اختي راهي مغبونة....

[هاجر جزائرية]

السلام عليكم انا هاجر اسمحولي بطيت عليكم او مادرتش مواضيع كانو عندي مشاكل ومن بينهم اختي الي عندها مدة 3 اشهر ملي تزوجت اوعجوزتها راهي ديرلها في مشاكل او زيد حرشت عليها راجلها اوكي هدرت معاه ضربها ماعلابالناش كيفاش هو الحل ياريت تمدولنا الحل راني ننتظر في ردودكم

 

[Moha le sage]

ربي يكون الخير ختي هاجر ... وديري في بالك لازم وقت باش توالف

ايه انا نفكر في كلمة زواج ونا نحس واحد خنقني تالمون الواحد خايف غير من المشاكل


ربي يلطف بختك ويهديهم كامل

 

[* تسنيم *]

السلام عليكم
ربي يهدي عجوزت ختك وربي يصبرها اختي هذي هيا المعيشة من ترحي تلقاي المشاكل بين العروسة وعجوزتها
قول لختك ماتكترش هدرة مع عجوزتها و تصبر واش دير ربي يكون معاها ..

 

[yasmine24]

teseber heta temout 3ejouzetha

w ellah ye3tina la3qel wsber

 

[poli]

هههههههههه.........والله تساعف برك و ربي معاها
يعني اكيد رايح يكون مشاكل بيناتهم حاجة واضحة
​

 

[أبو عاتكة]

في مثل هذه الامور لا يوجد الحل اختي

المفتاح الوحيد بيد اختك عليها كسب الزوج الى صفها هاذا مهم

وعليها ان تكبر بالها بزاف بزاف وتستعد للمعترك للتعامل مع اهل زوجها بالثقل في ردة الفعل

تمرير الكلام والمشادات يلزمه صبر ويقين ان العمل على الرد على كل اتهام ومشكل ياسر صاحبه ويذهب عمره في الهموم والغبن

التغافل عن ما يرى الانسان ويسمع اعرف ان المرأة لا تستطيع تفويت الاتهام والقذف ولكن الحنكة وسر ثبات الاسرة هي تفويت الفرصة على المكائد والخطط.

مادام اشتعلت المعركة بين الزوجة وعجوزتها فلا ارى لها نهاية سوى التفاهم بالحسنى بين الزوج والزوجة.

ضرب الزوج للزوجة اشارة يجب ان تفهمها الزوجة ان الام خط احمر لا يمكن تجاوزه فاحذري وطيعي زوجك

ولا تريه من المعاندة والتصلب ولكن كوني لينة ولا تعيدي كل ما سمعتي فالزوج لا يسمع اقاويل النساء والشجارات ويزيد عصبية عندما يرى زوجته عصبية ومنجرة وراء النزاعات التي هي في كل منزل ولكن
اسرة انكشف سرها واخرى لا لماذا؟لان الزوجة لا تخرج الشجارات في اهل زوجها خارج عش الزوجية
بهذا لا يتدخل طرف اخر يفسد القضية برمتها.
وضعي في بالك ان ام الزوج لا تحب الزوجة اكثر من ولدها والعكس لذا كوني ذكية واكسبي بحبك لزوجك
حب كنتك .


​

 

[imen_31]

الاغلبية راهم في نفس المشاكل..........الا شافت روحا ماتفاهمتش مع عجوزتها امال لازم يكون بيناتهم حاجز باش ماتعدر معاها ماتشوفها....هاكا يقلو المشاكل.............والحل قاع المليح...السكنة الا قدر عليها زوج اختك ولا ماقدرش ماعليها غير تصبر

 

[pRiAnCa*mCeE]

حبوبتي قولي لختك لازم تصبر لانو ربي ابتلاها هكا باش يشوف درجة صبرها وايمانها...الحل الوحيد هو الصبر و الدعاء لعجوزة اختك وزوجها بالهداية و انشاء الله ما يكون غير الخير...تقبلي مروري حنونة

 

[أبو عاتكة]

احينا الزوجة الغير صبورة تحب ان تصنع عالمها الخاص ولكنها تصطدم بسلطة الام لا يمكن لاحد تجاوزها

وهنا يبدأ سر النزاع هذا شيء

احيانا تفقد الام اهتمام الابن بها وتحس باتساع الهوة في ظل وجود الزوجة كبديل للصدر الحنون الذي يفتح له الابن قلبه بعدما كان يسر كل شيء للام اصبح يسره للزوجة وهنا يبدأ التسابق الى كسب الرجل.

