السلام عليكم ورحمة الله وبركاته
اعزائي عزيزاتي حابة اليوم نطرح موضوع شوية خفيف منها نتناقشو منها نبعدو عن اجواء الضغط والامتحانات
المهم كاين بزاف بنات تقولك انا ما نخدمش فالدار وما نعرفش حتى نقلي البيض(العضام) وتلقاها تتفاخر وكانها تهدر في حاجة مليحة زعمة كي تسمع انت تقول الطفلة مدللة في دارهم وتربات امها هي اللي تخدم كلش هي تتلهى غير مع المينيكور والبيتيكور . ونهار يوصل مكتوبها تلقى امها اول حاجة تنبه ليها هي انو بنتها راهي عاشت معيشة لفوق وعندها غير قرايتها ما تعرف طيب ما تعرف دير الخدمة تاع الدار وتاكدلهم بلي بنتها ما تحبش هاد الحوايج خطراش ماشية على الموضة وبنات الوقت هادا يعرفو غير يشاتيو ويتفرجو ويسمعو الشرقي حاجة غير هادي والو. اااه ونسيت تاني تقلهم بلي بنتي ما تحبش تنوض بكري يعني حتى جوايه 10 يستلزم خليوها على راحتها وما تقلقوهاش خلاص راهي مخلوقة في زجاجة ما تقيس ما تنقاس
هادي هي الصورة الاولى واللي تكون قبل الزواج طبعا الراجل مسكين يقبل ويقول غير نعم قابل بكل شروطكم وامو مسكينة تحكمها في قلبها وتسكت تقلك ما نفسدش فرحت بني
بعد الزواج طبعا الحياة رايحة تتبدل والارجل تنزل للارض وينتهي الحلم الوردي وينصدم الراجل بمرتو . كفاه ينصدم يروح يخدم ويجي مكانش لغداء يلقى قشو مركس ومطايش في كل بلاصة دار مقلبة يقولها واش بيك يا مرا تقولو راك كنت قابل والخدمة تاع الدار شرطتها من قبل
واش اللي تبدل .اللي تبدل الحلم الوردي . لهذا السبب لازم عليكم يا لبنات تتعلمو كلشي وحدة ما تقوليش راني قارية هادي تكفيني لانو طلعت ولا هبطتي عليتي في الاخير راكي امراة وفي الاخير راكي ام وفي الاخير رايحة تكوني مسؤولة عن عايلة راهم امانة في رقبتك . حاوليي تقطفي من كل بستان زهرة ولا ما قدرتيش حاولي بلي استطعتي تتعلمي المبادئ برك ومنبعد طوري روحك لانو هذا زمان وهذي حياة ماشي احلام وكلام فالهواء راهو الواقع اصعب وما يقدرلو غير اللي حصن روحو وما خلى حتى شقة يدخل منها الريح. انتيهن على انفسكن عزيزاتي واعزائي سلااام
اعزائي عزيزاتي حابة اليوم نطرح موضوع شوية خفيف منها نتناقشو منها نبعدو عن اجواء الضغط والامتحانات
المهم كاين بزاف بنات تقولك انا ما نخدمش فالدار وما نعرفش حتى نقلي البيض(العضام) وتلقاها تتفاخر وكانها تهدر في حاجة مليحة زعمة كي تسمع انت تقول الطفلة مدللة في دارهم وتربات امها هي اللي تخدم كلش هي تتلهى غير مع المينيكور والبيتيكور . ونهار يوصل مكتوبها تلقى امها اول حاجة تنبه ليها هي انو بنتها راهي عاشت معيشة لفوق وعندها غير قرايتها ما تعرف طيب ما تعرف دير الخدمة تاع الدار وتاكدلهم بلي بنتها ما تحبش هاد الحوايج خطراش ماشية على الموضة وبنات الوقت هادا يعرفو غير يشاتيو ويتفرجو ويسمعو الشرقي حاجة غير هادي والو. اااه ونسيت تاني تقلهم بلي بنتي ما تحبش تنوض بكري يعني حتى جوايه 10 يستلزم خليوها على راحتها وما تقلقوهاش خلاص راهي مخلوقة في زجاجة ما تقيس ما تنقاس
هادي هي الصورة الاولى واللي تكون قبل الزواج طبعا الراجل مسكين يقبل ويقول غير نعم قابل بكل شروطكم وامو مسكينة تحكمها في قلبها وتسكت تقلك ما نفسدش فرحت بني
بعد الزواج طبعا الحياة رايحة تتبدل والارجل تنزل للارض وينتهي الحلم الوردي وينصدم الراجل بمرتو . كفاه ينصدم يروح يخدم ويجي مكانش لغداء يلقى قشو مركس ومطايش في كل بلاصة دار مقلبة يقولها واش بيك يا مرا تقولو راك كنت قابل والخدمة تاع الدار شرطتها من قبل
واش اللي تبدل .اللي تبدل الحلم الوردي . لهذا السبب لازم عليكم يا لبنات تتعلمو كلشي وحدة ما تقوليش راني قارية هادي تكفيني لانو طلعت ولا هبطتي عليتي في الاخير راكي امراة وفي الاخير راكي ام وفي الاخير رايحة تكوني مسؤولة عن عايلة راهم امانة في رقبتك . حاوليي تقطفي من كل بستان زهرة ولا ما قدرتيش حاولي بلي استطعتي تتعلمي المبادئ برك ومنبعد طوري روحك لانو هذا زمان وهذي حياة ماشي احلام وكلام فالهواء راهو الواقع اصعب وما يقدرلو غير اللي حصن روحو وما خلى حتى شقة يدخل منها الريح. انتيهن على انفسكن عزيزاتي واعزائي سلااام
