...°°من غشنا فهو اكيد مـــــنا.°° ""قصة ال bef""

[kamou]

السلام عليكم خاوتي لعزاز



علابالي هد الحكاية بالاك رح تخلعكم شوية لكن انا خلاص
شفت وعفت ....ياو ظاهرة الغش قتلتني

اختي حرست تلاميد الBEF..وما اصغرهم من تلاميد لكن عقولهم خطيرة مدبرة لكل شي من حولها..

""عملية نقل...كوبياج.....غش""..سموها وش تحبوو..لكن للاسف لم تكتمل هادي
..يعني mission imposible


كانت طفلة صغيرة ..جالسة فالاخير تع القسم
تحل وماسكة الورقة تعها بكل تقة ...
وشاطرة وبانت للاساتدة الحارسين انها بنت متفوقة ولايمكن تعملها


الاستاذ كان مار بيها يتفقد بعد التلاميد .....
فجأة سمع كلام ...توشويش

شك فالامر
عاود زاد مر عليها مرة اخرى ..وهاد المرة كان متأكد انو واحد راه يهدر
راح خبر اخـــتي وقالها الطفلة هادي فيها شك

اختي ناداتها وخرجتها وقالتها تقدري تنحي دقيقة خيمارك...
الطفلة اترعشت قالتها لالا مانقدرش نحيه اهنا قدام الناس...
اختي :املا رواحي نديك لقسم فارغ ونحيه قدامي ...ماتخافيش مجرد مراقبة برك ...
الطفلة وافقت وكي نحات الخيمار تعها وش صابتها اختي دايرة
يااااااااااااااااااااو الكيتمااااااااااااااااااااااااااان ...الكيتماااااااااااااااااااااااااان


الطفلة بلعطتها وقالتلها: استادة هادو غير كيتمان كنت ناسيتهم
..بالعربية كنت نسمع الغنا ونسيتهم

اختي:وانا تاني بالفرونسي ماقلتلك والووو
وماقالولكش بلي الغنا ينحي الحفاظة؟؟

اخدت الروطابل تعها لعند الامانة لانها شكت فالامر
فتشو فال لبورطابل تعها ..وشافو النيميروو الاخير الي كان معيطلها
اختي عيطتلوووو

ريبوندات عليها مرااا
اختي بدات تهدر قالتها تم تم و بعقل .. خريطة فرنساااا خريطة فرنسا.
المرا هاديك قالتها استناي دقيقة نحوس ونقولك

:scared:
لهنا فاقووو بالامر واختي قعدت تحشم فاللمرا هاديك قالتها
ماتحشميش مخليا بنت الناس تتلعلم تغش
هاديك المرا صاغت وقالتلها شكون انتي ووين راهي بنتي

فجاة اختي تخلعت وجاوبتها..؟
وش قلتي بنتك
ماتحشميش على روحك..مرا أم وتعلمي بنتك تغش
ماخممتيش فيها ؟؟؟
وش الفايدة كي تخليها تنقل وتساعديها
راح تعلميها الخسارة
عيب عليك عيب عليك عيب عليك


المرا بدات تبكي وتصوغ وتقوللهم ضيعت بنتي ضيعت بنتي
الله يخليكم ماديرولها والوو
:sad:

اختي قالتلها ماتخافيش بنتك ماراح يصرالها والوو بصح انتي حسابك مع ربنا
استغفري

...............................
..........................
......................
....
...
..
.

