اذا كنت جزائري حر ......ادخل

[souzan]

بسم الله الرحمن الرحيم
نبدا مباشرة في الموضوع من غير مقدمات

و الله ان اكثر ما يحزن

هو تملص الجزائريين و الجزائريات على وجه الخصوص من اللهجة الجزائرية​

و اكثر ما يزيدني تعجبا

ان ابناء بلد المليون و نصف المليون شهيد و 35 مليون نسمة يتكلمون لهجة شعب لايزيد عدد سكانه عن 4 ملايين نسمة (لبنان) ​

و هو الحال بالنسبة ل"وردة الجزائرية"و "فلة عبابسة" و طالبات ستار اكاديمي مثل "ريم غزالي و اختها سلمى" و "امل بشوشة" و غيرهن من التافهات

​

واكثر ما زادني دهشة هو تكلم عضوات منتدى "جزائريات " بغير لهجتهن حتى بالخليجية التي لا يتعدى مجموع سكان الخليج نصف سكان الجزائر
...و يقال اللهجة الجزائرية لا تفهم, فكيف تفهم و ابناؤها يخجلون بها؟
هل سمعت يوما مصريا

على سبيل المثال في اي بلد كان يتكلم غير لهجته؟​

يللا يا جزايريين

انشروا لهجتكم و اعتزوا بها و اتكلموا بها مع اي كان و سوف يتعود عليها و يضطر لفهمها ​

و راني نستنى في ردودكم و آراءكم حول الموضوع
و لوكان غير اللي يدخل يهدر بلهجته

اختكم

souzan

تنتضر مشاركتكم و اعطاء وجهة نضركم

​

 

[rania 3asla]

اختي حبيت نقلك الاعضاء لي مدايرين في اللمة مواضيع بلهجة خليجية وللا مصرية راهم مدايرين كوبي كولي مش هوما بدلو لهجتهم اما بالنسبة لوردة الجزائرية عايشة في لبنان وامها لبنانية و في برامج لبنانية لازم تحكي كيفهم بش يفهموها اما بالنسبة لبشوشة وريم وسلمى يحكو دزيري ما شفتيش في برنامج الو مين كي يكلمها دزيري يحكو بلهجتنا مي ادا حكات بيها ديما ما يفهموهاش وحقيقة حنا الجزائريين مع بعضانا ما عندناش لهجة وحدة كل واحد يحكي زي ومعضم الاوقات ما نفهموش على بعضانا
تقبلي اختي ردي وتقبلي مروري وشكرا على موضوعك

 

[rania 3asla]

الشعب الجزائري يحشم باللهجة الجزائرية ​

واللهجة تاع لبنان صح حنينة بزاف وانا نحب نهدرها ​

صريح يا خويا بزاف ههههههههههه

 

[belgacem39]

الف شكر ليكي اختي على الموضوع الحساس
انا نقول ان امسلسلات هيا لي خلات الناس
تتبدل كيما هكدا وعلى وجه الخصوص لبنات
منيش عارف بصح بلاك كاين لي توصل لدرجة
انها تولي تقتدي بممثل ولا ممثلا وهادي ضاهرى
خطيرى راهي رايحا تكبر في بلادنا

ربي يثبتنا على دينا يا ربي

تقبلي مروري

صحا فطورك

 

[السوفي حمة]

وماذا بقي من جزائريتنا
إلا هاته الكلمة التي تكتب في ورقة الجنسية
جزائري

​

 

[souzan]

ربي يخليكم كيشاركتوني في هدا الموضوع و كيقدمتو وجهة نضركم المقنعة و المشجعة
مشكورين
و ان شاء الله الميساج تاعي يكون وصل
ليهادو ينكرو اصلهم و لهجتهم
صح راني معاك واش قلتي اختي رانيا
و راني قاع معاكم يا خوتي واش جاوبتو
مي بصح لبروبلام
وعلاش غير الجزئريين لي يحوسو
يديرو قوستو كل واحد
مثلا لوكان يهدرو مع لبناني ولا مصري ولا كويتي ولا ............ يهدرو معاه بلهجة ديالو هو ماشي بلهجتنا الجزائرية ياو راهم مرقوها بزاااااااف ترووووو
على كل حال الله يهديهم
وفقكم الله
​

