وعلاه لي عاود الباك ماش من حقو يعاود ولا مش عبد

[* تسنيم *]

بسم الله الرحمن الرحيم

السلام عليكم اخواني اخواتي واش راكم تواحشتكم ان شاء الله تكونو عيدتوا مليح .....

و الله غبت ليمات عن اللمة وهذا دخلت زعما نقرا و كغير مادخلتش رحت انا و صحبتي ماعندي مانقول لكلام هنا ولهيه وحدة تقول هاذو عاودو مساكن وعلاه يعاودو طفرت فيهم
ونظرات تاعهم تحسي روحك جاية من مريخ ولا هدرت ماعهم مايردوش واش هذا والله تشوكيت :confused1:
وقالونا نديرولكم كلاسة سبيسيال خاطر القسم تاعي تقريبا كامل عاودنا ...ملا لكيت روحنا معى الجدد وش قالونا نتوما ماتقراوش معنا حنا ماش معاودين وكل واحد كيفاش يشوفك سبحان الله ياربي حتا اساتذة قالونا واش جابكم انا قلتلهم جيت نقرا ولا كيعاودت ماش من حقي ومبعد سقسيت استاذة قلتلها استاذة انت كي كنت تقرا ماعودتيش خلاص سكتت ولا قاتلي عودت بيام والباك قلتلها ملا خلاص وعلاه حلال عليكم وحرام علينا ...و الله لكان نبقى نحكي مانسكتش بصح بربي ان شاء الله قاعدة على قلبهم
رغم اني حكمت دموعي من المعاملة تاعهم ونشوفو شكون ينجح ..
و الله تقولولي وعلاه يديرو هكا ...

​

 

[Silent Hill]

:: . :ّ بسم الله ّّ: . ::
:ّ ما شاء الله ّّ:
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
و الله لا يضيع ...... المحسنين
انشاء الله استفدتوا
و ان شاء الله تنجحوا يا رب
زيري برك سنومه
مشكور على الطرح الهادف
جزاكي الله كل الخير
في رعاية الرحمان
‘ــــرمضًان كريمــــ’
ــــروحي غزةــــ
تحياتي و احترامي و تقديري
ـــــسلامــــــــــــ

و اسف على الازعاج و الله
تقبلـــــــــو ا خالص الحب
Silent Hill
‏ζشيم الروζ
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[moha073]

و الله يا اختي عندك الحق حتى انا صراتلي قريت 3 ايام و بطلت من الهدرة تاع الشيوخةmalgre كان عندي 18سنة برك يعني المرة الاولى درت libre و قريت فالمعهد و درك راني تقني سامي فالاعلام الالي وجبت الباك تاعي مكرة فيهم و منين نلقاهم نشفيهم مالا ماديري حتى على واحد و كملي قرايتك مكرة فيهم علا خاطراش و انا من جيهتي هدي كامل الغيرة و ربي يوفقك و ينجحك انشاء الله​

 

[[ايمآن]]

والله رب ييعاونك ما ديري عليهم ما والو خليهم النهار اللي يجربو يحسو
هذي حكاية المعاودين في قسم وحدهم صرات حتى عندنا انا ما عاودتش بصح اللي قراو معاي كي حطوهم مع اللي عندهم هذا عامهم الاول دارو احتجاجات باه يخرجو المعاودين وفعلا خرجوهم ودارولهم قسم وحدهم ما فهمتش علاه بصح الله يهدي
اتكلي على ربي وان شاء الله بربي تنجحي
​

 

[* تسنيم *]

:: . :ّ بسم الله ّّ: . ::
:ّ ما شاء الله ّّ:
ربـ،ـي لقد مسـ،ـ،ـني الضـ،ـ،ـر:closedeyes: فإرحمـ،ـ،ـني
خوفا قبـ،ـ،ـ،ـل ان يكون طمعا منـ،ـ،ـي
و الله لا يضيع ...... المحسنين
انشاء الله استفدتوا
و ان شاء الله تنجحوا يا رب
زيري برك سنومه
مشكور على الطرح الهادف
جزاكي الله كل الخير
في رعاية الرحمان
‘ــــرمضًان كريمــــ’
ــــروحي غزةــــ
تحياتي و احترامي و تقديري
ـــــسلامــــــــــــ

و اسف على الازعاج و الله
تقبلـــــــــو ا خالص الحب
silent hill
‏ζشيم الروζ
وراء كل امرأة رجل عظيم و ان لم تكن لكان أعظم
catch me if you c`an
الـمــм.ş.ήـــ3yit saber wallah ma 9additchـاسنجر​

