{ فانكحوا ما طاب لكم من النساء مثنى وثُلاث ورُباع }

[korbali]

السلام عليكم ورحمة الله وبركاته

...


قال تعالى
{ فانكحوا ما طاب لكم من النساء مثنى وثُلاث ورُباع }
حبيت أطرح هذا الموضوع باه نشوف رايكم..

صح إن الشرع حلل ربعة بصح كاين لي .........؟

إذا أبوك قرر الزواج على الوالده وعرضك باه تحضر لعرسو واش دير ؟


الاب : أمرك باه تحضر لعرسو ؟

الام: ترجاتك باه ماتروحش ؟

راني نستنا في ردودكم
:scared::scared:
:crying::crying:

​

 

[كلي امال]

مانروووووووووووحش ​

 

[ACHWAK2002]

نروح
الوالدة هي تاني تروح
و اذا مارحتش حاجة ما هي راح تتغير

 

[ملاكي]

نروح الموضوع بين بابا و ماما مع انو مانظنش بلي رح يصرا

 

[korbali]

شكرا على الصراحة​

 

[الضبية البيضاء]

مازال ماشفتش أب عرض وليدو لعرسوا
وزيد الرجال كامل يقولوا بلي الشرع حلل أربعة أحفظو قاع الأية ماشي غير النص اللي يخرج عليكم
وزيد نقولك بلي ماكاش واحد يقدر يعدل بين زوج وينك يا ربعة خاصة مع الإغراءات تاع الدنيا درك في الوقت الحالي
تدربو روحكم في روحكم ما تعدلوش

 

[shahrazad]

ادا تزوج لمجرد الزواج بدون سبب
يعني بدل يما
مستحييييييييييييل نروح ...علاه نرووح !!!
لكم هادا ميعنيش اني راح نقاطعو
لالالالالا ابدااا يبقى بابا على عيني و راسي
بارك الله فيك ​

 

[الضبية البيضاء]

رجع على التعليق اللي بعتوا من فضلك

 

[titou_le_roi2009]

الله غالب ...........................نحب بلادي

ههههه نروح ونشبع رقيص في عرسه والتبراح غير بال 1000.00 في خاطر مولاي السلطان هو و عروسته :biggrin:
هههههههه راني غير نتمسخر :glare:
الصراحة راحة مانروحش يا لوكان بالدراع :angry: نروح لعرسه وهو متزوج على الوالدة نتاعي لي ربتني ولي علمتني وكبرتني وصبرت معاه على المرة والحلوة :sad:
حاجة باينة مانروحش ونحرق قلبها :crying:
وعلاقتي معاه تبقى كيما هي نورماااال
و الله لا يوصلني لهاد المشاكل ان شاء الله

 

[asmaa_h]

صح الله احل ب4 نساء بصح مشي لما ما يكونش عندو الدراهم يخلي وحدة تتميزر معاه و لما يتفحشش يقلها نزيد وحدة و ينسى المرة اللولة
اما فيما يخص سؤالك اكيد منروحش للعرش سواء امرني ولا امرنيش

 

[نجاة40]

بيان سير مانروحش ونكرهلها حياتها لي داتو حتى تطلق منو ختراه لي رضات تخرب عايلة بلا سبة واش نديرفيها كامل قليل الصراحة راحة​

 

[قمر الاسلام]

انا منروحش وكون نروح نديرلوا لتما كاش تبهديلة
انا عاقلة بصح الي يقربلي للحدود تاعي خلات عليه

 

[lamilam88]

نندب عليه و عليها بابا يبقى بابا
بصح لالة ماتشوفني مانشوفها

 

[korbali]

مازال ماشفتش أب عرض وليدو لعرسوا
وزيد الرجال كامل يقولوا بلي الشرع حلل أربعة أحفظو قاع الأية ماشي غير النص اللي يخرج عليكم
وزيد نقولك بلي ماكاش واحد يقدر يعدل بين زوج وينك يا ربعة خاصة مع الإغراءات تاع الدنيا درك في الوقت الحالي
تدربو روحكم في روحكم ما تعدلوش

في هذي عندك الحق واحد مايقدر يعدل
بصح انا صاحبي باباه عرضو للعرس بالذراع وراح
علاهذا درت الموضوع
شكرا على الرد تاعك​

 

[korbali]

ادا تزوج لمجرد الزواج بدون سبب

يعني بدل يما
مستحييييييييييييل نروح ...علاه نرووح !!!
لكم هادا ميعنيش اني راح نقاطعو
لالالالالا ابدااا يبقى بابا على عيني و راسي

بارك الله فيك ​

بارك الله فيك قرار حكيم ​

 

[korbali]

بارك الله فيكم​

 

[korbali]

بارك الله فيكم​

 

[Manar19]

نقولو سمحلي ابابا كلش كلش الا هدي ... منرووووحش وندير لبوسيبل باه هو تاني ميروحش ههههههه ...علاه علاه تفايلونا بحاجة كما هدي... شكراا على لموضوع

 

[سلمى رويبة]

منروحش بيانسور

 

[korbali]

بارك الله فيكم​