 

[nina bonoise]

المسلسلات هي لي تتعلم منها

 

[لحظة أمل]

شكرا على الموضوع
كيما سبف الاخوة وقالو
هادوك يتكلمو باللبنانية لانهم عايشين لتم
يعني مجبورين باش يفهمهم الناس والا تجي غير فيهم

​

 

[la rose de sable]

انا نقول هاذمك عندهم شخصية قوية فرضو على الأخرين بش يفهموهم واذا مافهموش اخبط راسك على الحيط
اما حنايا على ما يقولولو مافهمناكش اول حاجة يديرها تغيير اللهجة !!!
ياخي ناس ياخي

تونس حذانا هنايا ومايغيروش لهجتهم

واش نديرو كيما قلتي

يد بيد لنشر اللهجة الجزائرية

والأهم من هذا كلوووووووووووووووووووو.. ليسانسيال رانا عرب.. يا خويا اذا مافهموش لهجتك انتقل الى لغتك العربية الأصيلة

 

[كرومة الوهرانية]

ان منحشمش بهدرتي انا نموت على لهجتنا هي فووووووووووووور مهما كانت مي نعتبرها جزء من شخصيتي وانا نهدر بلهجتنا وادا ميفهموش كاين لغة فصحة باش نهدر معاهم تحيا الجزائر وتحيا لهجتنااااا

 

[A_abir]

لا اكيد حنا منهشموش بلهجتنا ونتكلموها ونفتخرو بيها هي لغتنا
بصح كاين الي ميفهمهاش جي واعدرة باه تحكي وترجمي عادي نحكي كيما نحب ومننساش لهجتي اكييييييييييييييد
مشكووووووووووورة

 

[billel90]

حنا في الجزائر و ما نهدروش نفس اللهجة على سبيل المثال القبائلية كاين بزاف ما يفهموهاش مي كي تكون مع زوج قبايل ما يهدزوش اللهجة تاعك و نتا تقعد غير تتفرج فبهم ...كيفاش نتفاهمو مع اللبنانيين و المصريين..........شكرا على الموضوع تقبلي مروري

 

[touti]

والله أما نفتخر باللهجة الجزائرية
ومايعجبنيش الحال كي نلقا واحد يكتب باللهجة المصرية

 

[سر القلوب]

اختي انا نهدر دزيري والي مايعجبوش لحال يبدل لهجتو وبالمرة يبد ناسيوناليتي تاعو

 

[ميسومة الدلوعة]

لالا اختي نهدر بالهجة الجزائرية مكانش خيرمن لهجتي لهجتنا روعة تختالف من بلاد لبلاد

 

[Mr Lonely]

موضوع هايل بزاف و يجب مناقشته
اما بالنسبة للهجة الجزائرية
انا افضل العربي الفصحة و لهجتنا الجزائرية كذلك
راكي عارفة ميلونج شوي هاك
و شوي هاك
تقبلي مروري​

 

[nihad_27]

انا نهدر بالدرجة في كل المنتديات

نعاير بيها و نقولهم لمفهمتونيش تعلمو تهدروها هههههههه كاين منتديات يعلموها

انا خويا طيطاي ماتنفعني لخليجة التقيلة واللبنانية السامتة
vivi darija انا جزائرية وافتخر

 

[Rahal Oualid]

و عليكم السلام أخي في الله ..
...
ان شاء الله تمــام الصحــة و العافية ..

نعم أختي هذا مخجل حقاً .. لكن احب التحدث بالفصحى

تحية معطرة بالورد

​

 

[stayfi]

الغاشى تاعنا تاع مسلسلات
هما لخلونا نتبعو هذو اللهجات

 

[SaMi_o7]

ليس بالشيء اللافت للإنتباه في وقت نستطيع تصديق كل شيء

فكل من عاشر شيئا ألــ،،ــف عليه

و شكرآآ

،،,,،،
,,،،,,
​