الفرق بين Madmoiselle و Madame في وقتنا هو ....

[صدق الايمان]

بسم الله الرحمن الرحيم
السلام عليكم و رحمة الله و بركاته​

صح فطورطكم ...هاهو رمضان تناصف علينا..... بالقبووول إن شاء الله
و بالصحة و الهنا .
يوميات عائلة جمعي تمت يعطيهم الصحة لكل الممثلين
كان مسلسل راقي و نظيف تتقبلو كل العائلات
درك انا منيش جايا باش نعملو اشهار هو اثبت نجاحو بنفسو
انما في الحلقة الاخيرة كانت لي ملاحظة و هي موجودة فعلا في مجتمعنا الجزائري...
لاحظتوا سارة بنت عمي جمعي كي كانت شابة و تعمل.... كانت تلبس ستيل بنات ديال درك 2009
بصح كي تزوجت ولات تلبس القشابة...الاعلام وش راهو يدير
يعني وش معناها كي تتزوج الطفلة تتستر و سيليباتار تعرى و لا حرج
سي بورسا البنات ديال درك تعقدو ولاو ميحبوش يلبسو الحجاب الشرعي قالك كي نخرجو بيه لي جون يعيطونا .....Madame
يعني انا نتساءل هدي هل هي موجودة في الشرع الاسلامي ام في شرع العباد ؟
من اين ياتي الخطأ ,, من الشباب ؟ لي راهم يكومبليكسو في البنات ام من الشابات ؟
ام من العصرنة ؟​

في رعــــاية اللــــه​

 

[pRiAnCa*mCeE]

في شرع العباد اكيد الاسلام فرض الحجاب على المادام و البنت وهوما قسموها...وواحد ما يرد التهمة للشباب البنت لو تخاف ربي صح تلبس الحجاب انا لبست الحجاب ومانلتاش بتعليقات الشباب لاني حابة نرضي خالقي مش نرضيهم هوما...ربي يهدي البنات لي راهم يلبسو لبسة....نقلهم بلي حلاوة ايمان المراة تكمن في الحجاب يجربوه ما يندموش يقلك سقسي لمجرب وماتسقسيش الطبيب...شكرا موضوع رائع للنقاش ارجو التفاعل من باقي الاعضاء

 

[mimilove1]

يسلمك
والله غير عندك الحق
شفتي

 

[amoula19]

الحجاب حاجة باينة .........لازم عليك اديريه مزوجة ولا في دار والديك
ماكانش هدرة فيه خلاص.......آم لبنات تاع درك لي راهم يخلطوا

 

[mariouma]

الحجاب تاع ليوم راه ستيل

 

[farida91]

هذي قع مكاش منها
الحجاب تستر بيه روحها
علاش تشوف لليجان واش يقولو لها
هي دارتو عبادة نورمالمو متشوفش لهدرة الناس​

 

[سوميثا]

أنا نلبس الحجاب وماعندي في الناس يقولو madame ولاmadmoiselle و لا حتى لعجوز المهم نتبع الدين الي القال المرأة لازم تستر روحها بالحجاب و الدنيا هذي مادايماش دركا راك هنا وغدوا بالاك راك فالقبر
مشكورة أختي على الموضوع

 

[صدق الايمان]

في شرع العباد اكيد الاسلام فرض الحجاب على المادام و البنت وهوما قسموها...وواحد ما يرد التهمة للشباب البنت لو تخاف ربي صح تلبس الحجاب انا لبست الحجاب ومانلتاش بتعليقات الشباب لاني حابة نرضي خالقي مش نرضيهم هوما...ربي يهدي البنات لي راهم يلبسو لبسة....نقلهم بلي حلاوة ايمان المراة تكمن في الحجاب يجربوه ما يندموش يقلك سقسي لمجرب وماتسقسيش الطبيب...شكرا موضوع رائع للنقاش ارجو التفاعل من باقي الاعضاء

آمـــين
هدا هو الصح الواجب الاقتداء بالشرع...و لتكون واثقة من نفسها مـتلتاش بتعليقات الشباب
أو الغير...الحجاب الشرعي أبداا مـيكبر البنت بالعكس يزيدها نور على نور

شكرا لك أختي الكريمة
كل الود
​

 

[صدق الايمان]

