البنات برك ممنوع دخول les jeunes

[بنت الدزاير]

السلام عليكم
عندي سؤال و حبيت نشوف تعليقاتكم
لوكان واحدة فينا يتبعها جون مع اللول يهدر معاها:001_wub::001_wub: ...... و يدوموندي منها تحكم النوميرو نتاعو و كي تمد يدها تشدو
.
.
.
.
.
.
.
.
.
.
.
.
.
.
.
ينح يدو :crying::crying:
و يحطلها سعدها في يدها
كل واحدة ادير روحها في الموقف هادا و تقولي رايها بصراحة
انا لوكان يصرالي هاد le casندوخ و نجيبها في الارض

 

[*Nouha*]

كون أنا نصيب تنشق الارض و تبلعني علاش اختي انتي صراتلك هكذا ؟؟؟​

 

[rasousou]

sousou

bent dzayere we allah yessrali ma9if kima hada nedfene rohi w ana haya lol

 

[ميمونة السطايفية]

دووووووووووووون اي تعليق

 

[بنت الـ25]

كون تصرالي ....كون برك مش صح
ندحك ونقلو كنت رح نجبد يدي قبلك...اسع فقت بيا..يعني جيت نتغدا بيك فطرت بيا
هههههههههههه​

 

[angel_fly]

نقوك الصراحة انا وحدة من الناس كون يبوس عينو ما نحكمش عليه النومرو تاعو
خليه يشمخو و يشرب ماه
شكرا على كل حال

 

[sarah02]

خخخخخ اوووو ذا جاست علاجالوا نعيط لبومبي
يطفوني خخخخخ

​

 

[مايلي]

ختي أنا وحدة من الناس مانبغيش النش ولا نكسر راسي قدام الناس نشد فيه براس وخلي الي صار يصير أنا المهم مانتفضحش وماعلاباليش بالغاشي الي يتفرج علينا وكيما يقولو كما تدين تدان

 

[بنت الدزاير]

ما تشقيش روحك خويا حمزة مزال ما دختش قولتلك en cas صرات ندوخ خير جامي ندير روحي في موقف كيما هادا لاه نمشي و لgط ف النوامر
مي باين تحب تقرعج قلت البنات برك و شكرااااااااااااااااا.....

 

[بنت الدزاير]

شكرا على الردود و تفاعلكم مع الموضوع

 

[بنت الدزاير]

merci nouha
masratlich mais habit nchouf raykoum

 

[fakhri-dz19]

ههههههههه عفسة مهبولة تستاهلو خخخخخ

 

[AMINE017]

عدرا للمرور لانه موضوع للبنات فقط
نقولك حاجا بنت تزاير هههههههههه
شكيت فالطفل لي نحا يدو هو لي راح يهبل علاخاطر من بعد راح يفيق مع روحو
ولاكان حكا لصحابو هاد العفسة راح يضحكو عليه ماش عليك علاخاطر .........
راه كافي هههههههههههههه
وماشكيتش رايحة تصرا خلاص
نشك فالبنات يديروها صح
ولا واش رايك بنت تزائر

 

[بنت الدزاير]

slt amine
صح كاين البنات اللي يدوروها مي نتوما تاني اديروها سورتو اذا طحتو مع طفلة نية انا جامي نقيم واحد يرميلي نوميرو في برا كاين عفايس خير من هاذي par ex يحوس يجيب نوميرو نتاعي و يعيطلي خير

 

[soumaya01]

:angel_not:صباح الخير:angel_not:
انا كون تصرالي نقتلو:cursing:
ومرة مصراتلي الحمد لله :wink:​

 

[AMINE017]

ختي بنت الجزاير راكي حيرتيني بهاد العبارة par ex اشرحيهالي ممكن نستعملها مرة اخرى :laugh:
خير مايصراولي حواث كيما هاك
:laugh: ماتبخلينيش بالرد

 

[maroua-babia1]

الشح فيها وعلاه ترخص روحها حتى تدي النشعة هذي والبنات نتاع ضرك فحالو غير في هاذو لحوايج..

 

[بنت الدزاير]

الشح فيها وعلاه ترخص روحها حتى تدي النشعة هذي والبنات نتاع ضرك فحالو غير في هاذو لحوايج..

راكي تشوفي وين لحقت بيهم صح يستاهلو و ميرسي ع المرور

 

[بنت الدزاير]

هاني رديت مابخلتش عليك خويا امين

 

[بنت الدزاير]

معناها ( عل سبيل المثال) و ختصرتها و علابالي بلي فهمتها من اللول برك حبيت تحير روحك شويا