شخص أخبرك فجأة بحبهـ لك و أنت لا تبادلهـ

[touta92]

السلام عليكم ورحمة الله وبركاتهـ



كيفكم ؟! أخباركم ؟!


إن شاء الله كلكم بخييير ...

]°•°[ شخص أخبرك فجأة بحبهـ لك و أنت لا تبادلهـ


الشعور ]°•°[


ماذا تفعل ؟!


هل تخبرهـ بمشاعر كاذبــــــــــهـ ؟!


و بحب ليس موجود في قلبـــــك ؟!


فتجعلهـ يعيش وهم غير منقطع ؟!


و تجعلهـ يعيش أحلاماً و أنت تعلم أنهـ في يوم من الأيام سوف يكتشف


أنها ســــــــراب ...

أم تخبرهـ بالحقيقهـ ؟!

التي سوف تأخذ بيدهـ نحو الجحيم الدنيوي ...

و الشقاء المؤبد ...

و السهر .. البكاء .. الألم.. اليأس .. و عذاب ليس لهـ نهايهـ ...

و بذلك تحطم كل حلم بناهـ في خيالهـ عند ذكراك ...


و تكسر الحب الذي طالما تربع في جوفهـ ...


مـــــــــاذا ستفعل أنت اوهي ؟!

 

[tatyana rose]

انا عندي خو صاحبتي وجارنا في نفس الوقت قالي عندي 6 سنين منين بديت نحبك ودرك راني نموت عليك وقالهالي عندها حوال 20 يوم واش نقولك يا اختي قوتلو راك تتمسخر وفارغ شغل وقتلو ماتزيدش تهدر معايا مسكين من هداك النهار مزتش شفتو بصح نبعاد ندمت كي قتلو هاكا وندمت يعني ندمة كبيرة حتى بكيت وحرت كيفاه هدرت معاه بالطريقة هديك على خاطر من طبعي نحترم شعور الناس وخاصة الحاجة لي تخص القلب ودرك راهو غايضني بزاف ومالقيتش كيفاه نقولو اسمحلي وحشمت منو
شكرا على الموضوع

 

[hamlaoui5]

ناس بكري يgولو ادي لي يحبك وما تديش اللي تحبيه ولحديث قياس​

 

[zakh_ronaldo]

الحب مش مقياس

 

[مريم 1990]

السؤال هذا انا تاني محيرني بزاف نقعد نستنى راي الأعضاء و نشوف

 

[king of the love]

مانخدع ومانغدر ماشي من طبايعي مانتعلم ونحصل وكي نكبر نخلص

 

[BENT MAGRA]

عادي أصارحه بالحقيقة
​

 

[العلاوي]

الحب ليس عيبا ومصارحة الحبيب خير من الكتمان والألم لذلك فالمصارحة والمكاشفة بالحب لابد أن تكون رغم أنها ليست بالشيء الهين ولا السهل ولذلك أرى أن شابا اذا صارح فتاة بحبه عليها ألا تخجل وتمنحه الفرصة ولا تغلق في وجهه الباب بل تترك له هامشا يتحرك فيه تحت الملاحظة والتجريب كذلك الشأن بالنسبة للفتاة اذا صارحت شابا بأنها تحبه عليه ألا يردها أو يجرحها ولكن يعالج الأمر بحكمة وروية فان رأى أنها تحوز على أوصاف فتاة أحلامه قبلها وان لم يرى ذلك ردها ردا جميلا دون أن يجرح كبرياءها لأن المرأة لما ترد الرجل وترفض حبه قد يكون الأمر ربما عاديا ولكن أن يرد الرجل حب أمرأة صارحته فذلك من الصعوبة بمكان وهو أمر لا تحتمله المرأة بسبب حساسيتها المفرطة فهي لا تصارح بالحب الا عندما يترسخ ذلك فيها ولا تتنازل بسهولة الا عندما تعشق حد الجنون وشكرا على الموضوع الرائع والمثير فعلا

 

[azoula]

انا هذي القصة صراتلي جا طفل وقالي نحبك بصح انا ما نبادلوش نفس الشعور
نورمال انا صارحتو وقلتو مانقدرش نحبك
ياك يقولك الصراحة راحة.... وماعرف ماعلاباليش اذا كنت عملت مليح ولا لا
شكررررررررررررررررا​

 

[sleepingbeauty]

هي صعيبة بزاف بصح كي تصارحيه بالحقيقة خير ملي تخليه يبني في الآمال
انا صراتلي مع زميلي في الجامعة كنت نعاملوا كزميل نلقا في الطفل عندو 3 سنين وهوحاكم في قلبو والمشكل كي قلتلوا بلي مانحس والو من جهتك ما حبش يتقنع قالي خلاص انا خططت للمستقبل تاعنا وكلش راسي حبس قلتلوا كيفاه تخطط للمستقبل تاعك مع شخص و ما علابالكش بالمشاعر تاعو بصح موقف صعيب بزاف
شكرا على الموضوع

 

[ميرهان]

الحب هو الحاجة الوحيدة لي متقدرش تشريها ولا تكذب فيها لانو احساس يدخل الى القلب دون ان يطرق بابه وتعيش بين عالم الحقيقة و عالم السراب