قررت نروح عند psychologue

[wassila-46]

السلام عليكم يا ناس اللمة واش راكم؟
مادم راني تخرجت وليت أخصائية نفسانية :thumbup1:...خممت باش نكتب هاد الموضوع و نزيد نتعرف على العقلية تاع les algeriens. على بالي بللي الناس عندنا مايروحوش عند اخصائي نفساني حتى الخيوط يتقطعو لداخل .
بعد ما الشخص يتكلم مع أمه و خوته و أصدقائه و يروح عند الطلبى و الدجالين و بعد ما يحاول يسويسيدي suiside ....:blink: يوصل في تالي عند le psychologue لكن كيما نعرفو مشي كامل الناس كيف كيف
و على هذا حبيت نعرف من كل واحد وقتاش يقول لازملي نروح نشوف un psy؟
واش هي الحاجة للي تخليك تروح تحوس على أخصائي نفساني (قلق ...stress ...حزن...اكتئاب...)



في انتظار ردودكم وآراءكم حول

 

[أمــ وليــد الجزائرية]

الحقيقة موضوع رائع بصح الحقيقة احنا الجزائرين منعرفوش قيمة البسيكو و حتى لو كنا معاه منعرفوش واش نحكيولو ولا واش نقولو مزال معرفناش قيمتو تاع الصح​

 

[wiwi mimi]

الحقيقة موضوع رائع بصح الحقيقة احنا الجزائرين منعرفوش قيمة البسيكو و حتى لو كنا معاه منعرفوش واش نحكيولو ولا واش نقولو مزال معرفناش قيمتو تاع الصح​

3andak sah khti saha 3la almawdou3 bay

 

[zagane]

salame alaycome
كي نهبل و نقطع قشي و يدوني ماشي نروح وحدي

 

[أمــ وليــد الجزائرية]

نتمنى ناخذ الموضوع بجدية فهو في غاية الاهمية ارجو من الردود ان تكون في حق الموضوع​

 

[صدق الايمان]

salame alaycome
كي نهبل و نقطع قشي و يدوني ماشي نروح وحدي

وعليكم السلام و رحمة الله وبركاته

:thumbup: :thumbup:
والله يانت يا خويا قتلتني بالضحك

بعيد الشر عليك
​

 

[angel_fly]

كاين ناس في بالهم غير المهابل اللي يروحو عند البسيكولوغ
انا نشوف العكس يعني واحد كي يكون في حالة نفسية سيئة ولا تكون عندو مشاكل نفسية عادي يروح يداوي اكيد راح يحس روحو تحسن
شكرا اختي الغالية على الموضوع
​

 

[wassila-46]

الحقيقة موضوع رائع بصح الحقيقة احنا الجزائرين منعرفوش قيمة البسيكو و حتى لو كنا معاه منعرفوش واش نحكيولو ولا واش نقولو مزال معرفناش قيمتو تاع الصح​

شرفني وجودك معانا...
حتى أنا كنت حاسبة بللي حتى واحد ما يروح عند psychologue لكن في فترة التربص شفت لعجب. ناس رايحة و جاية و عرفت أن الإنسان كي تخصه صحته يدير المستحيل من بين ذلك أنو يروح عند اخصائي للي كامل الناس يظنو أنو يهتم غير بالمهابل و هذا غير صحييييييييييييييحححح.
- ما تخميش واش تقولي لل psychologue ما دام أنك رحتي ،كامل المشاكل تاع الدنيا تبغي تحكيهمله :laugh: خصوصا إذا كان موفر الجو الملائم لذلك
merci

 

[wassila-46]

salame alaycome
كي نهبل و نقطع قشي و يدوني ماشي نروح وحدي

:lol:
غادي نشوفك بزاف عندي!!!!! ....تبرا إن شاء الله :thumbup:
شكرا خويا على المشاركة

 

[wassila-46]

نتمنى ناخذ الموضوع بجدية فهو في غاية الاهمية ارجو من الردود ان تكون في حق الموضوع​

شكرا melina على تفهمك للهدف من هذا الموضوع ... لكن هذا واش كنت حابة نشوف "الاختلاف في الآراء و خصوصا في طرح وجهة النظر "

نوّرت الموضوع :001_rolleyes:

 

[wassila-46]

السلام عليكم ورحمة الله تعالى و بركاته

شكرا لك angel-fly (يعجبني le pseudo نتاعك:tongue_smilie.
لوكان غير جاو كامل الناس يخمو كيفك، و للا ماعليش غير النص... أغتنم الفرصة باش نقول أن ليس للاخصائي النفساني علاقة بمعالجة المرضى العقليين "المهابل" فعلاجهم يتم بالأدوية.هذا ليس من صلاحياتنا فهي مهمة الطبيب النفسي le psychiatre .

