مبروك العهدة الثالثة

[عاشق اللمة الجزائرية]

السلام عليكم

أردت ان اكون من السباقين لتهنئة الرئيس عبد العزيز بوتفليقة على العهدة الثالثة

وقبل انتهاء عملية الاقتراع ، وقبل صدورها رسميا

وبكل تزوير وتخيديس قد فاز اليوم رئيس الجمهورية

واؤكد لكم ان النسبة الحقيقية للاقتراع على المستوى الوطني

لم ولن تتجاوز 10 بالمائة حسب المعلومات التي جمعتها من مصادري الخاصة

وانما بأوامر من الولاة واصحاب السلطات

تم الامر بتغطية نقص المقاطعين بالانتخاب بدلا عنهم لصالح بوتفليقة

فمبروك عليه الفوز

وشكرا على الخدمة الجميلة التي يقدمونها للمقاطعين الذين لا يودون سوى ايصال كلمتهم

 

[HITLER]

و عليكم السلام و رحمة الله


مشكور أخي أمين على الموضوع ، أردت المشاركة هنا لتهنئة الشعب الجزائري بالرئيس القديم و الجديد عبد العزيز بوتفليقة . فسواء انتخب الشعب أم لا نحن جميعا نعرف أن الرئيس هو بوتفليقة ، على العموم هو أفضل من الباقي و أنا أشهد له على ذلك .
​

 

[fatima alaa]

وعليكم السلام ورحمة الله تعالى وبركاته

مشكور اخي حاجة باينة بلي عبدالعزيز بوتفليقة غادي يربح لعقوبة لعهدة اخرى ان شاء الله كي يكمل العاهدة الثالثة

مكانش لخدم الدزايير قده ربي يغليه ويحفظه ان شاء الله

شكرا لك اخي

 

[عاشق اللمة الجزائرية]

اكيد خدم الجزائر

جعل نسبة البطالة كبيرة

جعل نسبة انتحار كبيرة

جعل التزوير في انتخابات يخرج 100/100 ( ربي يديهم )

جعل المعيشة غالية

جعل الجزائري مذلول بشعار عزة وكرامة ؟؟؟؟؟؟؟؟؟؟

الرجال كاينين ، لكنهم ماحبوش يبهدلوا رواحهم ويترشحوا وهوما عارفينه راح يربح

 

[Rabah kabyle]

اكيد خدم الجزائر

جعل نسبة البطالة كبيرة

جعل نسبة انتحار كبيرة

جعل التزوير في انتخابات يخرج 100/100 ( ربي يديهم )

جعل المعيشة غالية

جعل الجزائري مذلول بشعار عزة وكرامة ؟؟؟؟؟؟؟؟؟؟

الرجال كاينين ، لكنهم ماحبوش يبهدلوا رواحهم ويترشحوا وهوما عارفينه راح يربح

السلام عليكم
والله ياخي عندك الحق مي لازم نصبرو خطاكش ماتو عليها الرجال
مشكور اخي علي الموضوع
​

 

[الساجدة لله وحده]

السلاام عليكم.
..الحمد لله مالقري للي رااه مخبي(راه واضح وضوح الشمس..غير حنا نصبرو رواحنا ونقولو مخبي)..
..عبد العزيز ..وعلى حساااااب كلامو انو رايح يزيد يعدل فالاحواال..والحمد لله مرة ثانية..بارسكو عدل حوايج بزاااااف..
..ومن الاول بااين بللي هو رايح يربح وما الانتخاباات الا كخلفية لاظهاار حرية التعبير في البلااد..
..وااش رايك....نهاار بوتفليقة حب يدير العهدة...شكون اول وحدة رفدت يدها ووافقت؟؟ لويزة حنون..
...هل من المنطقي ان تدور دورة كااملة وتكون من المعارضين!!!..
..يا خي حاسبين الشعب كاامل نيااااام...الانتخابات نتاع هاد المرة ماهي الا كما قلت سابقا..
..بااش يباان بللي عندنا حرية تعبير ونتسترو على للي راه متستر..
..عموما شكرا على التهنئة بالنيابة عن الرئيس القديم والجديد ..والمعتاااااد..
...ربي يوفقو لكل مافيه الخير ويعدل لبلاااااااااد........​

