الزعاف او لينار او الغضب او لا اوتونسيو عند الجزايريين

[D aucun]

السلام عليكم
اولا بغيت نحكي على مشكلة من مشاكل المجتمع الجزائري ولي هي لينار الزايدة
في وقتنا لو انك تقول صباح الخير لواحد يقولك واش دخلك فيا هادي مبالغة لكن لي نعيشوه تقدر تقول هو بحد ذاتو لانو ماكانش فيكم لي يقولي انا مانزعفش واذا كنت ولاكنتي هاك الور ماكش او ماكي جزايري او جزايرية وعلاش لانا تعودنا على الكلام المعسول (؟؟؟؟؟)وين تلقى الجزايري يجيبلك التالية في الاولى ويقولو انو دمنا سخون
نحكيلكم قصة شفتها انا بعيني واحد ملتحي مدابز مع شاب هاداك الجان طاح عليه بكل انواع السب والشتم ماخلالوش تخيلو الانسان الملتحي هاداك واش يدير ينسف وكانما تران راهو جاي والزبود يخرجوله من فمه وكانما سكرات الموت تقطع حاكمينو اربعة و هو صاريله كي التور لو كان يطلقوه ياكل لاخر حي
حبيت نعرف وعلاش هاد العادة فينا
1)هي صح فطرة كيما يقولو
2) افتعال وهدا اغلب الظن
3) او انو الواحد يكون نورمال في بلايصها ويزيد فيها مع لي عارف بلي يحقره
4)علابال يقولو عليه الناس عنده كارت حمرا عندكم تقربوه ويبقى يدير واش يحب
ماني باغي نطول عليكم
انتطر التفاعل يا اعضاء اللمة الاعزاء

 

[rania 3asla]

هادي فطرة فينا خويا. ما نعرفوش نعالجو مشاكلنا بالهدوء لازم يدخل فيها سب و تطياح لقدر و لي يسب بزاف وللا يضرب وهو لي يغلب يقولو عليه هاداك قاوي يزيدو يشجعوه بارك اله فيك على موضوعك وتقبل مروري

 

[D aucun]

هادي فطرة فينا خويا. ما نعرفوش نعالجو مشاكلنا بالهدوء لازم يدخل فيها سب و تطياح لقدر و لي يسب بزاف وللا يضرب وهو لي يغلب يقولو عليه هاداك قاوي يزيدو يشجعوه بارك اله فيك على موضوعك وتقبل مروري

سي فري مي مجتمعنا رانا نشوفو فيه فاسد من كل النواحي بدون استثناء وحنا هوما السبب في فساده لكن لو انو كل واحد يعمل بمنطق اذا عز اخوك فهن و واقول و اي بمعية الساكت عن الحق شيطان اخرص نظن انو كل شيء يتسقم وما تبقى حاجة عوجة مرسي اختي ربي يخليك

 

[nina17]

للأسف هادا فاش فالحين الجزائريين
يقولك لي يغضب و يسب و يعاير هو الراجل تع بصح و لكن لي يمتلك نفسو عند الغضب و ميردش على الناس بطريقة قبيحة يقولولو جايح
بصح ماعليش ربي مينساش عبدو الراجل تع بصح ممكن جدا راح يولي جايح فالآخرة و لكن الجايح فالدنيا من المؤكد راح يولي الراجل تع بصح فالأخرة

شكرا خيي على الموضوع....صح صحورك

 

[D aucun]

للأسف هادا فاش فالحين الجزائريين
يقولك لي يغضب و يسب و يعاير هو الراجل تع بصح و لكن لي يمتلك نفسو عند الغضب و ميردش على الناس بطريقة قبيحة يقولولو جايح
بصح ماعليش ربي مينساش عبدو الراجل تع بصح ممكن جدا راح يولي جايح فالآخرة و لكن الجايح فالدنيا من المؤكد راح يولي الراجل تع بصح فالأخرة

شكرا خيي على الموضوع....صح صحورك

اهلا خيتي
مرسي عليك وانت دخلتينا في الديم نقولك واحد يهودي جا لصحابي مع الرسول صلى اللع عليه وسلم بقى يسب فيه والصحابي ساكت ايا من بعد الصحابي هدا رضي الله عنه غاضته ايا ردله هنا قام النبي ورحل تبعه الصحابي وبقا يسأل فيه يا رسول الله كيفانش هو كي كان يسب فيا نورمال وكي رديتلو كلمة قمت رحت
قالو النبي عليه الصلاة والسلام كطي كنت ساكت كان نبي واقف عليك ويرد في بلاصتك مي غير رديت عليه جا في بالص الملك شيطان وانا ما نقعد مع الشياطين
نظن هادا يكفي خيتي مرسي بنت 22 وشكرا وصح سحركم كامل تما

