نبيل معتوق
:: عضو منتسِب ::
اناابقى مين
==========
الرب كلمة والحب كلمة واحق كلمة
والحق عمرة ما يضيع فى يوم ولا ينتهيش
جوايا كلمة وف قلبى كلمة وف د مى كلمة
لو مش هاقولها مقدرش اعيش
اصلك يادنيا ما تعرفيش
متعرفيش انا ابقى مين
ابويا مين وجدى مين
ابويا مات فى جنين
وجدى مات فى دير ياسين
وجد جدى صلاح الدين
وكل واحد فينا عاش
يتحدى عالم لئيم وظالم .. ولا همناش
ومن البداية للنهاية
الكل عارف اصل الحقيقة
اورشليم دى كلمةغربى
والا صل عربى الاصل سالم
الكل عارف ... وللأ سف
البعض ساكت والبعض خايف
الكل عارف والكل شايف
عايش باقاوم بالحجر
مع انى حاسس انى يمكن بانتحر
لكن اكيد هييجى يوم وانتصر
والحق يرجع واقدر اعيش
دة الحق عمرة ما يضيع فى يوم ولا ينتهيش
يادنيا عارف طبع اليهود
فرق تسود
عارف كمان انهم زى الوحوش
مبيرحموش
واقفين لى دايما على البيبان
ماسكين بارود
مستنين اخرج لهم
واسيب لهم ارض الجدود
واسكت واعيش من غير لسان
وحياة ابويا وتربتة
لو حتى قطعولى اللسان
انا حقى لازم اكتبة فوق الحيطان
الارض ارضى والقدس وطنى
ومش هسيبها للجبان
مانا اصلى حر وصوتى حر ولسانى حر
ما اعرفش اية معنى السكات
ماشى على نهج النبى ماشى على نهج المسيح
الكلمة فضلت فوق شفايفة
تصرخ وتعلا فى الفضا لحد الممات
وان كان بارود قصاد حجر ميهمنيش
دة الحق عمرة ما يضيع فى يوم ولا ينتهيش
الارض ارضى وارض ابويا
وارض جدى والكل عارف
الكل عارف والبعض ساكت والبعض خايف
مع انهم شايفين عدوى سلاحة اية وسلاحى اية
شايفين بارود قصاد حجر
واقفين بعيد متفرجين
مستنيين لما انكسر
عايزنى اعيش دايما ضعيف
عايزين حياتى كلها تكون خريف
لكنى عايش عايش باقاوم
باتحدى عالم لئيم وظالم
ان شالله حتى يكون مصيرى
زى ابويا وزى جدى
بكرة ييجى حد غيرى
وبكرة لازم ينتصر
والشعب كلة يقدر يعيش
والحق عمرة ما يضيع فى يوم ولا ينتهيش
اصلك يادنيا متعرفيش
متعرفيش انا ابقى مين
ابويا مين وجدى مين
جدى مات فى دير ياسين
وابويا مات فى جنين
وجد جدى صلاح الدين
=========
كلمات الشاعر
نبيل معتوق
