علاه احنا الجزائريين كيما هاك..

[pantta27]

سلام...
سؤال ديما يجي في بالي علاه حنا الجزائريين كيما هاك..علابالي راكم تقولو كيفاه كيما هاك..
علاه راسنا خشين
علاه ديما نشوفو في رواحنا احنا الفور
علاه مانستعرفوش باللي الاخرين هاربين علينا
علاه نحشمو باللغة العربية حتى ولاو يقلو لازم منين تهدر مع جزايري دير مترجم معاك
ماتنساوش انا تاني دخلوني في الحساب

 

[وليد العلمي]

الله غالب خويا هذا العرض ادي ولاخلي..............:thumbup1:

 

[pantta27]

راني علابالي بصح علاه ...شفت راك انت الاول ماستعرفتش

 

[killua0555]

علاش ...بالاك حنا شعب زواخ ههههههههههههههههههههههههه..و نديرو واش نحبو

 

[AMINE017]

احنا الجزايرين هاكدا ولي ماعجبوش الحال خو يدير كيفنا احنا الجزايرين مشهورين بهاد الشي

les alggerien rassa wli ydor bina bassa
لي زالجيريان دي كاميكاز قالك هاكدا نديروو
vive algerien
هههههههه​

 

[اميرة البرج]

الله غالب هكذا حنا
وعاجبتنا هذي العقلية
وكاين لي يغيرو منا​

 

[طائر السماء]

.. الســـلام عليـــكم ..

.. مــرحبــا خويــا الغــــالي .. واشراكـ ؟ ..

.. ان شــاء الله تكــون بخيـــر ..

.. بصــراحــة موضوعكـ في القمــة و سؤالكـ في محــله ..

.. احنــا ما نستعرفوش على خاطر عندنــا يقة زايدة في النفس ..

.. و الغــرور الي فينــا هو الي خلانــا في الخــلف ..

.. ان شاء الله تتحس عقليتنــا و نصير في المقدمــة ..

.. لكـ مني كــل الود و الــورد ..

.. فــي أمــــــان الله ..
​

 

[pantta27]

يا خاوتي ماتنساوش انا تاني راني جزايري و افتخر..بصح نقولو الصح..رانا مازال مالحقناش للدرجة اللي لحقتها مثلا الامارات ..البحرين..قولولي رحمة على والديكم باه راهم زايدين علينا..بلادنا اشاء الله اكبر من بلادهم بالاك بالف مرة..عندنا الشي اللي ماعندهمش..بصح خاصتنا حاجة واحدة..علابلكم واشي هي..

هوما يخدمو بلادهم بالنية ماشي كيما حنا.. نفسي نفسي

 

[sleepingbeauty]

اللتم لقيتني نخمم خويا لا لقيت الجواب بيبيلي راني نستنا
ايه و زيد سؤال واحد آخر و علاه عصبيين نتنارفاو ليه ليه
​

 

[pantta27]

صح هاذي راحت من بالي

 

[shabdz]

i الشك نتاعك خويا ماراهوش في بلاصتو , سامحني اذا قلتلك بان الشعب الجزائري طيب بزاف وانت تعرف هاد الشي ماكانش فينا واحد يخلي خوه يبات برى اي في العراء , ومشكلتنا مع اللغة العربية خارجة عن ارادة هاد الجيل نعذروا المشارقة اذا قالك انتوما الجزايريين تهدروا بالفرنسية والعربية عندكم قليلة علاه , علا خاطر هذاك زاد حر من كرش امو وما استعمروش كانوا تحت الانتداب لي كان يبقى مابين عشرين الى ثلاثين سنة , راهم يهدروا من منطلق البيئة نتاعهم ما عارفينش بانوا حنا بقينا 132 سنة تحت الاستعمار وهاد الشي موش ساهل لذلك احنا نحسوا بان الاخرين موش مقدرين الوضع , لذلك خويا العزيز احنا الجزائريين طيبيين بزاف وحنونيين و احنا هاك علا خاطرش نحبوا بلادنا ونحبوا الاسلام على ذلك ما تاخذناش رافة بالكفار مش كيما بعض العملاء في المشرق , دير في راسك حبيبي وبدل لي واش راهو فيه , ومتناش بلي الجيل انتاعنا هو لي راح يقود الجزاير للقمة ....


وسامحني بــــــــــــــــــــــــــــــزاف اذا ثقلت عليك

 

[pantta27]

يا خويا ماثقلت ما والو كيما هكدا نعرفوا الشي اللي يخصنا و كيما قلت ندوا البلاد للقمة بشرط..لاكان خلاونا

 

[abdelmalek88]

ماشي الجزائرين قاع هاك ​

 

[وطني]

هاكا هنا كيما هاك لي بغانا نبغوه ولي كرهنا ثله ياك الدخلة باطل فالحيطان

 

[شهنوزة]

عندك الصح
الاغلبية عصبيين بزاف