يسلمك
والله غير عندك الحق
شفتي

وش نشوف أختي.. تلبس الطفلة لبسة درك ودير الخمار يعطولها برا ختي.. تطلع لدارهم و تلبس حجاب مثلا باش تروح للحمام يعيطولها مدام
يخي حالة يخي ...
بارك الله فيك في رعاية الله
​

 

[صدق الايمان]

الحجاب حاجة باينة .........لازم عليك اديريه مزوجة ولا في دار والديك
ماكانش هدرة فيه خلاص.......آم لبنات تاع درك لي راهم يخلطوا

ربــــي يهديـــــهم
و نزيدك أختي كاين حتى بنات يفسدو على بنات و تقلها و ليتي تباني كبيرة
شكرا لمرورك الطيب
​

 

[صدق الايمان]

الحجاب تاع ليوم راه ستيل

ستيل في الدار :thumbup:​

 

[صدق الايمان]

هذي قع مكاش منها

الحجاب تستر بيه روحها
علاش تشوف لليجان واش يقولو لها

هي دارتو عبادة نورمالمو متشوفش لهدرة الناس​

هدي هي لحابة نقولها الحجاب الفضفاض و الطويل أبدا ميكبر
بل هو واااجب​

 

[صدق الايمان]

أنا نلبس الحجاب وماعندي في الناس يقولو madame ولاmadmoiselle و لا حتى لعجوز المهم نتبع الدين الي القال المرأة لازم تستر روحها بالحجاب و الدنيا هذي مادايماش دركا راك هنا وغدوا بالاك راك فالقبر
مشكورة أختي على الموضوع

بارك الله فيك أختي يعطو حتى لحاجة الواحد مـيلتاش بيهم برك...
اليوم ليوم و لغدوا غدوا​

 

[nina bonoise]

وعلاه راني لابسة الحجاب
و مقالوا عليا لا madame لا madmoiselle
مكاين حتى مشكل
الحجاب راهوا عبادة مش تمسخير
مشكورة

 

[الكابيست]

على حساب هدرتك أختي أنتي حابة تمشي في الطريق و لي جان تعيطلك Mademoiselle
و انتي وش ديري بيها هاذ الكلمة استري روحك و ما تهمكش هدرة الناس حتى و لوكان يعيطولك الحاجة .....
( مانيش نقصد فيك انتي و انما كل وحدة حابة تبان Mademoiselle )

 

[عطر الندى]

والله هاذي جامي سمعت بها الحجاب تلبسو المدام والمادموزال مكانش فرق بصح كاين لبنات اللي يتحججو بهاذ الشي باش ميحطوش الحجاب​

 

[Rahal Oualid]

و عليكم السلام أختي لعزيزة ..
...
ان شاء الله تمــام الصحــة و العافية ..

كلام طيب .. اللهم اهديهم آمين يا رب

تحية معطرة بالورد

 

[صدق الايمان]

وعلاه راني لابسة الحجاب
و مقالوا عليا لا madame لا madmoiselle
مكاين حتى مشكل
الحجاب راهوا عبادة مش تمسخير
مشكورة

العفو أختي الكريمة..
ومشي الناس كامل عندهم هدي لعقلية و انما موجودة...​

 

[صدق الايمان]

على حساب هدرتك أختي أنتي حابة تمشي في الطريق و لي جان تعيطلك mademoiselle

؟؟؟؟؟؟؟​

و انتي وش ديري بيها هاذ الكلمة استري روحك و ما تهمكش هدرة الناس حتى و لوكان يعيطولك الحاجة .....
( مانيش نقصد فيك انتي و انما كل وحدة حابة تبان mademoiselle )

؟؟؟؟؟؟؟؟​

يااااخي الموضوع مـ حطتش على نفسي و إنما ظاهرة موجود في مجتمعنا
و مشي بالضرورة ليحط شيئ للنقاش معناه انو يتكلم عن نفسو
و نظنك قريت مليح الموضوع جاتني الفكرة باش نكتبو لما شت مسلسل جمعي
فقط
بارك الله فيك صح فطورك​

 

[صدق الايمان]

والله هاذي جامي سمعت بها الحجاب تلبسو المدام والمادموزال مكانش فرق بصح كاين لبنات اللي يتحججو بهاذ الشي باش ميحطوش الحجاب​

ممكن و ممكن ضعاف في الشخصية و الدين
لك مني كل الود​