لاحول ولا قوة الا بالله
وش هداظظ
وين رانا عايشين
ام تنقل بنتها


اين المسلمين من قول:
""من غشنا فليس منا""

هاد الام اليوم علمت بنتها..تنقل..غدوة تسرق..من غد مانعرف وش دير

انا كنت نخمم قلت هاد الشي دارتو غير فالBEM
اماااالا فالBAC



ربي يهدينااا


اختكم
Ikram


​

 

[mamiinaaa]

السلام عليكم
شكرا لك اختي ظاهرة الغش عادة معروفة عندنا
ربي يهدينا

 

[*amina*]

ههههههههه سبحان اله لا حول ولا قوة الا بالله هي قصة غريبة و مضحكة سيرتو كي قاتلها ختك خخريطة فرنسا
شكرا اختي رانا نسمعو غير العجب

 

[lakmora]

شكرا لكي اختي قصة رايعة

 

[RaNiA]

مادامها داتها للامانة سافودير تتليمينا ويحطولها 0
كيفاه ما يصرالها والو مالا ؟

ممكن تعاود البويام وبالاك صح ما بقاتش تكوبي مي تبقا صورة وجه اختك في راسها وفي المستقبل شوف واش يصرا لاختك خخخخ
ماكان لاه نخوفك ههههه راني غير نتوقع واش غادي يصرا ​

مي علاه تبخصي بالعفايس دركا
جماعة الباك فزدتي عليهم مساكن خخخخخ
لي معول ينقل راحت عليه
زعما كانو معولين يتريشيو شويا باه يقدرو يتفرجو الماتش مساكن
علاه علاه ههههههههه
راني نضحك برك ​

 

[Ninja_09]

لازم يديروا appareil anti champ

طبيبة طلعت بالانتقال في كل سنوات الجامعة بعد التخرج والاحتفال
راكبة مع امها بالحافلة طلع السكر لماماها وما قدرت تعرف والوا واش بيها ومباعد ماتت قدامها وتابعوها قضائيا لانها طبيبة وماقدمتش حتى الاسعافات الاولية. يعني فرملي خير منها.

موضوع هايل خويا ونشاء الله الميساج يوصل لمعولين على الكوبياج

 

[iméne09]

الكوبياج داير حالة في بلادنا والفو صايي ولا يمشي في دم انا وحدة من ناس نكوبيي مي ماشي بزاف ماشي نفضح روحي في بيام ولا نتبهدل نكوبيي غير في الفروض والله غير تبهديلة ام تعلم في بنتها كفاش تنقل نورمالمون يقلبوهم انا كي جوزت لبنات لي دايرين خمارات كامل فاتو ع سيرفايو قلبتهم كامل ومخلات حتى واحد مي ربي يهديهم المسكينة جابتها لروحها دارت بيدها تحلها بسنانها دوك والله يهردوها البيام كاتجيبوش بصح تغيظ
وربي يهديهم دوك يخترعو اونتي كوبياج باش يحبس التنقال
يعطيك الصحة كامو موضوع هايل من عندك حنونة تري فووووووووووووووووووووووووور ​

 

[الساجدة لله وحده]

السلاام عليكم
يا اكراام اختي
ماشفتي والو
المتحجبااااااات حجااب كومبلي وراااهم دايرين حالة بالغش ووين فالجامعاات ولي كونكور
!!!
الله يستر ..حاجة مابقااتش معدلة في ذي البلاد...
ربي يوفق كل واحد يسهر على قرايتو ...
​

 

[SaMi_o7]

كلش ماشي
بلاد العجايب كيما قال خونا :: جرتــول ::

و شكرااا ​

 

[خادم الاسلام]

ربي يهدي هاته الوالدة لما اقترفت من جرم في حق بنتها

​

 

[immy]

رانا على الهوا سوا

يعني ما جاتش فيها و حبست

نسبة كبيرة بزااااااااف​

 

[kamou]

صحا خويا كامو ههههه

اني نقصر برك
مي شكون راح يسمعك
بكري انا وقت الليسي كلش نديرو غي الكوباج لا لا
مي ذرك كلش كوباااج
وربي يهدي ... ​

اهل اخويا حمزة هادي غيبة ..ربي يهدي ماخلق :sad:
اكيد ماكانش اللي يسمعني
صحا انا ماكندبش خطرات نعاون نس يكونو مستحقين ..وعلابالي الشي اللي نعملو غلاط بصح عمري ما نقلت ولا جبت كش ورقة او او او او او او او او او او.....
شكرا على المرور

