قولي لوكان جيت في مكاني واش ادير

[driso]

:cursing:يا خاوتي راني اموخض طاح زهري في واحد المخلوقة ما تعرف طيب ما تعرف تغسل ما تعرف تخيط او زيد بهاذا انسيبتي اتقولى جيبلها فام 2ميناج اي شغالة ياخاوتي باسيت دبرو علي كيندير:scared:

 

[RaNiA]

ههههه نورمال المرأة تاع آآخر الزمان

 

[Dr.CrAzY]

ههههههههههه كون درتيلها تاست قبل ماتتزوج

​

 

[driso]

يا ولدي قبل ماانديروالدار قتلتني غير بلوعد و اليوم ما شفنا والو

 

[H@teM]

تستاهل هداك ماليك شفت الزين ونسيت العقلية وخدمة الدار والرباية
هههههههههه
نورمال معندك حتى حل غير تجيبلها وش طلبت نسيبتك تخاف بنتها تتكسرلها ضوافرها
​

 

[حفيد هواري بومدين]

ياو باش مرا تدخل لداري ان شاء الله
لازم نديرلها ستاج عند عمي الحواس

​

 

[driso]

يا ولدى انا امخلصها غاليا او مانيش حابها تتعب كيما قالو ليايحب ازين يصبر لعذابو

 

[Dr.CrAzY]

وععععععع مليحة هادي تع مخلصها

أه من الزين الغالي
واش دارلي
في بالي
أه كرشي دخلهالي
أه من الزين الغالي
يالي يالي

​

 

[bent bladha]

شغاله مهبووووول بلاك تغلط خليها تروح تتعلم عند يماها و ادا مكاش كاين الي تستاهل كل صبع بصنعه و زين تباريك الله و الحطة والكلام لحلو .

 

[حفيد هواري بومدين]

حاب نسقسيك لاه تزوجتيها وانت ماتعرف عليها والو؟؟؟
ماسقسيتيش؟؟؟
ولا انت من جماعة لي يشريو الحوت في الما؟؟؟؟
​

 

[SaMi_o7]

حاب تتهنى بلا ماتغلط في حقها

إستعمل أبغض الحلال عند الله

ربي يوفقك و يهنيك
​

 

[driso]

يا خاوتي الحكاية اطويله واش انقوللكم درت اعلي راي انسيبتي او باسيت !!!!

 

[driso]

يا مول الكوستيم هذي عشرة 12 سنة هي راه تصغار وان وليت ?

 

[حفيد هواري بومدين]

عشرة 12سنة ماتعرفهاش تعرف طيب ولالا؟؟؟
​

يا مول الكوستيم هذي عشرة 12 سنة هي راه تصغار وان وليت ?

 

[bent bladha]

يا خاوتي الحكاية اطويله واش انقوللكم درت اعلي راي انسيبتي او باسيت !!!!

الله يهديك نسيبتك الي هي يماها حاجة باينة تحب مصلحة بنتها 12 سنة زواج و هذا وين انتبهت بووووووووووووه وين كنت يا رجل

 

[driso]

يا مول الكوستيم راهي قتلتني غير باعجاجن ما تحب لا لحم ولا حوت كيما قالو فجيتاريان

 

[حفيد هواري بومدين]

يتسما تعرف طيب يا خويا
الماكلة راهي عجاجن كيما تقول انت
الحوت واللحم سقايط برك
​

يا مول الكوستيم راهي قتلتني غير باعجاجن ما تحب لا لحم ولا حوت كيما قالو فجيتاريان

 

[لوليا]

شوف خويا تحب الصح.....بصح ما تزعفش....
انت تزوجتها باش تطيب و تغسل....في الحقيقة العرسان تاع دروك راهم يتزوجو باش يعيشو حياتهم
و لا نتا حبيت لي تغسلك مالا كون مشينة تاع غسيل ماشي مرا....
اخي هذا رايي .....تقبل مروري.....
.....لوليا اخت الكل.....

 

[bent bladha]

ياخو راهي طيبلك ماشي حاط رجل على رجل و قاعدة شوف ندبر عليك اشريلها كتوبات تع طياب و اقديلها و خليها تكسر راسها

 

[driso]

ياو كيما قالوها ناس الولين ليضرباتو يدو ما ايقول اح