي لبنات يتفرجو عالقنوات الرياضية خير من الاغاني و المسلسلات لي ماعندهم حتى فايدة​

 

[عاشقة الكرة]

الماتش حياتي والله غير اجمل شي في الدنيا كون يخطيني ماعنرف واش يصرا ومشكوووورة على الموضوع القيم ​