​

ههههههههه سبحان اله لا حول ولا قوة الا بالله هي قصة غريبة و مضحكة سيرتو كي قاتلها ختك خخريطة فرنسا
شكرا اختي رانا نسمعو غير العجب

ايه خريطة فرنسا ...انا تاني قتلتني بالضحك كانت مجبورة دير هكدا بش ماتظلم حتى واحد يعني بالاك ماكانتش تنقل
مي كي سقسات ديراكت الام جاوبت ....
ههه مهابل
شكرا على مرورك​

مادامها داتها للامانة سافودير تتليمينا ويحطولها 0

كيفاه ما يصرالها والو مالا ؟​

ممكن تعاود البويام وبالاك صح ما بقاتش تكوبي مي تبقا صورة وجه اختك في راسها وفي المستقبل شوف واش يصرا لاختك خخخخ
ماكان لاه نخوفك ههههه راني غير نتوقع واش غادي يصرا ​

مي علاه تبخصي بالعفايس دركا
جماعة الباك فزدتي عليهم مساكن خخخخخ
لي معول ينقل راحت عليه
زعما كانو معولين يتريشيو شويا باه يقدرو يتفرجو الماتش مساكن
علاه علاه ههههههههه​

راني نضحك برك

مانضنش يقدرو يغشوووووو علاخاطرش الحكاية فالباك غير شكل
تكوبي تقصة وماتفوتش الباك عامين ولا اكتر
ياووووووو جو بريفار الناس الي تقعدت تكوبي وتعييي في يديها وتضيع فستيلو تعها نضن تحفظ خير
بصح والله مساكن مايشوفوش الماتش خسارة
انا راني غير نوجدلووووو ..ربي يربحو برك امبعد الباك ساهل
ونضن لوكان يربحووو الدنيا قع تجيب الباك من الفرحة

​

لازم يديروا appareil anti champ

طبيبة طلعت بالانتقال في كل سنوات الجامعة بعد التخرج والاحتفال
راكبة مع امها بالحافلة طلع السكر لماماها وما قدرت تعرف والوا واش بيها ومباعد ماتت قدامها وتابعوها قضائيا لانها طبيبة وماقدمتش حتى الاسعافات الاولية. يعني فرملي خير منها.

موضوع هايل خويا ونشاء الله الميساج يوصل لمعولين على الكوبياج

والله هادي قصة وحدخرة .مي هادي ذنوبها مسكينة خرجو في يماهااا..لوكان قرات من نيتها كانت راح تقدر تساعد يماها على الاقل لكن واش تحب وين رانا عايشين بلاد النقل الخديعة والنفاق
:angry:
ربي يهدينا اجمعين
​

الكوبياج داير حالة في بلادنا والفو صايي ولا يمشي في دم انا وحدة من ناس نكوبيي مي ماشي بزاف ماشي نفضح روحي في بيام ولا نتبهدل نكوبيي غير في الفروض والله غير تبهديلة ام تعلم في بنتها كفاش تنقل نورمالمون يقلبوهم انا كي جوزت لبنات لي دايرين خمارات كامل فاتو ع سيرفايو قلبتهم كامل ومخلات حتى واحد مي ربي يهديهم المسكينة جابتها لروحها دارت بيدها تحلها بسنانها دوك والله يهردوها البيام كاتجيبوش بصح تغيظ

وربي يهديهم دوك يخترعو اونتي كوبياج باش يحبس التنقال ​

يعطيك الصحة كامو موضوع هايل من عندك حنونة تري فووووووووووووووووووووووووور

​

:scared:
اه اه اه ايمان راكي تعترفي..
اواه لازم تاخفي تانييحكموك فكاش فرض ويعدبوك ول انقولك نبعت ليك اختي تخرج فيك
والله صح راهو يمشي فالدم بصح سؤال فقط
وش الفايدة كي الناس تكوبي؟؟؟؟
ماتقراش وخلاص وماتعييش روحك...
​

