النهارده عايزه اتكلم معاكم
واسمحو لي اتكلم بلهجتي العاميه المصريه
اكيد لما بنتكلم بلهجتنا الدراجه في حياتنا اليوميه بنعبر احسن
الباقيات صدعتينا ادخلي في الموضوع
طيب انا عايزه اتكلم عن السعاده
امتا احس اني سعيد ... سعيده
ناس تقول السعاده في المال .. وناس تانيه سمعاها بتقول لالا السعاده في الصحه .. وواحده بعيد اهي بتقول لا السعاده في الاولاد ... وواحد بعيد بيقول السعاده ايه ؟ مش سامعه كويس
يعني كل واحد فينا له وجهة نظر في احساسه بالسعاده
طيب انت بتحس كل يوم بيمر عليك في حياتك انك سعيد
ولا بعض الاوقات ...
انا هتكلم عن نفسي لان انتم في رددوكم هتتكلمو عن نفسكم
في الدراسه ببقه مضايقه جدا ( انا طول عمري بكره المذاكره ) حتي لما بقيت ام وبذاكر لبناتي برضه بكره المذاكره
فدايما ااقول لما المدرسه تخلص اكيد هكون سعيده
وبعدين تخلص المدرسه وتيجي اجازة الصيف ... ابتدي اجهز في الهدايا والشنط عشان نروح مصر ( اختكم مغتربه ) ااقول ياه تعبت من التجهيز للسفر لما اسافر هكون سعيده
واسافر وابتدي دايره جديده كل يوم مشواير اوراق ناقصه بنحتاجها واحنا بره مصر .. نروح للدكاتره نشيك علي صحتنا ... كل يوم فيه مشكله جديده ( هي دي مصر يا عبله ) اقتباس من احد الافلام المصريه
ااقول لا لاانا تعبت عايزه ارجع الدوحه هناك ببقه سعيده .. وتدور الدايره وارجع وتبتدي المدارس
لا اله الا الله ... يبقه طول الوقت مستنيه وقت تاني ابقه فيه سعيده
بالطريقه دي عمر الوقت ما هيجي والعمر بيجري يوم ورا يوم واللي مستنينه ابدا مبيوصلش
طيب ازاي ابقه سعيد
الخلاصه اني اكون راضي .. استمتع بكل وقت ولحظه بعيشها لانها مش هترجع تاني هتبقه ذكري
ايوه بنضيع عمرنا ندور علي شيء هو معانا طول الوقت ... تعالوا نرضي بكل لحظه بنعيشها
ونقول الحمد لله علي كل حال ... عشان نبقه دايما عايشين في سعاده
انتم الدور عليكم تقوللي رايكم وايه هي السعاده بالنسبه ليكم
دمتم في حفظ الله
واسمحو لي اتكلم بلهجتي العاميه المصريه
اكيد لما بنتكلم بلهجتنا الدراجه في حياتنا اليوميه بنعبر احسن
الباقيات صدعتينا ادخلي في الموضوع
طيب انا عايزه اتكلم عن السعاده
امتا احس اني سعيد ... سعيده
ناس تقول السعاده في المال .. وناس تانيه سمعاها بتقول لالا السعاده في الصحه .. وواحده بعيد اهي بتقول لا السعاده في الاولاد ... وواحد بعيد بيقول السعاده ايه ؟ مش سامعه كويس
يعني كل واحد فينا له وجهة نظر في احساسه بالسعاده
طيب انت بتحس كل يوم بيمر عليك في حياتك انك سعيد
ولا بعض الاوقات ...
انا هتكلم عن نفسي لان انتم في رددوكم هتتكلمو عن نفسكم
في الدراسه ببقه مضايقه جدا ( انا طول عمري بكره المذاكره ) حتي لما بقيت ام وبذاكر لبناتي برضه بكره المذاكره
فدايما ااقول لما المدرسه تخلص اكيد هكون سعيده
وبعدين تخلص المدرسه وتيجي اجازة الصيف ... ابتدي اجهز في الهدايا والشنط عشان نروح مصر ( اختكم مغتربه ) ااقول ياه تعبت من التجهيز للسفر لما اسافر هكون سعيده
واسافر وابتدي دايره جديده كل يوم مشواير اوراق ناقصه بنحتاجها واحنا بره مصر .. نروح للدكاتره نشيك علي صحتنا ... كل يوم فيه مشكله جديده ( هي دي مصر يا عبله ) اقتباس من احد الافلام المصريه
ااقول لا لاانا تعبت عايزه ارجع الدوحه هناك ببقه سعيده .. وتدور الدايره وارجع وتبتدي المدارس
لا اله الا الله ... يبقه طول الوقت مستنيه وقت تاني ابقه فيه سعيده
بالطريقه دي عمر الوقت ما هيجي والعمر بيجري يوم ورا يوم واللي مستنينه ابدا مبيوصلش
طيب ازاي ابقه سعيد
الخلاصه اني اكون راضي .. استمتع بكل وقت ولحظه بعيشها لانها مش هترجع تاني هتبقه ذكري
ايوه بنضيع عمرنا ندور علي شيء هو معانا طول الوقت ... تعالوا نرضي بكل لحظه بنعيشها
ونقول الحمد لله علي كل حال ... عشان نبقه دايما عايشين في سعاده
انتم الدور عليكم تقوللي رايكم وايه هي السعاده بالنسبه ليكم
دمتم في حفظ الله
