الله لا تربحكم برك هذا واش نحب نقولكم

[RaNiA]

السلام عليكم ورحمة الله وبركاته ​

واش راكم شويا ؟؟​

حبيت نحكيلكم على واش صرا في عنابة بالخميس
كي صبت النو ظهرو البهادل تاع الصح ​

الغش في البناء
الطرق ولاو مكسرين ومالي الطوموبيلات مساكن تطفرت فيهم ​

يضالو يطبولنا في الطرق كي يجي كاش شخصية مرموقة وهوما كلش مغشوش وكلش معوج ​

زعما باه كي يعديو الشخصيات يشوفو كلش معدول ومايشوفوش الحقيقة لي رهي صايرة ​

على العام وهوما يعاودو في الطرق وكون مقاري قدقد يعمروها بالتراب ولا الرمل ملتحت وفرات نعرف علاه ما يخدموش خدمة معدولة من الاول ​

ودركا زادو تلهاولنا بالطابليات جاتهم غير هذي الحاجة لي معوجة ونساو بلي كلش في بلادنا مغشوش ومعوج
قريب تولي حاجة ما تصلح اصلا الطرق والطروطوارات وحتا الباطيمات قريب يبنيو بني يريب في شهر​

شوفو الصور واعطيوني رايكم
ربي يهدي من خلق ان شاء الله ​

​

​

​

​

​

​

​

​

​

​

​

​

​

​

مالين الطووبيلات
تجيهم في الصبر ان شاء الله ​

اي حبيت نقول لجماعة الغش هذا
خافو شوي من ربي راكم رح تتحاسبو على وش تديرو في الدنيا تاعكم
على الاقل خليو حتى الناس يهدرو عليكم بالخير
اك بهدلتو بينا ربي يهديكم ان شاء الله
وتقولو علاه بلادنا ما تتقدمش ونتوما تعرفو تديرو غير العوج​

ايا تشاو ​

كملو الهدرة نتوما برك سينو مابقيتش نحبس ​

 

[Lonely Girl]

سلامة راسك حنونة
ايه الالجيري خدمتها كامل هكدا كلش سوفلي سوفلي طرق مخدومين بالهف يصبو زوج قطرات نتاع الما تتتكشف الحالة ويبان الغش تاع خدمة الخدع ايه حنونة معامن تهدري الله لا تربحهم برك
....
مشكورة عالموضوع الهادف
​

 

[flawer-girl]

كما قال شادلي "البلاد الي مافيهاش مشاكل ماهيش بلاد" نورمالمون هاذي راهي كلمة رئيس ومواطن واش يقول"........."
اذا نستنتج انه ........... مشكورة على موضوع

 

[Dr.CrAzY]

أنا حاير البولفار كانو قافلينو شهور ا وهوما يحطو في التياوات وكي صبت النو لقيناها حملة أكثر من بكري
ههههه والله ياشابي تعمر بالغرgة فالما سكوت كيف كيف
وسيبا لابان نهدر على السونتر فيل ولي زالمون
بلا ماننسى بوحمرة الناس خرجو قفلو الطريق والحل الوحيد خرجولهم لي كاسك بلو ووقعت فيهم
الوالي على حسب ماسمعت قاللهم راح نحاسب أصحاب المشاريع الكل....
فاقو كرهت منها الهدرة يعديو هاد ليامات برك وكي شغل شي ماصار
​

 

[merieme hassi]

السلام عليكم
لا تعليق!!!!!! يعجز اللسان علي النطق
لا حول و لا قوة الا بالله
حسبي الله و نعم الوكيل في المسؤؤلين​

 

[mir@cle]

بلاد البريكولاج !!!!!

 

[RaNiA]

سلامة راسك حنونة

ايه الالجيري خدمتها كامل هكدا كلش سوفلي سوفلي طرق مخدومين بالهف يصبو زوج قطرات نتاع الما تتتكشف الحالة ويبان الغش تاع خدمة الخدع ايه حنونة معامن تهدري الله لا تربحهم برك
....
مشكورة عالموضوع الهادف​

العفو مريومة
ايه راكي تشوفي
خلاو لعوج وحدوخرج يستاهلو كيما بوش ضربة بالصبا للوج كيما يقول لطفي​

 

[RaNiA]

كما قال شادلي "البلاد الي مافيهاش مشاكل ماهيش بلاد" نورمالمون هاذي راهي كلمة رئيس ومواطن واش يقول"........."
اذا نستنتج انه ........... مشكورة على موضوع

عفوا
جاب ربي جات النو وظهرو الخدعات
الخدع مداير حالة
ربي يهديهم برك​

 

[RaNiA]

أنا حاير البولفار كانو قافلينو شهور ا وهوما يحطو في التياوات وكي صبت النو لقيناها حملة أكثر من بكري

ههههه والله ياشابي تعمر بالغرgة فالما سكوت كيف كيف
وسيبا لابان نهدر على السونتر فيل ولي زالمون
بلا ماننسى بوحمرة الناس خرجو قفلو الطريق والحل الوحيد خرجولهم لي كاسك بلو ووقعت فيهم
الوالي على حسب ماسمعت قاللهم راح نحاسب أصحاب المشاريع الكل....
فاقو كرهت منها الهدرة يعديو هاد ليامات برك وكي شغل شي ماصار​

الشبي ما كان لاه تحكي عليه
على خاطر الباطيمات هذوك ليبناوهم قدامهم واحد الغروقات ما تتشافش لي شرا دار لتم رح يندم
ان شاء الله المظاهرات تجيب نتائج
ان شاء الله يتحاسب اصحاب المشاريع هذي وما بقاتش تتعاود مش تبقا الحالة هكا طول حياتنا​

دركا انا غاضوني لي تكسرو الطوموبيلات اعهم نعرف يعوضوهالهم ولا تطفرت فيهم وكلاهم بوبي

 

[k@wther]

ربي يكون فالعون
ربي معاهم
و
ربي انشاء الله يهدها فوق رؤوس الغشاشين​

 

[RaNiA]

السلام عليكم

لا تعليق!!!!!! يعجز اللسان علي النطق
لا حول و لا قوة الا بالله

حسبي الله و نعم الوكيل في المسؤؤلين​

لاحول ولا قوة الا بالله العلي العظيم
ربي يهديهم ان شاء الله
شكرا على الرد نورت الموضوع​

 

[RaNiA]

بلاد البريكولاج !!!!!​

عندك حق رانا في بلاد البريكولاج
بلاد ميكي
شكرا على الرد نورت الموضوع

 

[asma2090]

ولله لا تشوكيت نتاع الصح حسبي الله ونعم الوكيل ​

 

[RaNiA]

ربي يكون فالعون

ربي معاهم
و

ربي انشاء الله يهدها فوق رؤوس الغشاشين​

ربي يكون في العون ان شاء الله
غاضوني الناس تاع الصح

نورت الموضوع بطلتك الحلوة​

 

[H@teM]

هادي هيا حال لبلاد اوبارتوا اختي في كل بلاصة
رانا نشوفوا فيها الغش تاع المقاولين
ربي يهدي
​

 

[..الفراشة..]

كما قال وحد الفنان كان يعجبني وحد المقطع في احدى اغانيه

قالك" حبة ديال التين كي تشوفها من برى تبانلك شابة و متحوفة وكي تروحي تحليها تلقايها مدودة و مخسرة "

هكا المثل يطابق لحكاية

هدي هي بلادنا للاسف​

 

[RaNiA]

ولله لا تشوكيت نتاع الصح حسبي الله ونعم الوكيل ​

مش غير تتشوكاي
ربي يجيهم في الصبر ا ن شاء الله

شكرا على الرد نورتينا​

 

[صريحة]

واش راح نقولك اختي ماشي ربي يهديهم ربي ينحيهم .........
​

 

[RaNiA]

هادي هيا حال لبلاد اوبارتوا اختي في كل بلاصة

رانا نشوفوا فيها الغش تاع المقاولين
ربي يهدي ​

ربي يهديهم
الغش في كل بلاصة كثرو الخداعين المنافقين

شكرا عل الرد​

 

[RaNiA]

كما قال وحد الفنان كان يعجبني وحد المقطع في احدى اغانيه​

قالك" حبة ديال التين كي تشوفها من برى تبانلك شابة و متحوفة وكي تروحي تحليها تلقايها مدودة و مخسرة "​

هكا المثل يطابق لحكاية​

هدي هي بلادنا للاسف​

شكرا على الرد
ان شاء الله تتعدل حال لبلاد
مدابينا نعيشو احسن عيشة مش يتساولو الناس كيما هكا بعد​