ختي لعزيزة أمال قبل كلشي نقولك بارك الله فيك على الموضوع القيم وربي يجازيك وأنا فكرت قلت بالاك نديرولك أنت قاموس على خاطرش عندك فكرة مليحة ومنها مثل هذا الموضوع
بالنسبة لقاموس السيد بوتفليقة والله على حساب ماراني نشوف نقدرو نديرو فيه المصالحة الوطنية يعني نصالحو لي قتلو الشعب الجزائري ونعاقبو الزوالية
النقطة الثانية وهي الأغنية المشهورة القضاء على البطالة وهذي تحبو الصح منين نسمعها نخلع على بالي كيفاش يقضوعلى البطالة
إنجاز مليون وحدة سكنية وهذا الله يبارك مشروع ضخم لأصحاب الكروش الضخمة يعني إذا تحقق المشروع يسكنو فيه غير لي عندهم كرش كبيرة
نمسحو ديون الفلاحين وهذي تاني مبادرة مليحة بصح مساكن لي يحرثو في لرض تاع الصح راهم لدرك يبكو ولي رافدين لملايير من البنوك مسحولهم الديون
بصح الكلمة لي لازم كامل نركزو عليها ولازم تتكتب فالقاموس هي أرفع راسك ياما ماشي يابا
ربي يخليك وربي ينورك ويحفظك ختي موضوع هايل بصح تحبي الصح لوكان هذا الموضوع درتيه على الراحل بومدين رحمه الله كنتي تلقاي الناس واش تكتب بزاف على خاطرش كامل كاش شركة ولا مشروع ولا ملعب كبير كيما 5 جويلية ولا أي تطور أو تأميم أو رجلة فالأمم المتحدة كامل خدمهم بومدين الله يرحمو والخيرات تاعو رانا نمشو بيهم وحتى وهو صاحب فيد ال كاسترو تاع الصح يعني حبيبو المقرب أما الرئيس بوتفليقة وربي يكون في عونو والله يالوكان تجيب عمرو بن عبد العزيز مع لي راهم دايرين بيه مايدير حاجا دمتي ودامت مواضيعك المميزة