 

[karim007]

ايه عهدة ثالثة
ربحنا غير الذل من هذا البلاد
و كل شي كان مخدوم قبل الانتخابات
شتاو غير يقلقو انفسهم

 

[ADNANE-ESS]

السكوت هو سلاح الصابرين

 

[طارق القبطان]

حنا باركنالوا عندها مدة

 

[PublIsheR2]

أبارك للشعب الجزائري على انجس انتخابات عرفتها الجزائر
أبارك لملك الدولة عبد العزيز تيتو على هذه الشفافية و الديمقراطية و العزة و الكرامة
أبارك لمن سولت لهم انفسهم بخاينة الامانة
أبارك لكل من وقف في صف النظام و سخر جهده كي يملأ صناديق الاقتراع بمئات الاصوات البوتفليقية و امضاء تحت مئات الاسماء الغائبين
أبارك لكم هذه السلطة التي لطالما ظننتم بها الخير
أبارك لنفسي انه يحكمني على الاقل و لمدة خمس سنوات قادمة.

اللهم حرر المسجد الاقصى و الجزائر من اليهود الغاصبين

 

[hard_way1990]

وان تووو ثري فيفا لالجيري ...
احناااا شعب عدنا النيف !!
بلادنا بلاد ارجال

( تصفيق حار من الشعب ) !!

يعطينا زوج كلمات ويخدعنا بيهم ...
ادي الكرسي اي ليك دزاير مبروك عليك كرسيك

يا امين ماناش موالفين بيه الكرسي
نايضين خدامين ذرااااع

......

يا أمين ....

الشعب تاعنا صرالو كيما

واحد امو مطلقة ... وعايش مع باباه

وقالو باباه شكون خير !!

قالوا : تعيش مرت بابا ولي فالقلب فالقلب ..
​

تحياتي
​

هههههههههه والله ما عندي ما نقول بعد كلامك يا حمزة ومشكور خويا لمين على الموضوع ههههههههههههههههههههههههه
رغم أني ما علاباليش بلي راهم ينتخبو خلاص هههههههه نضت على 4 تاع لعشية ما فهمت والو ههههههه
​

 

[نقاء الروح]

مبروك على الشعب الي راقد على ودينيه ودرك نفكروا باش ندروا عهدة رابعة :angry::angry:

 

[Rabah kabyle]

مبروك على الشعب الي راقد على ودينيه ودرك نفكروا باش ندروا عهدة رابعة :angry::angry:

والله يا اختي عندك الحق ضرك نبدو انفكرو في الرابعة
ههههههههههههههههههههههه
تحياتي
​

 

[عاشق اللمة الجزائرية]

حتى يعيش لها

عندي سؤال والله من صباح وانا نفكر فيه

وش هو دور الشباب في هذي البلاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[عاشق اللمة الجزائرية]

التزوير في كل المكاتب

دار حالة

وعلى مستوى الوطني

بوتفليقة ======== رقم واحد

لويزة حنون ========== رقم اثنين

موسى تواتي ========= رقم ثلاثة

 

[نوميدي]

حتى لا أدخل في من الأفضل بوتفليقة أفضل أم غيره ... هذا لا يهمني .... لان الله وحده يعلم من الأفضل لكن أنا أتكلم عن احترااااااااااااااااااااااا م قرار الشعب الذي يدعون بأنه هو السيد

الشعب قرر أن يقاطع فلماذا يتحدون شعبهم ويضخمون نسبة المشاركة !!!!!!!!!! هذا اللي واجعني انا مش في بوتفليقة مليح ولا مش مليح

 

[PublIsheR2]

حتى يعيش لها

عندي سؤال والله من صباح وانا نفكر فيه

وش هو دور الشباب في هذي البلاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دور الشباب في الجزائر هو اما مزاولة الدراسة و التخرج من الجامعات ثم ركوب البحر حرقا الى اوروبا
او البقاء في البلاد كشاهد عيان به صمم على ما يجري فيها و يكالي الحيط