احيانا يكون السبب الغصب على الموافقة على الزواج من طرف الابن على الاهل .فتحس الام انها لم تختر مولات بيتها بمعريفتها الخاصة وتصبح تريد فك الرباط حتى تزوجه حسب رغبتها

احيانا يكون السبب من الزوجة والام ضحية اتهامات وهمية لاجبار الزوج على العيش باستقلالية في بيت جديد .

احيانا يكون الزوج هو السبب بتجاهله للجميع وما يدور حوله .وتغذية روح الفرقة بالتغليب طرف على الاخر زورا وبهتانا .
​

 

[ou@il_39]

 

[اجمل زهرة]

يقــولك لي يصبر ينــال ... نوصيها بالصبر ...

و ان شاء الله ربــي يهدي عجوزتها و يفرج عليــها .... و يعوضها العذاب لي راهي عايشاتو ...

و ربــي كبيـــر ...​

 

[صريحة]

هدي تصرا مع معضم المتزوجات الجداد يعني الام تشوف انو وليدها مبقاش يهتم بيها كيم بكري ومرتو تبعد فيه عليها تقدري تسميها نوع من الغيرة هكدا معضم الامهات ........ولازم على اختك متعندهاش وتردلها الشر بالخير مع الوقت درك هيا تكره وحدها هك باه متكرهش رجلها فيها وتكسب من جهتين
وقولي لها ديري ربي في بالك ونشاء الله تفرج عليك ..........​

 

[** غزال الصحراء **]

في هاذي الحالة يليق يدخل واحد من لافامي تاعكم خوكم لكبير و لا باباك و إذا أستمر العصيان من الزوج فالله شرع الطلاق و لكن بعد عدة مراحل كتدخل عائلة الزوجة و النقاش و الإبتعاد عن المضاجع ..إلخ و في الأخير نقولك زوج كلمات و هوما الصابر ينال تحياتي .
​

 

[Moha le sage]

واش هذا يعطيها العافية وهي تشكي في مشكل تاعها ؟؟

الوردة هاذي راك درت بيها على 50 موضوع وراني شفتهم كامل

ياخويا اكتب على الاقل حاجة تطلع المورال

ميهمكش في مشكل الاخت قد ما يهمك المشاركة وخلاص ؟؟!!! .. ربي يهدينا

 

[محامي الجزائر]

ربي يكون في العون .....​

 

[ندى الورود]

والله يا أختي في هذه الأحوال لازم الصبر
تعرفي هاذي لعجوزة راهي تحس بلي فقدت إبنها
و ولا ملك وحدة أخرى على بيها دير في الشي هذا كامل
ولازم أختك تحاول تقرب من عجوزتها وتحسسها بلي تحبها وتعاملها مثل أمها
بلاك كيما تعاملها مليح تحن عليها وتحبس واش قاعدة دير فيها
وتربح زوجها وعجوزتها مع بعض وتتحسن العلاقة بينهم
تعرفي أختي عندي إبنة خالتي متزوجة منذ 9 سنوات والله عجوزتها مدايرة فيها العجب
ومكانش واحد مغبون كيما هي
وزيدي بنت خالتي تخدم وكل شهر لازم تحطلها شهريتها في يد عجوزتها ولوكان متمدهالهاش
يا ويلها والله عمري ما شفت عجوزة مثل عجوزة بنت خالتي ما ترحم ولا تخلي رحمة ربي تنزل
مسيطرة على كل شيء وإبنة خالتي مسكينة ساكتة وصابرة مديتها غير بالبكا

الله يصلح ويفرج على أختك ​

 

[sleepingbeauty]

