1
- الأوسمة
- 3
السلام عليكم
علابالي كامل ماديتكم الدنيا وزفها .. اللي مع الخدمة ولا البحر ولا يضال يكونيكتي
علاش ديما نستناو في عيد الام و في عيد المرأة .. هاذي امك كل يوم وكل عام
عندي طلب بسيط من اي واحد يقرا هاذ الموضوع انو يشري حاجة ولو رمزية للوالدة تاعو
حاجة ما تكلفش الكثير ولكن يكفي بيها انك ترسم بسمة على شفاه امك الغالية وتعطيها سعادة ولو
مدة دقيقتين ... ما يهمش قرعة ريحة ولا صبونة و لا ان شاء الله حتى حبات علك ...
كل واحد ووحدة يتفكر الحاجة الي تحبها امو ويشريهالها .. و خممو بينكم وبين روحكم وكتاه اخر
مرة اعطيتوها هدية ؟؟ في عيد الام اكيد
دنيتنا فانية و الكثير الي سافر والكثير اللي تزوجت و حن ولا حنت غير يسمع كلمة من عند يماه
وانتوما بجنبها و لا خبر ... ديرو كيما قلتلكم حاولو تسعدو انسانة سهرت ليالي ونتوما راقدين
ودارت منكم الراجل راجل والمرا مرا ... نتوما ليجان لي كل يوم تشريو السيديات ولا قرع الجال ولا لبنات لي يضالو يشرو في النواضر وفي قرع الريحة والماكياج خممو خطرة برك كي تعقبو على اي حنوت ولا كيوسك باه تشرو ولو حاجة بسيطة تفرحو بيها والدتكم .. راكم غافلين ورانا كامل غافلين ودنيتنا غدارة والوقت يفوت ............
يا سيدي ماتشروش جيبولها للي ما يقدرش شوي ورد والصح كي تفرحوها ..
رانا في وقت تبدلت فيه المفاهيم وولينا نشوفو في واحد يحشم يخرج يخرج مع يماه ولاخر يحشم يقل اصلا اسم يما وملقيناش لي قال لمو نحبك .. نحشمو بلي جابتنا للدنيا هاذي .. نحشمو بلي هزتنا 9 اشهر في كرشها .. تحشمو ذرك ونهار تتزوجو لمرتكم تجيبو كيلو بنان و لامكم ماتجيبولهاش ولو باط ياوورت .. علاش خطراه تتبعو في عقليات راشيين ..
ان شاء الله هدرتي تلحقكم وما يكونوش قلوبكم حجر و لا تروحو تقراو موضوع اخر وتنساو هذا الكلام
نستحلفكم بربي كل واحد يقراه يشري حاجة ولو بسيطة هي رد جميل ضئيل بزاف هي احساس تحسو بيه والدتكم ان ابناءها يحبوها ... وصدقوني هاذ الاحساس يسوا الدنيا كاملة .. وراح نبدا بنفسي ونويت نشريلها اي حاجة يمكن باش تفرحها
خوكم محمد
علابالي كامل ماديتكم الدنيا وزفها .. اللي مع الخدمة ولا البحر ولا يضال يكونيكتي
علاش ديما نستناو في عيد الام و في عيد المرأة .. هاذي امك كل يوم وكل عام
عندي طلب بسيط من اي واحد يقرا هاذ الموضوع انو يشري حاجة ولو رمزية للوالدة تاعو
حاجة ما تكلفش الكثير ولكن يكفي بيها انك ترسم بسمة على شفاه امك الغالية وتعطيها سعادة ولو
مدة دقيقتين ... ما يهمش قرعة ريحة ولا صبونة و لا ان شاء الله حتى حبات علك ...
كل واحد ووحدة يتفكر الحاجة الي تحبها امو ويشريهالها .. و خممو بينكم وبين روحكم وكتاه اخر
مرة اعطيتوها هدية ؟؟ في عيد الام اكيد
دنيتنا فانية و الكثير الي سافر والكثير اللي تزوجت و حن ولا حنت غير يسمع كلمة من عند يماه
وانتوما بجنبها و لا خبر ... ديرو كيما قلتلكم حاولو تسعدو انسانة سهرت ليالي ونتوما راقدين
ودارت منكم الراجل راجل والمرا مرا ... نتوما ليجان لي كل يوم تشريو السيديات ولا قرع الجال ولا لبنات لي يضالو يشرو في النواضر وفي قرع الريحة والماكياج خممو خطرة برك كي تعقبو على اي حنوت ولا كيوسك باه تشرو ولو حاجة بسيطة تفرحو بيها والدتكم .. راكم غافلين ورانا كامل غافلين ودنيتنا غدارة والوقت يفوت ............
يا سيدي ماتشروش جيبولها للي ما يقدرش شوي ورد والصح كي تفرحوها ..
رانا في وقت تبدلت فيه المفاهيم وولينا نشوفو في واحد يحشم يخرج يخرج مع يماه ولاخر يحشم يقل اصلا اسم يما وملقيناش لي قال لمو نحبك .. نحشمو بلي جابتنا للدنيا هاذي .. نحشمو بلي هزتنا 9 اشهر في كرشها .. تحشمو ذرك ونهار تتزوجو لمرتكم تجيبو كيلو بنان و لامكم ماتجيبولهاش ولو باط ياوورت .. علاش خطراه تتبعو في عقليات راشيين ..
ان شاء الله هدرتي تلحقكم وما يكونوش قلوبكم حجر و لا تروحو تقراو موضوع اخر وتنساو هذا الكلام
نستحلفكم بربي كل واحد يقراه يشري حاجة ولو بسيطة هي رد جميل ضئيل بزاف هي احساس تحسو بيه والدتكم ان ابناءها يحبوها ... وصدقوني هاذ الاحساس يسوا الدنيا كاملة .. وراح نبدا بنفسي ونويت نشريلها اي حاجة يمكن باش تفرحها
خوكم محمد
