ستار أكاديمي .... ايه ولا لالا ؟؟

[Lovely_girl]

صحا الجماعة ... هاو شتا​

​

ان شاء الله تكونو بخير​

​

الصح من نهار اللي شفت هذا القسم وانا حابة نشارك فيه​

​

ليسونسيال راني حابة نهدرلكم على ستار اكاديمي .... وراني سير باللي قاع تعرفو هذا البرنامج اللي دار ضجة كبيرة​

​

واليوم راني حابة نسمع راي ولاد بلادي فيه​

​

واش رايكم فيه ؟​

​

هل ستار اكاديمي برنامج نورمال نتفرجوه باه نفوتو الوقت​

​

ولا برنامج مليح يكتشف المواهب الفنية ونستفادو منو​

​

ولا برنامج حرام ولازم يقطعوه​

​

نستناكم ليزارتيست ما تبهدلونيش​

 

[king of the love]

السلام عليك اختي اتمنى ان تكوني بخير اما بعد
اي انسان مسلم ومتبع لدينه ومتمسك به لايرضى ان ينتهك عرضه او يمس في شرفه
وهذا البرنامج من انذل البرامج وهو من الفتن التي نبتلى بها فليس الغرض منه انتاج مواهب وانما حتي نقتنع بسياسة الطحن والرخس حتي يرى الاخ اخته وهي تمارس الفاحشة وممكن انك متتبعة لهذا البرنام ورايتي مافيه من انحلال خلقي ولتنظري لقناعتك ماذا تقول لك لان الانسان يقتنع بقناعاته فقط ام انك تشككين في قناعاتك

 

[fidou]

يعني نتفرجها ساعات ...كي تنفحلي عليها مي زادو عليها بزااااف و انا منسيبورتيهاش ...

 

[noor*2009]

سلام
ستار اكاديمي يبانلي بروقرام غير تع ليجان
ايه نورمال يلا تبعناه
و راحلوا ريم وسلمى وامل وشرفونا

 

[دودو لبزاف]

كي نحب نضحك نشوف فيهم
اونديري حصة لفهامة :cursing:
​

 

[houdafr]

ستار اكديمى تاعنا بايخة وخصوصا لبنات يعنى ماعندهم حتى نضج فكرى وزيادة على دلك اختلاط واشياء لاتدكر حتى لاتسيئ اليهم ربى يهدينا جميعا

 

[houdafr]

ستار اكديمى تاعنا بايخة وخصوصا لبنات يعنى ماعندهم حتى نضج فكرى وزيادة على دلك اختلاط واشياء لاتدكر حتى لاتسيئ اليهم ربى يهدينا جميعا

 

[صديقة الشقاوى]

هادوك ملقوش واش ايديروا هادك البيت جمعهم ربي يهدينا جميعا خاصة الامة الاسلامية

 

[نور الانوار]

اهلا خيتو

والله ستار اكاديمي برنامج شوية سي با سا ههه


مي معليش

لحد الآن جامي شفت حصة منو


أم قالولي الجماعة البرايم يوم الجمعة بالاكـ نطل عليه​

 

[المتفائلة خيرا]

أنــا ضده تماما/// الناس تقضي في صوالحها واحنا
نضيعو في اوقاتنا على جالهم ///وماذا عنكي lovely-girl

 

[هاوية المنتديات]

فار غين شغل
لكان نعرف يبقا غير هو فتلفزيو مانتفرجوش
نشوف ألحان وشباب ومانشوفوش هو

تقبلوا مروري​

 

[sarah s]

السلام عليكم و رحمة الله و بركاته​

حسبنا الله و نعم الوكيل ​

((يَاأَيُّهَا الَّذِينَ آمَنُوا لاَ تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِنْ الَّذِينَ أُوتُوا الْكِتَابَ مِنْ قَبْلِكُمْ وَالْكُفَّارَ أَوْلِيَاءَ وَاتَّقُوا اللَّهَ إِنْ كُنتُمْ مُؤْمِنِينَ))​

((يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لَا يَهْدِي الْقَوْمَ الظالمين)) ​

قال تعالى: {يَا أَيُّهَا الَّذِينَ آمَنُوا لا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنَ الْحَقِّ }​

و قال تعالى
{تَرَى كَثِيرًا مِنْهُمْ يَتَوَلَّوْنَ الَّذِينَ كَفَرُوا لَبِئْسَ مَا قَدَّمَتْ لَهُمْ أَنْفُسُهُمْ أَنْ سَخِطَ اللَّهُ عَلَيْهِمْ وَفِي الْعَذَابِ هُمْ خَالِدُونَ وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنْزِلَ إِلَيْهِ مَا اتَّخَذُوهُمْ أَوْلِيَاءَ وَلَكِنَّ كَثِيرًا مِنْهُمْ فَاسِقُونَ لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا }​

