اللي حاب يتزوج..............

[nassime500]

ما نطولش عليكم
انا حاب نعرف من البنات:
كون يجيك خطاب يخطبك ويسقصيك على الشرط <المهر> نتاعك.
شحال الدراهم, واش من عملة حابتهم يكونوا.:music_whistling:
الصوف, الجرية (الجرية هادي والله ما نعرف علاش يزيدو فيها).:confused1:
وين حابة تديري العرس. وشكون اللي يجي يغنيلك في العرس.:crying:
ووين تروحي نتي وتعيس الحظ ^ نضحك برك ^. :001_tt2:
وزيدي من عندك. :crying:
نوصيكم يا البنات. ( ارحموا من في الارض يرحمكم من في السماء) والفاهم يفهم.
و الدراري تاعنا الله يبارك فيهم يقولولنا قداش يقدروا يخلصوا باه يتزوجوا. :thumbup:
سلام

 

[Lovely_girl]

شحال الدراهم, واش من عملة حابتهم يكونوا.

خمس ملاين ....دولار

وين حابة تديري العرس. وشكون اللي يجي يغنيلك في العرس.

ندير العرس في paris في القصر اللي دار توم كروز العرس تاعو

كريس براون وبيونسي يجو يغنولي

ووين تروحي نتي وتعيس الحظ

نروحو لهواي

مرسي على الموضوع خويا

وراني سهلت شوية كيما نتا قلت

 

[nassime500]

خمس ملاين ....دولار




ندير العرس في paris في القصر اللي دار توم كروز العرس تاعو

كريس براون وبيونسي يجو يغنولي



نروحو لهواي

مرسي على الموضوع خويا

وراني سهلت شوية كيما نتا قلت

هادة اللي راح تديه نتية باين بلي شركة ماشي غير قادرة.
ربي يكملك نشاءالله

 

[ليالي العمر]

شحال الدراهم, واش من عملة حابتهم يكونوا.
انا غالية عند روحي نطلب 500 اورو وقليلة

وين حابة تديري العرس. وشكون اللي يجي يغنيلك في العرس.
حابة نديرو في قناة مسايا اعراسها حطة واش نقولك رووووووووووووووعة

ووين تروحي نتي وتعيس الحظ ^ نضحك برك ^.
حابة نروح غير لليونان برك:blush:

وزيدي من عندك.
نحب نعيش في دار وحدي تقدر تقول فيلا ماشي دار نورمال:thumbup:
وزيد:music_whistling:
اذا قدر تكون عندو سيارة قبل مايخطبني
واهم شيء اهم شيء يحبني ويقدرني:001_wub:

وراني نقصت على قد مانقدر

مشكووووووووور ع الموضوع الرائع

 

[sleepingbeauty]

كون يجيك خطاب يخطبك ويسقصيك على الشرط <المهر> نتاعك.
شحال الدراهم, واش من عملة حابتهم يكونوا.:music_whistling:

انا بصراحة ما نقبل لا لورو لا دولار المهر تاعي نحب نديه بالباوند
​

الصوف, الجرية (الجرية هادي والله ما نعرف علاش يزيدو فيها).:confused1:

الصوف لازم 10 قناطر


الجرية ضرورة لايمكن الاستغناء عنها باه اللتم يجيبلي البارير تاع الالماس :music_whistling:
​

وين حابة تديري العرس. وشكون اللي يجي يغنيلك في العرس.:crying:

لازم العرس في قصر الامارات
تغنيلي اليسا و برايان آدامز
​

ووين تروحي نتي وتعيس الحظ ^ نضحك برك ^. :001_tt2:

نضربو جولة عالمية للبلدان كامل ما نخليو حتى بلاصة
​

وزيدي من عندك. :crying:

راني نقصت شوية حوايج يعني راعيت الضروف hmy:
​

 

[طارق القبطان]

خمس ملاين ....دولار

الدولار منين بدتي تحكي عليه بدى يطيح وراه في تراجع مستمر




ندير العرس في paris في القصر اللي دار توم كروز العرس تاعو

كريس براون وبيونسي يجو يغنولي
لالالالالا ماشي من وجهك




نروحو لهواي
كون غير تزدي تخمي فيها
تضربها زلزلة عظيمة

مرسي على الموضوع خويا

وراني سهلت شوية كيما نتا قلت

بابور يا بابور ما تديجش

 

[Lonely Girl]

كون يجيك خطاب يخطبك ويسقصيك على الشرط <المهر> نتاعك.
شحال الدراهم, واش من عملة حابتهم يكونوا.:music_whistling:

