واش الدنيا تبدلت ولا الناس.........ارواحو فهموني

[Im here for ever]

سلام الخاوة
انا راني نشوف فواحد الظاهرة ربي هو العالم شكون السبة فيها
كي نجوزو على السجن (الحبس) تتخلع الغاشي لي راح يدخل يزور قريبو ولا قريبها تحير تفريني تبلوكي مخك يقاري ........العجايز رافدين قفف يستناو وقتاش يدخلو الشيوخة كيفكيف دراري صغار مع يماهم جاو يشوفو باباهم والله غير تحب تبكي كي تشوف الحالة لي ولينا ليها دوك انا مافهمتش اسكو لي راهم في الحبس قع مظلومين وقاع مكانهم الحقيقي هو الحبس ولا كيفاش ..........ووشنوها السبة لي وصلتهم لهاداك الشي
وربي يسترنا اجمعين
ربي يحفظكم

 

[asma2090]

ولله يا اختي الحبس راه فيه الظالم و المظلوم وصح كيما قلت تشوف هداك الحالة يجيك لبكى ربي يصبر المظلومين و يصبر والديهم و عائلاتهم و شكرا اختي على الموضوع

 

[Im here for ever]

يعطيك الصحة بصح انا ختك ماشي خوك

 

[poli]

خويا والله مانسئوا الظن هي مجرد ظروف لا اكثر ياو كون نجيو نشوفو من الجانب الايجابي ......اللي في الحبس عايشين روعة كيما عندنا حنا تقول رايحين فاكونس ماش عقوبة ........هههههههههه
ربي يفرج عليهم كل لخاطر حتى و ان كان ظالم عندوا ظروفوا........

 

[fidou]

ياما في السجن مظاليم ......:thumbup::thumbup:

 

[اجمل زهرة]

الاغلبية مظلومين

نقص العدل في بلادنا و كثرو الرشاوي

و اللي ما عندوش يخلص

شكرا اختي على الموضوع​

 

[el baze]

كاين المظلوم وكاين لي يساهل يعدي حياتوا كاملا فالحبس بصح في وقتنا هذا عاد التخمم تاع ناس مراض يدير حسابو على الشتاء يجوزو فالحبس والصيف يخرج مرتاح حتى في صحتوا غير ماكلا ورقاد وراهي كاين منها ​

 

[caracala12]

الحبس هذيك البلاسة و الله ما نتمناها حتى لعدويا
انا نقلك المضلوم اكثر من الضالم
ربي يفرج عليهم الغم

الله يحفظك اختي​

 

[نورالياقوت38]

اولا الدنيا متبدلتش مي لعباد الي بدلوها بنفاقهم و بحقدهم

و اغلبية مظلومين​