سلام خويا حسام والله راني متحلفة وبربي ان شاء الله نجاح بصح الهدرة تاع العباد تقيس
مشكور على مرورك الذي نور صفحتي

 

[* تسنيم *]

و الله يا اختي عندك الحق حتى انا صراتلي قريت 3 ايام و بطلت من الهدرة تاع الشيوخةmalgre كان عندي 18سنة برك يعني المرة الاولى درت libre و قريت فالمعهد و درك راني تقني سامي فالاعلام الالي وجبت الباك تاعي مكرة فيهم و منين نلقاهم نشفيهم مالا ماديري حتى على واحد و كملي قرايتك مكرة فيهم علا خاطراش و انا من جيهتي هدي كامل الغيرة و ربي يوفقك و ينجحك انشاء الله​

بي يوفقك انت تاني خويا والله حنا مانخلصوش من الهدرة تاع الناس ..وان شاء اله كيما قلت مكرة فيهم نقرا
مشكور على كلامك الطيب

 

[* تسنيم *]

والله رب ييعاونك ما ديري عليهم ما والو خليهم النهار اللي يجربو يحسو
هذي حكاية المعاودين في قسم وحدهم صرات حتى عندنا انا ما عاودتش بصح اللي قراو معاي كي حطوهم مع اللي عندهم هذا عامهم الاول دارو احتجاجات باه يخرجو المعاودين وفعلا خرجوهم ودارولهم قسم وحدهم ما فهمتش علاه بصح الله يهدي
اتكلي على ربي وان شاء الله بربي تنجحي
​

ان شاء الله يا ختي يعون كل مسلم ومسلمة وحسبنا الله وهو نعم الوكيل
مشكورة على مرورك الرائع

 

[shahrazad]

لازم ختي تكون عندك ثقة في نفسك اكثر من هكا
مادام ماراكيش ديري فاحاجة لا عيب و لا حرام
مايهمكش حتا واحد
علابالي ناس هادو ياك مايرحموش
توكلي على ربي و نشالله مايخيبكش هاد المرة
رانا نسناو فيك فلافاند لاني باش تفرحينا معاك
ربي يوفقك ​

 

[* تسنيم *]

لازم ختي تكون عندك ثقة في نفسك اكثر من هكا
مادام ماراكيش ديري فاحاجة لا عيب و لا حرام
مايهمكش حتا واحد
علابالي ناس هادو ياك مايرحموش
توكلي على ربي و نشالله مايخيبكش هاد المرة
رانا نسناو فيك فلافاند لاني باش تفرحينا معاك
ربي يوفقك ​

عندك حق ختي بربي ان شاء كي ننجح ندلكم حفلة في منتدى اللمة ههههههه
مشكورة لكي مني اجمل تحية على كلامك الرائع

 

[الظل الطويل]

أولا نقلك زيري روحك مليح باه تنجحي
ثانيا الاستاد لي يعتبر المعيد مش تلميدد هدا مش استاد
الاعادة مش معنتها انك متعرفيش تقري
الواحد يدير لي عليه والباقي على ربي
و يقلك وعسى ان تكرهو شيئا و هو خير لكم

و لي يعكى يتكي كيما يقولو
اختي بونكوراج وان شاء الله جايباتو
المهم تفكري الgاطو بركــ هههه ـــــ
تحياتيــــــــــ...
​

 

[safa rym]

أختي واش نقلك ربي يعاونك و ماتديريش على كلامهم خليهم يهدرو لويكتى يحبو و كيما يقولو أفضل أنواع الانتقام هو النجاح...يعني أنجحي و بينيلهم بللي خير منهم...و ربي يعاونك ان شاء الله و كشما احتجت معاونة رانا هنا ان شاء الله نساعدوك بللي نقدرو عليه...خليك من هدرة العباد و الله ماتجيب ماتدي....ربي يوفقك اختي تنسيم​

 

[* تسنيم *]

أولا نقلك زيري روحك مليح باه تنجحي
ثانيا الاستاد لي يعتبر المعيد مش تلميدد هدا مش استاد
الاعادة مش معنتها انك متعرفيش تقري
الواحد يدير لي عليه والباقي على ربي
و يقلك وعسى ان تكرهو شيئا و هو خير لكم

و لي يعكى يتكي كيما يقولو
اختي بونكوراج وان شاء الله جايباتو
المهم تفكري الgاطو بركــ هههه ـــــ
تحياتيــــــــــ...
​