 

[sara_k]

مافهمتش علاه تهربو بحجة ان النتخابات مزورة الله يهديكم كل حزب وعنده ممثل نتاعه يشهد فرز الاصوات المهم ماتهربوش بمثل هذه الحجج والدليل غي في الاستطلاع نتاع اللمة بوتفليقة اكبر نسبة ولا هادا تاني مزور من الادارة ؟؟؟ الله يهديكم واش نقول وتحيا بوتفليقة وان شاء الله عهدة 4
​

 

[روح الفؤاد]

السلام عليكم

أردت ان اكون من السباقين لتهنئة الرئيس عبد العزيز بوتفليقة على العهدة الثالثة

وقبل انتهاء عملية الاقتراع ، وقبل صدورها رسميا

وبكل تزوير وتخيديس قد فاز اليوم رئيس الجمهورية

واؤكد لكم ان النسبة الحقيقية للاقتراع على المستوى الوطني

لم ولن تتجاوز 10 بالمائة حسب المعلومات التي جمعتها من مصادري الخاصة

وانما بأوامر من الولاة واصحاب السلطات

تم الامر بتغطية نقص المقاطعين بالانتخاب بدلا عنهم لصالح بوتفليقة

فمبروك عليه الفوز

وشكرا على الخدمة الجميلة التي يقدمونها للمقاطعين الذين لا يودون سوى ايصال كلمتهم

أنا ما فهمتش إذا كان صح تزوير علاش مراكز الإقتراع كان فيها الغاشي
أنا وين فوطيت بلاشان الفوط
وإذا كان هاذا الفوز عكس إرادة الشعب علاش الناس كامل خرجو يديــــــــــــــفيـــــــــــليـــــــــــو شوف النشرة ترجعلك بالخبر
أنا بالنسبة لي ماكاش كامل لي يصلح وبوتفليــــــــــــــــــــــــــــــــــقة خير من كامل لي ترشحو ولا الرجال اللي راك تهدر عيلهم

لا ينكر إنجازات بوتفليقة إلا جاحد

على الأقل نجح الرئيس بوتفليقة في تهدئة أعمال العنف، كنا وين ولينا وين
كما نجح في تسديد ديون الجزائر التي خلفها من كان قبله
و المشاريع والإنجازات تملأ جميع المناطق
أما من كان قبله لا أعرف واحد فعل شيء مهم بل كانو يزيدون من ديون الجزائر ومشاكلها

ألــــف ألــــف مبـــــــــــــــــــــروك للســــــــــــــيـــد بـــــــــــوتــفـــليــقــــــــة

 

[sara_k]

أنا ما فهمتش إذا كان صح تزوير علاش مراكز الإقتراع كان فيها الغاشي
أنا وين فوطيت بلاشان الفوط
وإذا كان هاذا الفوز عكس إرادة الشعب علاش الناس كامل خرجو يديــــــــــــــفيـــــــــــليـــــــــــو شوف النشرة ترجعلك بالخبر
أنا بالنسبة لي ماكاش كامل لي يصلح وبوتفليــــــــــــــــــــــــــــــــــقة خير من كامل لي ترشحو ولا الرجال اللي راك تهدر عيلهم

لا ينكر إنجازات بوتفليقة إلا جاحد

على الأقل نجح الرئيس بوتفليقة في تهدئة أعمال العنف، كنا وين ولينا وين
كما نجح في تسديد ديون الجزائر التي خلفها من كان قبله
و المشاريع والإنجازات تملأ جميع المناطق
أما من كان قبله لا أعرف واحد فعل شيء مهم بل كانو يزيدون من ديون الجزائر ومشاكلها

ألــــف ألــــف مبـــــــــــــــــــــروك للســــــــــــــيـــد بـــــــــــوتــفـــليــقــــــــة

والله غير عندك الحق بارك الله فيك كاين وحدين دارو فكرة في راسهم ومايgلعهاش قاضي فاس ....الله يهديهم
​