فوق القلب ، كاين لي كيما هاكا؟؟؟

[الكابيست]

السلام عليكم
حبيت نحكيلكم على يومياتي الممتعة وحياتي السعيدة لانها مليئة بالفائدة والترفيه
مانطولش عليهكم........
منين نوض الصباح نوض فوق القلب ،علاش ؟ ماكانش حاجة تستاهل باش نصبح عليها وزيد نبكر على 6 صباحا وعينيا مقفولين ،
نروح نخدم فوق القلب
الترونسبور بومحتم وفوق القلب، علاش ؟ عاطل( بطئ ) و قديم بزاف
العباد اللي نلقاهم في الطريق ونهدر معاهم فوق القلب ، علاش؟ نيفو0 ومنارفيين كامل
نروح للخدمة فوق القلب ،علاش؟ تضياع وقت بلا فايدة
نخدم فوق القلب علاش؟ نتعب والمدخول ضعيف
كي نقرا الجرائد اليومية نندم علاش قريتها
كي نطالع على اعلانات التوظيف مانلقاش واش نخير الخدمة تطايش هههههههههههه
وكي نروح للدار نحمد ربي ونزيد باينة علاش
بصح كي نخمم في غدوة نفشل، علاش؟ لأن نفس الحكاية تتعاود ، ونفس الروتين
راني نفوت في أصعب عام في حياتي مافهمتش هاذي هي الدنيا والشباب كامل هكا ( نقصد الجامعي البطال منهم ) ولا كابوس و يفوت برك ،،، ربي يستر برك ...

 

[iman13]

ربي يكون في العون

 

[°~Kenza_02~°]

والله غير قااااااااااااع الناس راهم هاك كلشي فوق القلب
ربي يقاوي هاذاك القلب برك
وربي يعينك خويااااا
راك خير من بزااااف ناااس

 

[نقطة حبر]

اما انا من الليسي الى الدار نفس الطريق ونفس العباد
ربي يكون في عونك وعونا اجمعين

 

[الكابيست]

شكرا على الاهتمام

 

[brahimalg]

الله يكون في عونك يااخو .

 

[Robben 11]

ربـي يوفقك​

 

[امينة.19]

ايه صح مام انا نقرا في الجامعة الثرونسبوووووووور الغاشي وكل واحد يطلع في كيفو عليك ما نعرف كيفاه رايحين نكملو