 

[simouka]

1)هي صح فطرة كيما يقولو

و عليكم السلام و رحمة الله و بركاته

يا اخي هي منظنش فطرة بصح طفرة (mutation )
و لا كل واحد تهدر معاه يتنقر و يبن في رجلته و وخروا من الطريق
غالطين في معنى الرجولة و نسينا معنى واحد يكون ظريف يدي و يحيب فالهدرة
كل واحد منا يزعف بصح ردة الفعل عند اكثرنا مبالغ فيها كيما يقولو "شوية من الحنة و شوية من رطابة اليدين"
يقولك انا هو الرجلة و عندي القرعة تتعمر بالخف غير دير هاك تتطردق

و ما بقيناش نطبقوا قوله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: من الآية63)
مكانش لي يفوت لاخوه و لا يسكت غير لي يقول انا هو سيدهم و انا لي بويا السبع و كيما هاك يولي المجتمع غابه القوي ياكل الضعيف وا بلا ضوابط ولا روابط.

​

للغضب أحكام و آداب
​

 

[السوفي حمة]

نظن المشاكل والمحن إلي عاشها شعب الجزائر
هي السبب في هذه النرفزة والعصبية عنده
الجزائري عاش 132 سنة مستمعر من فرانسا
وبعدها عانا من استبداد الحزب الواحد
من بعد عاش أحداث العشرية السوداء
وضرك راهو يعيش في عشرية الغلاء
شكون يتحمل هذا الضغط الكل

​

 

[حفيد هواري بومدين]

ومعضم الشعب الجزائري عندو عقلية نتاع انو النرفزة والغضب داخلة في الرجلة ولكنها العكس

---
هي فطرة صح وتولد مع طفل صغير الله غالب راسنا راس محاين وكل يعني جزائري دمو سخون والدليل زيدان برك

​

 

[Moha le sage]

السلام عليكم

واش نقلك خويا المخطار على عقلية الريشة .. يعمي زوج كلمات هوشة .. ارواح هنا في سطيف وتشوف .. زيدها شهر رمضان ..اللي تهدر معاه تلصق .. قبيل برك بقار كبير على حاجة تافهة صرا توالنا

حنا شعب نارفو بزاف وفوق الحق وكون نحكيلك على الماتشات كيفاه تروح تلعب تديفولي تلقى واحد تقيسو في عوض ما يدي كوفرون يهاوشك ويزيد يلحقو صحابو كامل نتا تقول متحلفين مكانش اللي يفك خلاص

ولا في المرشيات لخر فيهم هاز موس وموجد روحو لكشما بقار

الرسول صلى الله عليه وسلم يقول : ليس الشديد بالصرعة انما الشديد من يملك نفسه ساعة الغضب
وحنا غير يسمع واحد كلمة صغيرة يترون ويتخلط وغير لا حضروالفكاكا باش يفرقو المعركة اللي راح يديرها .. اللي تلقاها عادة على جال قارو ولا وش بيك تخزر فيا

الانسان لازم يكون ثقيل و اللي يغلط نقوقلولو ربي يهديك ماشي نهزولو قرمة .. هاذ الوقت واحد ما يكردي خوه اللي يغلط ينصل لاخر ..القلقة والعنف زادو زاد معاها le stress اللي نتج من امور بزاف كالوقت اللي صعاب و لا الخدمة اللي مكانش و كافة المشاكل الفقرو الحرمان والتشرد والارهاب والحقرة والتهميش والبنعميست ... كامل يلعبو دور في التأثير على لعباد


تحياتي ليك ومرسي على الموضوع اللي يقيسنا كامل

 

[wahid47]

مانكدبش عليك خويا انا عصبي جدا كي نشوف العوج مانقدرش نملك روحي لكن مش بالسب والتطياح نعيط ونخلطها حتى يفكونا هادي هي العقلية

 

[بيكهام]

برك الله فيك اخي موضوعك رائع
نعم الجزائري وين كان مقلق وعلاه منيش عارف
وخاصة في رياضة : مشجعين ابابابابابابا
برك الله فيك​

 

[السوفي حمة]