​

​

​

 

[بنت الـ25]

علاه هاداك برنامج يحكيو عليه الناس؟؟؟
يخي حالة​

 

[sindiana]

شكرا

السلاااااااااااااام عليكممممممممممم انااااااا في نظري نقول انو مالازمش علينا ان نشاااهدوها رغم اني مراااااات اتفرجها لاني اكووووون مالة او ضايجة نتفرجها لكن مشي في كل الاوقااااات و بكل صراااحة كي وليت نتفرجها و ليت ندير كيفهم الاخلااااااااق المتدنية تاعهم و الي هي عكس الاسلام و الدين الاسلامي تاعنا تماما ولات تتفليكسا لي هههههههه **و دروك الحمد لله بطلت نتفرجها لانو شفت بلي ما عندها حتى فاااااااائدة و اي فن اللي عندهم حنا منشوفو ني فن ني والو نشوفو غير الزين قاع النهار و حنا هادا شباب هادا لا و نقعدووو نحلموووووووو علاه منروحوش نقرو قرااااااااان نصلو و ندعو ربي مشي خير من تضياااااع الووووقت اسمحولي طولت عليكم بالهدرررة بصح الله غالب انا نبغي نعلق على مواضيع مميزة كيما هادي و شكراااااااااا لك ***باااااااااااااي موووووووووفقين موضوع مميز جدا *******

 

[Lovely_girl]

صحيتو على الردود ما تتخيلوش فرحتي

وشكرا لتقديم أرائكم ومثل ما نشوف كل واحد ورأيو الخاص معليش كيما يقولو اختلاف الرأي لا يفسد للود قضية

وماذا عنكي lovely-girl

باش نكون صريحة معاك ختي العزيز ة انا نشوفو :music_whistling:


بصح من ردود الاعضاء بلاك نبدل راأيي

 

[الورد الأحمر]

والله لابغى كي نقلق ونقول نجيب بيهم
شوية وقت ما نقدرش نحملهم،ناس
فارغة شغل علابالها الكاميرات
قدامها من لي يدخلو للأكاديمي
وهوما يمثلو وواحد ما
يظهر بشخصيتو تاع
الصح والله ما
يتحملوا
...​

 

[Lonely Girl]

هادي ستار اكاديمي والله شقيتي روحك وكتبتي عليها موضوع , البرنامج هدا مضيعة وقت مافيه حتى فايدة ولي دايرو مبيهش حب الموسيقى والغنا مجرد تجارة وربح سريع على ظهور الناس ​

 

[حنين الروح+]

لاموهبة ولا والو يجمعو فيهم على جال ارم واحد الرذيلة والفسق خسرو لجان والله
انا والله مشفت وجه واحد ولا وحدة منهم منقيمش

 

[امل قمار]

انا صراحة بلا كذب نتبعو مي كي يولي فيه مشتركة جزائرية او جزائري
تعرفو واعلاش خاطر انا شفت انو اكثر المشاركين احتراما هم الجزائريين والله يدخلو على خاطر الموهبة فقط والله تحسهم متربيين صح
انا نتبع غير الجزائريين ونتبعهم قلب ورب النسخة تاع العام هذا مارانيش نتبع فيها خاطر ما فيهاش جزائريين وكذلك النسخة الرابعة ماتبعتهاش لنفس السبب
انا مع الجزائريين وين ما كانو في لمليحة او في الخايبة اسمحولي راني متعصبة بزااااااف
هههههههههههههه لوكان تشوفو واش درت عام اللي دخلت فيه امل بوشوشة كنت راح نهبل عاملة بروقرام خاص على خاطرها وليت كي لمهبولة لسبب واحد انا مثلت الفتاة الجزائرية احسن تمثيل وحتى لوكان البرنامج ماشي مليح الجزائريات يزينوه باخلاقهم وهذا بشهادة كل العرب من خلال نسب التصويت اللي كانت تجيهم لدرجة انو القائمين على البرنامج ولو يزورو في النتائج لأنهم تفاجؤو في شعبية الجزائريات المحترمات عند العرب
اسمحولي على الإطالة مي كي تولي حاجة خاصة ببنات وولاد بلادي نولي كي المهبولة
​

 

[fakhri-dz19]

سوق ذرررررررررر​