رسالة اعتذار باسم الجميع...

[Moha le sage]

رسالة اعتذار باسم الجميع... لاختنا بنت قسنطينة

غاضني الحال على ختي حليمة كي واحد بعثلها برية فيها كلمات مخلة بالحياء....

البالو قلب خرين حيوانات ماشي عباد .....

جماعة تسيبورتي ... وتروح تسكر ...

جماعة تخرج من الصطاد .. اللي تلقاه تكسرو ...

خرين تهدرلهم على ليكيب لخرى يسبوها ويسبو ناسها ..

هاذو ما همش بشر ولكن ياجوج و ماجوج ...

واللي فحل ما يفحالش في طفلة ....

نعرف البالو مديور باه تتعارف بيه شعوب ماشي باه تتهاوش..

ذرك تقول ال كابا تلقا لجماعة من سطيف يسبو فيها و في ناسها

تقول لبابيا كيمثليه ... وعلاه هاذ الشىء ....

انا عندي خيرة صحابي من البرج و العلمة اوا نسيبورتي الكحلة وهوما البابية و الكابا

لاه التفرقة هاذي لي لحقتنا باسم البالو ... يروحو ياكلو في الحب و يجلبو على الناس

التفريقة هاذي لحقت حتى للمنتديات .. ولاو الناس يديرو لي كلان تاع البالو ؟؟؟

موحا ess + سليم الكحلة ؟؟ ... vive cabba + علي الكابا حبي ؟؟؟

.... وروح اتاع العلمة و زيد منهيه للقبايل ...

يا جماعة كونكم عقال .. اجبدو روحكم للكبيرة ... البالو رياضة تاع منافسة اخوية وتعارف ..

و المنتديات مساحة للتواصل وابداء الراي ... ديرو صحابكم ماشي علاجال الفانيو ولكن علا جال

تقارب الافكار.. ومتخلوش التفريقة تسود ومتخلوش جماعة منحطة تصوقكم للتصرفات اللا اخلاقية

خليو المنتدى هاذا صرح جميل ... خالي من الكلام البذيء ... ربي دارلكم عقل تخمو بيه...

قال تعالى ** ولا تنابزو بالالقاب بئس الاسم الفسوق بعد الايمان **

باسمي وبسم اخواني اتقدم باعتذار لختنا حليمة .. وانا خليت صفحة بيضاء باه نولي من بعد ونكتب

في هاذ الموضوع اللي نعانيو منو جميعا

اللهم لا تحاسبنا بما فعل السفهاء منا

نقولو لناس سكيكدة والعلمة و البرج ولقبايل و الشاوية ولقسنطينية والقالمية و اي واحد ساكن

الجزائر راكم خاوا ... وحدود الولاية حدود ادارية ومحبة شخص في الله ما عندهاش حدود

خوكم محمد

 

[SaMi_o7]

بارك الله فيك خويا تاركان
اللهم اهدنا لما فيه الخير

اخر الزمان
لاحول ولا قوة الا بالله العلي العظيم​

 

[Ra Off]

ربي يهدينا

الناس شقت لبحر ... وطلعت للقمر ... وحنا في بعضانا على جال شومبرايار منفوخ
وقتاش نقدرو بعض ونحترمو بعض ... ووقتاش نتعلمو الروح الرياضية

مانعرف ؟؟؟ !!!

شكــــــــــرا ... خويا محمد على الطرح ... وهادو اللي يكسرو ويفسدو ويسبو على جال البالو
ويديرو فالجهوية ... راهم ذر وسفهاء كيما قلت ... ومهما كانت اعمارهم .. يبقاو ذر ​

 

[eclipsdelalune]

ربي يهدي ما خلق ...

 

[Jagwar]

أنا نقولك يا خويا تاركان هذا ماشى من وجهو المنتدى
وماشى فحل على خاطر راه يحقر فى وحدة أنثى
ما رانيش نشعل فى النار و الا بصح هذا ما يستاهلش يكون معانا
وكامل جماعة اللمة راهم يشاطرونى الرأي
والانسان هذا راح يبقى مغضوب عليه حتى يعتذر هو شخصيا لأختنا الكريمة
ومن جيهتى نعتذر لأختنا الفاضلة نيابة عن ما بذر من هذا الشخص
ونقوللها ما تعمريش راسك بواحد درارى

تحياتى ليك أختى و لخويا تركان لى راه يخمم علين كل








​

 

[Moha le sage]

أنا نقولك يا خويا تاركان هذا ماشى من وجهو المنتدى

وماشى فحل على خاطر راه يحقر فى وحدة أنثى
ما رانيش نشعل فى النار و الا بصح هذا ما يستاهلش يكون معانا
وكامل جماعة اللمة راهم يشاطرونى الرأي
والانسان هذا راح يبقى مغضوب عليه حتى يعتذر هو شخصيا لأختنا الكريمة
ومن جيهتى نعتذر لأختنا الفاضلة نيابة عن ما بذر من هذا الشخص
ونقوللها ما تعمريش راسك بواحد درارى​

تحياتى ليك أختى و لخويا تركان لى راه يخمم علين كل​

بارك الله فيك على هاذ الكلمات