ومعضم الشعب الجزائري عندو عقلية نتاع انو النرفزة والغضب داخلة في الرجلة ولكنها العكس

---
هي فطرة صح وتولد مع طفل صغير الله غالب راسنا راس محاين وكل يعني جزائري دمو سخون والدليل زيدان برك

​

على الأقل زيدان كان راجل وجاب حقو
أما حنا واش درنا بالنرفزة نتاعنا
كلنا كالغنم يسوقو فينا من وذنينا
الشعب غير ياكل في بعضاه برك

اللهم إني صائم
​

 

[نجاة40]

كي طيح في واحد مقلق لازم تتقلق وهي ماشية​

 

[yanni]

كاين شحال من جون برا يسب وما يقدرش يدافع على روحو غير بالسبان مي في دارهم يوزن كلامو قبل ما يهدر وهدي العقلية ولينا نسمعو الكلام الدوني عادي في الكلاصة برا المارشي قدام خاوتك باباك يماك .............. جيهم عادي وللاسف ولاو حتى البنات يسبو كيما الدراري الله يهدينا اجمعين

 

[D aucun]

لي عودة الى الموضوع مرسي كامل

 

[pRiAnCa*mCeE]

هههههههههه يلعبو فيها مالقاوش الضرب هذا ماكان شكرا على الموضوع

 

[لينة]

كيما قالوا الدليل زيدان ههههههه
راهم الكل عندهم لينار
مكانش ليمعندوش
مررسي

 

[D aucun]

و عليكم السلام و رحمة الله و بركاته ​

يا اخي هي منظنش فطرة بصح طفرة (mutation )
و لا كل واحد تهدر معاه يتنقر و يبن في رجلته و وخروا من الطريق
غالطين في معنى الرجولة و نسينا معنى واحد يكون ظريف يدي و يحيب فالهدرة
كل واحد منا يزعف بصح ردة الفعل عند اكثرنا مبالغ فيها كيما يقولو "شوية من الحنة و شوية من رطابة اليدين"
يقولك انا هو الرجلة و عندي القرعة تتعمر بالخف غير دير هاك تتطردق​

و ما بقيناش نطبقوا قوله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: من الآية63)
مكانش لي يفوت لاخوه و لا يسكت غير لي يقول انا هو سيدهم و انا لي بويا السبع و كيما هاك يولي المجتمع غابه القوي ياكل الضعيف وا بلا ضوابط ولا روابط.​

للغضب أحكام و آداب ​

اهلا اختي الكريمة
شكرا على الرد المتميز وتعرفي يا اختي مجتمعنا الجزائري يحكم بقانون الحوت تغلط تموت وتلقيهم على سبة تالية يبقو مدابزين ويزيدها الشيطان ايا و ارواحي انت وفريها وكل واحد يبقى يشوف في روحه وليام ولاس ايا وكون تكمل يرجع يندم على واش فعل انا صراحة نخدم بحاجة هي انو اذا عز اخوك فهن ولكن هدا ما يعنيش اني نسكت على الحق يعني انو الواحد يكون عاقل مي في حدود لازم ما تفوتش الحدود سي نو راك تعرفي نعودو كامل مقلقين وكامل مانعرفوش نحكو ونظن انو الغضب الحقيقي ما يكونش عندو احكام والمفتعل يكون عندو احكام اما من ناحية الادب فهنا يتوقف على الشخص
مرسي اختي ربي يخليك

 

[D aucun]

نظن المشاكل والمحن إلي عاشها شعب الجزائر

هي السبب في هذه النرفزة والعصبية عنده
الجزائري عاش 132 سنة مستمعر من فرانسا
وبعدها عانا من استبداد الحزب الواحد
من بعد عاش أحداث العشرية السوداء
وضرك راهو يعيش في عشرية الغلاء
شكون يتحمل هذا الضغط الكل ​

اهلا اخي حمة
شكرا على ردك مع اني نظن انو كل هاته الاسباب نورمالمو تدخل في تكوين شخصية رزينة للفرد من جهة وهدا وين نشوفوه في ناس بكري اما مشكلة الغلاء يا اخي كمال هاديك ماشي غير تزعف مي تهبل وسي فري ستراس كبير بزاف وعلابيها تلقى لي في السوق تقولو صباح الخير يسبك ههههههههه مرسي اخي حمة ربي ينورك ويخليك

 

[immy]

العبد عاد يخاف يحكي معانا

و الله يا الدكورة