*********​

شكرا على الرد wiwi mimi . فرصة اخرى إن شاء الله

 

[lg_dz]

مبروك عليك تخرجك أختي الكريمة

يليق تفتحي هنا عيادة والمساعدة لأعضاء اللمة مجانا هههه

والله من زمان راني نخطط نروح لطبيب نفسي ...صح وين راهم اللي ملاح؟؟ وعلى أي أساس نختار

في محيطي لقيت واحد مختص في الطب العصبي والنفسي.... هل هو مختص نفسي بنفس مميزات الطبيب النفسي؟؟


شكرا على الموضوع ​

 

[soufiane sam]

شكرا أختي على هاد الموضوع و أنا حبيت نشارك فيه و نقولك الجزائريين كي تقولو راني رايح عند Phychologue يقلك يا لطيف لاه هبلت خلاص و هما حاسبين بلي يروحو غير لمهابل بصح كون جاو يعرفو يروحو كل يوم و قليل على الأقل يلقى الإنسان لي يحكيلو الهموم و المشاكل و هو على حساب القدرات تاعو يعاونو 100% حتى و لو بحاجة صغيرة بصح كيما قلتي يروحو عند السحارات ربي يهديهم

المهم حبيت نشكرك على هاد الموضوع الرائع و أن الشعب الجزائري يعرف قيمة الأخصائي النفساني و أنا أول شخص نجي نحكيلك هموووومي إدا راكي قاعدة ههه شكرا مرة ثانية

 

[maya31]

سلام وسيلة اختي كيراكي
اولا نشكرك على الموضوع
تانيا في ما يخص بسيكولوك ماراهوش عندو حاجة كبيرة في بلادنا

يعني ليزالجيريان يخمو انو الواحد كي يروح عندد بسيكولوك يتسما مهبول


و انا في رايي البسيكولوك ما نرفوش قيمتو لانو يعالج الامراض و الاظطرابات النفسية و لجوء اليه ما يخليش بنادم يفكر باش يروح ينسى بالمخدرات و و و و و ووو

و انا في رايي كي نروح عند بسيكولوك كي يكون عند ستراس بززاف
بارسكو انا انسانة منارفية

شكرااا وسيلة

في لامان
​

 

[titou_le_roi2009]

الله غالب ..... نحب بلادي

موضوع جميل و أنا شخصيا معك وان شاء الله ربي يوفقك في حياتك المهنية :thumbup:
ونحب نقولك المشكل راهو في العقلية نتاع أغلبية الجزائريين وتعقدهم من مسألة الطب النفسي و الدهاب الى مثل هاد العيادات
وادا حبيتي تتأكدي بلا ما تروحي بعيد قولي لكانش وحدة ماعلابالهاش بلي قريتي علم النفس :001_smile: وقوليلها أنك باغيا تروحي لعند بسيكولوغ :confused1: ...... :cursing:هههههه غدوة منه تخرجك في الجورنال بنت فلانة موسوسة :001_tt2::cursing:
وتاني نزيدك حاجة تخيلي واحد يبغي يخطب كانش وحدة وكي يسقسي عليها يقولوله بلي فلانة كانت تروح عند البسيكولوغ :scared: ......في ميزكم واش يقول :confused1: يا يقول موسوسة :bored: يا يقول هبيلة يا يقول معقدة وباينة بلي يفوتها نورمال :thumbdown:......والحمد لله ماشي قاع الرجال كيما هاك كاين رجال مثقفين ومتعلمين :blushing: والله أعلم

 

[ديالى]

المشكلة اختي في العقلية العربية بصفة عامة ، مهما يحدث
لايذهب للطبيب النفسي سواء كان متعلم او لا
والسبب هو التفكير في كلام الاخرين الذين يعتبرون كل من
يدخل العيادة النفسية حتى ولو ذهب ليسلم على الطبييب سوف
يقال انه اكيد به حالة جنون وذهب للعيادة دون النظر للسبب
اي بصريح العبارة انه ختم بختم مجنون .
وللأسف لازالت العقلية تفضل كلام الناس على الصحة الشخصية
شكرا لك على الموضوع​

 

[angel_fly]

شكرا لك angel-fly (يعجبني le pseudo نتاعك:tongue_smilie.
لوكان غير جاو كامل الناس يخمو كيفك، و للا ماعليش غير النص... أغتنم الفرصة باش نقول أن ليس للاخصائي النفساني علاقة بمعالجة المرضى العقليين "المهابل" فعلاجهم يتم بالأدوية.هذا ليس من صلاحياتنا فهي مهمة الطبيب النفسي le psychiatre .