و الله يا خويا ماتتسورش قداه حابة نقرا والله راني لدرك ماعرف كيفاش ماديتوش مكتوب ربي وان شاء الله نجيبو وندلكم حفلة وقسمتك تاع الكاطو ماننسهاش ماش خسارة فيك خويا
مشكور على المرور الطيب

 

[Parfum floral]

اللي يقراو معاك خايفين اذا رايحين تشوشوا عليهم لانكم تعرفوا الدروس الكل بصح انتي لازم تبينيلهم بانك جاية تقراي صح و ماكيش حابة تزيدي تضيعي عام اخر
معليش البداية دايما صعيبة بصح رايحة تفوت انشاء الله و حاولي التاقلم برك و هوما رايحين يوالفوك من بعد . ما تبطليييييييييييييش و مااااااااااا تياسيش و نشاء الله تفرحينا هذا العام ​

 

[Iman89]

ختي هادو هوما الناس نورمالمو تقوي شخصيتك وماتسمعيلهمش على خاطر لي عاود الباك في رايي نورمال والله غالب هاد العام بزااف ماجبوهش جا شوية صعيب
ونتي حاولي ماتقيميش كلامهم بزااف الناس تاعنا هدارة وتموت على القيل والقال نتي برك اثبتيلهم بلي راكي قادرة نشالله تجيبيه هاد العام وديري في بالك بلي رضا الناس غاية لا تدرك
ربي يوفقك ختي

 

[* تسنيم *]

مشكورين اختي safa وradia و الله عندكم حق وان شاء الله نفرحكم وانا مستحيل نبطل قلتلكم نقعد على قلبهم

 

[** غزال الصحراء **]

و عليكم السلام

ايه و الله امام في ليسي تاعانا دارولهم هاكا ياو خرجوهم حتى من لاكلاس ! و الله لا عيب أنا

قاع صحابي و قاع نعرفهم و راهم يعانو من نفس المشكلة ما علاباليش هاذا العام فينومان و لا

وش ؟ من المفروض العكس يليق يشجعو الناس ماشي يديرو هاكا , و زيد بزيادة أنا عندي

صاحبي العام ليفات دا الباك بمعدل فور مالgري لي قبلو دا 7 !!!!!! يعني هذا باك و مرحلة في

لعمر ماشي يديروها نقطة نهاية , واش نقولك ربي يهديهم و ما ديري على حتى واحد راكي

بقدرك و كيما قلتي نشوفو شكون ينجح في الأخير و بتوفيق .
​

 

[H@teM]

صح عندك حق اختي في لي قولتيه
هدا يعطيك حافز باه ديري القلب وتوريلهم
وحاجة الاعادة مش عيب في الاعادة افادة
ممكن العام لي فات باه تجيبي معدل عيان
العام هدا تجيبيه بلفور ميدري الواحد واش
مخبيلوا ربي
المهم زيري روحك مليح ان شاء الله
يكون النجاح من نصيبك

 

[* تسنيم *]

و عليكم السلام

ايه و الله امام في ليسي تاعانا دارولهم هاكا ياو خرجوهم حتى من لاكلاس ! و الله لا عيب أنا

قاع صحابي و قاع نعرفهم و راهم يعانو من نفس المشكلة ما علاباليش هاذا العام فينومان و لا

وش ؟ من المفروض العكس يليق يشجعو الناس ماشي يديرو هاكا , و زيد بزيادة أنا عندي

صاحبي العام ليفات دا الباك بمعدل فور مالgري لي قبلو دا 7 !!!!!! يعني هذا باك و مرحلة في

لعمر ماشي يديروها نقطة نهاية , واش نقولك ربي يهديهم و ما ديري على حتى واحد راكي

بقدرك و كيما قلتي نشوفو شكون ينجح في الأخير و بتوفيق .
​

و الله صح ربي يهدي ماخلق
مشكور اخي وان شاء نجاح لطلاب كامل

 

[نجاة40]

معليش اختي اذا تبعتي هدرت الناس ماهمش راح يخليوكم اقراي وجيبي الباك ولي هدر عليك خليه مايزيدو ماينقصو فيك​

 

[rose14]

عادي أحتي علاه تعقدي في روحك أنا تاني عودة الباك من قبل واليوم راني في الجامعة مازالي عام ونخلص ...شوفي لعرب تاعنا هذوا هما دايما يحبوا ينعتوا روحهم خير عليك لكن أنت متحسيش بعقدة نقص متخليهمش يحسوا بلي راكي زعفانة وماشي لاقية روحك ديري ثيقة في روحك ونشاء الله هذا العام راكي ناجحة وحنا لي نديرولك حفلة في المنتدى