السلاام عليكم

يا اكراام اختي
ماشفتي والو
المتحجبااااااات حجااب كومبلي وراااهم دايرين حالة بالغش ووين فالجامعاات ولي كونكور
!!!
الله يستر ..حاجة مابقااتش معدلة في ذي البلاد...
ربي يوفق كل واحد يسهر على قرايتو ...​

اهلا حنونة
:angel_not:

ايه فالجاميعة راهم كاليين راسهم
ياااااااااو واحدة مدايرة جلباب وستار وقاعدين عينيها للرض
وحكموها تكوبي بكل جرأة
زعمة الدين قالك
يااااااااااو تروح تملح على روحها...
وشمن دين هادا
الي يقول تكوبي ؟؟؟

ربي يهدينا قولووو امين​

​

 

[Klach]

هههههههههههههههههه لكان حيراتك انا نسمع حكايات كيما هادو كل عا م
و مسمعتيش بلي الاستاد يلعبها عام كامل يقمع الغش و كي يعس على التلاميذ تاعو
يحللهم sujet
سؤال بسؤال
سي بور سا بقات لالجيري ديما اللخرة
و ربي يهدي ما خلق
​

 

[poli]

هههههههه........رايعين انا ماما ولا بابا كون نقلهم خميت
باه نسقسي الطفلة ياكلوني و يبلعوني
ههههه....يقولولي سقسيها قبل الامتخان ماش في الامتحان
مي نورمال والله ربي يهديهم كل واحد كيفاه يحسب
و ماقولة من نقل انتقل تاني رايعة مي والله افار تاع تبقاي في قسمك
مارسي اختي اكرام
​

 

[soussen]

هههههههههههههههههههههه

خاصة تاع خريطة فرنسا

مشكووووووووووووووورة اختي

ولكن للاسف ؟؟؟؟؟؟؟الحجاب وين وصل؟؟؟؟؟؟؟؟؟؟؟؟؟؟؟؟

ربي يهدي لعباد

 

[omar.lakaf]

والله الجزايريين كون يستعملو الخبرة نتاعم في اشياء مفيدة كون رانا من الدول العضمى
ولكن للاسف الاغلبية يستعملوها غير فالغش
الله يجيب الخير
اين هي ام هاده الطالبة من مقولة
الأُمُّ مَـدْرَسَــةٌ إِذَا أَعْـدَدْتَـهَـا

أَعْـدَدْتَ شَعْبـاً طَيِّـبَ الأَعْـراقِ​

 

[°~Kenza_02~°]

الله يحفظ رانا نسمعو غير في العجب

 

[sleepingbeauty]

يعطيك الصحة اختي على الموضوع
كي يكونوا الوالدين هاكدا واش رايحين نستناو من الاولاد
ههههههه فكرتوني في واحد الحكاية في الجامعة كان واحد يقرى معايا و متدين زعمة قميص و لحية و نهار كامل يسمع في القرآن و كلش و يكوبي مالا قالنالو ياخي من غشنا فليس منا قاللنا لالا راكم غالطين هاداك حديث ضعيف
ههههه ربي يهدي ما خلق
​

 

[kamou]

يعطيك الصحة اختي على الموضوع

كي يكونوا الوالدين هاكدا واش رايحين نستناو من الاولاد
ههههههه فكرتوني في واحد الحكاية في الجامعة كان واحد يقرى معايا و متدين زعمة قميص و لحية و نهار كامل يسمع في القرآن و كلش و يكوبي مالا قالنالو ياخي من غشنا فليس منا قاللنا لالا راكم غالطين هاداك حديث ضعيف
ههههه ربي يهدي ما خلق​

ههه والله هايلة هادي
حديث ضعيف كي مالقاهاش للبيع
ربي يهدينا
شكرا لكم على المرور الجميل ​

 

[angel_fly]

الكوبياج ولا عندو طرق كثيرة و هادو الناس ما يخافوش ربي
اما هادي الام و اللي ما هيش ام الله يسترنا من امثالها