والله يا أختي في هذه الأحوال لازم الصبر
تعرفي هاذي لعجوزة راهي تحس بلي فقدت إبنها
و ولا ملك وحدة أخرى على بيها دير في الشي هذا كامل
ولازم أختك تحاول تقرب من عجوزتها وتحسسها بلي تحبها وتعاملها مثل أمها
بلاك كيما تعاملها مليح تحن عليها وتحبس واش قاعدة دير فيها
وتربح زوجها وعجوزتها مع بعض وتتحسن العلاقة بينهم
تعرفي أختي عندي إبنة خالتي متزوجة منذ 9 سنوات والله عجوزتها مدايرة فيها العجب
ومكانش واحد مغبون كيما هي
وزيدي بنت خالتي تخدم وكل شهر لازم تحطلها شهريتها في يد عجوزتها ولوكان متمدهالهاش
يا ويلها والله عمري ما شفت عجوزة مثل عجوزة بنت خالتي ما ترحم ولا تخلي رحمة ربي تنزل
مسيطرة على كل شيء وإبنة خالتي مسكينة ساكتة وصابرة مديتها غير بالبكا

الله يصلح ويفرج على أختك ​

هادي بعد قالتلهم اسكتوا كامل واش بيها هبلت تدي الشهرية تاع كنتها جامي صرات
ربي يستر راني بديت نخاف من الزواج هادي عادت حرب ماشي زواج
​

 

[ندى الورود]

هادي بعد قالتلهم اسكتوا كامل واش بيها هبلت تدي الشهرية تاع كنتها جامي صرات

ربي يستر راني بديت نخاف من الزواج هادي عادت حرب ماشي زواج ​

والله يا أختي من نهار تزوجت بنت خالتي 9 سنين وهي تديلها في شهريتها
وتعرفي لوكان متمدهالهاش وتحب تفهم والله تخلي بنها يطلق بنت خالتي
وتزوجو بمرا أخرى لوكان تشوفيها كيما تولي تبكي والله تشف ليهود
تبكينا معاها تعرفي حكاتلي مرة بأنها مرة كيما أعطاها صاحب العمل شهريتها
غلط في الحساب ونقص 200 دج كيما راحت للدار حسبتهم لعجوزة لقاتهم
ناقصين والله قلبت عليها الدار وقالتلها جيبي 200دج
ووو واش نحكي كاين حكايات أكثر من هاذو صراو لبنت خالتي
وزيدي مسكينة تخدم برا وكيما تروح للدار يعاملوها كيما الخدامة
بصح يا أختي علاه تخافي من الزواج
الناس ماشي نفس العقلية وكلشي بالمكتوب
وهذي هي الدنيا كاين لمليح وكاين لقبيح ​

 

[حفيد هواري بومدين]

دواها تكتبلها عند كاش طالب مليح
العجايز صعاب وعلابالكم
​

 

[sleepingbeauty]

والله يا أختي من نهار تزوجت بنت خالتي 9 سنين وهي تديلها في شهريتها
وتعرفي لوكان متمدهالهاش وتحب تفهم والله تخلي بنها يطلق بنت خالتي
وتزوجو بمرا أخرى لوكان تشوفيها كيما تولي تبكي والله تشف ليهود
تبكينا معاها تعرفي حكاتلي مرة بأنها مرة كيما أعطاها صاحب العمل شهريتها
غلط في الحساب ونقص 200 دج كيما راحت للدار حسبتهم لعجوزة لقاتهم
ناقصين والله قلبت عليها الدار وقالتلها جيبي 200دج
ووو واش نحكي كاين حكايات أكثر من هاذو صراو لبنت خالتي
وزيدي مسكينة تخدم برا وكيما تروح للدار يعاملوها كيما الخدامة
بصح يا أختي علاه تخافي من الزواج
الناس ماشي نفس العقلية وكلشي بالمكتوب
وهذي هي الدنيا كاين لمليح وكاين لقبيح ​

ربي يكون معاها بنت خالتك و الله بزاف عليها انا كون جيت منها نحبس الخدمة وخلاص مادام الشهرية تاعي ما نشوفهاش نشقا و نتعب في الباطل مالا نحبس و نخليها تدي الحشيش
علابالك قلبي وجعني ربي يفرج عليها ان شاء الله :crying:


​