موضوع حساس ..... لكنه مفيد.... ارجوكن يا فتياة اللمة .. تفاعلن مع الموضوع

ارجو من المشرفين تثبيت الموضع .....
اذا كان يستحق التثبيت
 
انا تحجبت مين كان في عمري 14
و انا لي قررت
مشكوووور
 
انا غير العام هادا تحجبت حجاب شرعي
 
بارك الله فيك وجزاك الف خير وجعلها في ميزان حسناتك
و الله يهدي كل فتاة فالحجاب ستر للمرأة
 
حكايتها مع الحجاب، متى ارتدته؟
درتو كي دخلت ثانية متوسط يعني تقريبا من 4 سنوات
هل كان ذلك عن اقتناع؟ كيف اقتنعت؟
إيه بالطبع كنت مقتنعة بيه على خاطر ربي فرضه علينا

ربي يخليك موضوعك هايل
 
توقيع {مُدَلَّلَتُهُ}
درت الحجاب كي كنت نقر سنة 9 ودوك راني 2 جامهي وكنت مقتنعه بيه والديا حطولي الفكرة وانا اقتنعت بيها مكانش مثل الطفلة الي تستر روحها هي مثل اللؤلؤة تحافظ على روحها بحجابها بالعكس الحجاب زينتو وحدو المهم اختي مشكورة على هادا الطرح الجميل وربي يوفقك وربي يحفظك
 
الحمد لله على نعمة الاسلام التي هداتني للبس الحجاب في وقته
 
بارك الله فيك اخي الكريم على الموضوع المميز
والله انا عملت الحجاب وكان في عمري 12 سنة ولبستوا عن اقتناع ما كانش الي سيف عليا في الدار ولا برى ماما هي الي اقنعتني بيه لان منذ وانا صغيرة وهي تقولي بلي الحجاب فرض على كل مسلمة وتنصحني بكلامها
وهدا هو الشيء الي خلاني نديروا بقناعة وحجابي عبارة عن عبائة وخمار اكيد
 
السلام عليكم.ارتديته بعمر 15 سنة بقرار مني و قناعة تامة نتيجة المعاكسات و المضايقات اللي تعرضتلها يوم ارتديته كان الشباب لا يزالون يحترمون المتحجبة ليس مثل اليوم
 
السلام عليكم ورحمة الله تعالى وبركاته
شكرا على الموضوع
انا الحمد لله تربيت في حضن اسرة محافظة و في نفس الوقت عطيتلي كل الحرية
ارتديت الحجاب و عمري 11 سنة الحمد لله و لم احس ابدا بالندم لانها رغبتي ان البس الحجاب عند دخولي المتوسط .......في الحقيقة كنت متحفظة في الاول على مقاييسه لكن للاسف تأثرت قليلا بالموظة ليس الى اقصى حد ......و كنت في لحظاتها اتحسر لحالي لكن مستعصية ....بعد مرور 8 سنوات حدث تغيير ..... و بضبط من شهور الربيع 2009 وقعت لي صدمة مؤلمة ..عاطفية... نفسية... أحسست بفقدان كل شيء في الدنيا.... .....و انا بالليل و يكتب ربي ان اغير على قناة اسلامية و في لحظتها يقول المفتي : التوبة النصوحة و ذكر انه الواحد يجب ان يعزم الى الله و خاصة اذا ربي ابتلاه
لحظتها حسيت انه ربي ذكرني ......فمريت بنفسية مؤلمة لم اجد في محنتي الا ربي اللي وساني و خاصة انه تزامنت مع فترة الامتحان و الحمد لله اللي يدير قلبه في ربي عمرو و لا ينساه و سبحان الله جاتني مطويات عن الحجاب الشرعي و كنت بالصدفة من الله في نفس الوقت اللي فكرت فالموضوع حصة في برنابج ديني عن الحجاب الحقيقي الشرعي و لحظتها حسيت انها رسالات من ربي العلي العظيم فعاهدت نفسي اني اصنع شيء يرضى بيه ربي و ابدأ اغير في خطواتي الي طريق الهداية و عاهدت ربي اني بعد اجتياز الامتحان ارتدي الجلابة لاني تيقنت انه الحجاب الشرعي و درت ف بالي حاجة انو كلش يهون امام العلي العظيم ..........الحمد لله احترام من الناس مافيش معاكسات و لا كلام شارعي دنيء ....... و حاجة اخرى الحجاب باحترامي ليه خلاني ابتعد عن كثير من التصرفات اللي تنقص من قيمتي

و صدقيني اختي المتبرجة او شبه متحجبة والله والله والله احس اني ملكة و انا في حضن الحجاب المستور الحقيقي و اعلمي انه ربي العظيم فرضه علينا لتقديسنا فالمجتمع

و اسال الله لي و لاخواتي الهداية
 
ارتديته بقناعة من استاذي ثم من ابي في سن15
 
انا درت الحجاب كان في عمري 11 سنة ماخلاتنيش ماما نديرو خافت ندم ونحيه كنت صغيرة قاتلي كي تولي تعرفي قيمة الحجاب ديريه بصح انا درتو هاداك الوقت ومانحيتوش لليوم ​
 
انا الحقيقة مازال ما درتو
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom