السلام عليكم ورحمة الله
بالدارجة :
و الله يا اخواني لقد ترددت قبل كتابة الموضوع لاني خائف و راني على بالي كاين ناس
يقلك واش راهو يهدر واش بيه يسمطلنا في القصرة .........
بصح والله جياحة الشي الي وصلنالوا و سامحونا على الدارجة غير هي الي نقدر نعبر
بيها كي يغيضني الحال
كي نخرج الصباح و نشوف الشعب يجري جري و راء الدنيا و كثروا غير دعاوي الشر
وماكانش ذرك الي راهو يعبد في ربي وماشي في الطريق المستقيم مني انا وروح
الي يسرق يسرق والي يتكيف الكيف والي يكذب والي يدير النميمة
والي يشوف في القنوات لعرى والفسق و الي قاعد يخزر في الطالعة والهابطة
و الرشوة والمعارف و الله الانسان و خاصة العربي راهو يعبد في طريقو للنار بيديه
علاش علينا هاكذا ويكتاش راح نفيقوا ولا كيما يدير البعض ربي يهيدهم كي تنصحوا
يقلك نكبر و نتوب ......... يعلم الغيب الله يبارك و ماهوش على بالو المسكين
اذا كان على المسؤولين حدث ولا حرج واذا كان على الشعب فسخ عقلية الغرب
و دس عقلية الاسلام .......... كيفاش نسناو في النصر واحنا اصلا نغضبوا في ربي
كيفاش ندعوا لفلسطين و نتمناو الجهاد واحنا ماناش قادرين على انفسنا
يا اخي حارب نفسك وجاهدها ومباعد روح لاعداء الاسلام
و نحبس هنا خير ما ندخل في الشي لغامق ونزيد نفتح الجرح
اعلى بالي المساج وصل ونزيد نقلهالكم مباشرة
فقط راهي كاينة الموت ....... . اتفكروا شويا الحاجة هاذي