اه المهر غالي ومدابيا يكونو بالدولار​

الصوف, الجرية (الجرية هادي والله ما نعرف علاش يزيدو فيها).:confused1:

ايه وش تحب لازم حتى ناكلو راسو ونفلسو ​

وين حابة تديري العرس. وشكون اللي يجي يغنيلك في العرس.:crying:

في اوتال الشيراتون ويجيبولي الشاب كاسيمو الشاب عراس وليونا لويس وهيفا وهبي​

ووين تروحي نتي وتعيس الحظ ^ نضحك برك ^. :001_tt2:

لكاش جزيرة مهجورة المهم بلاد مفيهاش عباد باش نكونو الاز
وزيدي من عندك. :crying:
البراكة في القليل​

نوصيكم يا البنات. ( ارحموا من في الارض يرحمكم من في السماء) والفاهم يفهم.

راهم كامل فاهمين بصح انتوما تاني ارحمونا وكونو مفحشين معانا​

و الدراري تاعنا الله يبارك فيهم يقولولنا قداش يقدروا يخلصوا باه يتزوجوا. :thumbup:
سلام[/quote]

 

[RaNiA]

الحق انا ما نحبش الصوف يعني ماكان لاه نحيتلو حاجة مي الدار نسحقها مخدومة قبل ما ندخللها ومفروشة على ذوقي والطوموبيل كاينة وعلى العرس مش مهم المهم نكونو متفاهمين وحاجة ما تخصنا والسوارد تاع العرس الفاخر نوفروهم لرواحنا وللفاياج دو نوس ونسحقو يكون في دبي ههه
ههههه نخاف كون نقولو جيبلي لطفي دوبل كانون يغنيلي راب في العرس يبطل ما يتزوجش ههههههههه​

واهم حاجة لازم يكون هذا الراجل لي رح نديه قادر على شقاه
على خاطر تاع دركا ما عندهم والو ما يخدمو ما عندهم سكنة وماهم قادرين حتى يعيشو عمرهم ويحوسو يتزوجو عجب فيهم ابنيو مستقبلكم سح و وفرو الصوارد ومبعد احكيو معانا​

 

[صمت الذكريات]

احنا عندنا نشرطو الهنا برك

 

[asma2090]

كون يجيك خطاب يخطبك ويسقصيك على الشرط <المهر> نتاعك.
شحال الدراهم, واش من عملة حابتهم يكونوا.
اكيد 6 ملايين كيما قاع لبنات و العملة اكيد الدينار

الصوف, الجرية (الجرية هادي والله ما نعرف علاش يزيدو فيها).:confused1: احنا ما عدناش العادات نتاع الصوف يمدو الراجل احنا من عاداتنا المراة هي اللي تجيب صوفها وحدها
وين حابة تديري العرس. وشكون اللي يجي يغنيلك في العرس.:crying:
اكيد في لصال و اللي يغنيلي يغني هو و بلا ما نخسرو رواحنا
ووين تروحي نتي وتعيس الحظ ^ نضحك برك ^. :001_tt2: انا نروح للكوزينة وهو للخدمة :music_whistling:
وزيدي من عندك. :crying:

شكرا على الموضوع

 

[RaNiA]

كون يجيك خطاب يخطبك ويسقصيك على الشرط <المهر> نتاعك.
شحال الدراهم, واش من عملة حابتهم يكونوا.
اكيد 6 ملايين كيما قاع لبنات و العملة اكيد الدينار

الصوف, الجرية (الجرية هادي والله ما نعرف علاش يزيدو فيها).:confused1: احنا ما عدناش العادات نتاع الصوف يمدو الراجل احنا من عاداتنا المراة هي اللي تجيب صوفها وحدها
وين حابة تديري العرس. وشكون اللي يجي يغنيلك في العرس.:crying:
اكيد في لصال و اللي يغنيلي يغني هو و بلا ما نخسرو رواحنا
ووين تروحي نتي وتعيس الحظ ^ نضحك برك ^. :001_tt2: انا نروح للكوزينة وهو للخدمة :music_whistling:
وزيدي من عندك. :crying:

شكرا على الموضوع

ههههه
ياه واين تسكني انت ؟؟

دركا يطلبو 6 ملاين ؟؟
راني نعرف الف وحدة
دركا آخر وحدة تطلب 40 ولا 50 مليون ويجيبوهالها مش تقولي ما يجيبوهالهاش
مي هذي تاع 6 ملاين واحد يروح يشري بيها بورتابل وقص