*********​

شكرا على الرد wiwi mimi . فرصة اخرى إن شاء الله

العفو اختي نعم اختي اعلم ان العلاج يتم بالأدوية و انا معاك باش اللي عندو عقدة من البسيكولوج يتخلى عليها
و الف مبروك على التخرج الله ينجحك في حياتك
​

 

[*amina*]

شكرا لكي اختى على اهتمامك و على هذه الالتفاتة نتمنى كل عضو عندو مشكلة راح يلقاك و تخفي عليه و علينا كامل
معليش كي نكونو مهمومين نجيو عندك كاش ما تحكيلنا
كون درتي اقتراح ووليتي طبية المنتدى النفسية والله المنتدى محتاج مثل طبيبة نفسية و اطباء في مجالات اخرى حتى يعالجة تساؤلات الاعضاء
شكرا لك اختي

 

[wassila-46]

مبروك عليك تخرجك أختي الكريمة ​

يليق تفتحي هنا عيادة والمساعدة لأعضاء اللمة مجانا هههه​

والله من زمان راني نخطط نروح لطبيب نفسي ...صح وين راهم اللي ملاح؟؟ وعلى أي أساس نختار ​

في محيطي لقيت واحد مختص في الطب العصبي والنفسي.... هل هو مختص نفسي بنفس مميزات الطبيب النفسي؟؟​

شكرا على الموضوع ​

شكرا أخي الكريم...
نفتح عيادة هنا في اللمة؟؟ avec plaisir :thumbup: . فأنا أريد أن أكون دائما حاضرة للمساعدة إذا طلب مني ذلك فلا تتخيل مدى استفادتي من هذا التخصص الذي و رغم اعتراض الكل عليه (الأصدقاء...) واصلت دراستي و تخرجت بعون الله تعالى و أنا الآن جاهزة لتقديم خدماتي للجميع، لكن و كما تعلم تكفل اخصائي نفساني بشخص لديه مشكل ما يتطلب عدة شهور (4 شهور تقريبا) حتى يتمكن من ضبط المشكل و أسبابه ، لهذا لا أريد التلاعب بثقة الناس بي و سأكتفي بتقديم المساعدة حتى يتمكن الشخص "هو" بنفسه من إيجاد الحلول.
فيما يخص الطبيب النفسي و طبيب الأعصاب le neuropsychiatre لديهما نفس المهام و يتكفلان بنفس الحالات الصداع النصفي ذو الأسباب النفسية...الهستيريا التحولية...الفصام...و الكثير من الأمراض التي تؤثر على الجهاز العصبي عامة.أما المختص النفسي يأتي دوره في الأخير لإعادة التأهيل و دمج المريض مرة ثانية في المجتمع
لكن إذا احتجت لاخصائي نفسي قد يكون للطبيب الذي وجدته علاقات مع الاخصائيين النفسانيين إذ لهذا الأخير دور مكمل للطبيب ... بالتوفيق

 

[niri.sarina]

وينك نجي عندك انا اختك:thumbup1::thumbup1:

ههههه موضوعك مهم جدا ....البسيكو هايل انا من المهن لي نحبها بزاف و هوايتي اكتشاف الغير بصح في مجتمعاتنا هد الشي شوية بيزار مناه يقولو البسيكو غير للمهابل وهد الحاجة كلنا نعرفو بلي غالطة هد الشي يخرج بزاف على البلدان الاجنبية اما احنا كونا مسلمين كيتعود قلقان و الا مهموم او اي حاجة تكون ملقتقك تستغفر و تشهد و تروح تتوضى تصلي ركعتين ولا تقلاى سورة و تدعي ربي يفرج عليك انا ماشي قاعدة نقول بلي البسيكو ماشي مهم مي احنا الجزائرين نشوفوه بهدي الوجهة ممكن في المستقبل القريب نغير هد الافكار؟​

تقبلي مروري وو جهة نظري
:thumbup::thumbup::thumbup::thumbup:​