سلطة مشوية من تحضري

[faroudjase]

السلام عليكم.اليوم حضرت لكم سلطة مشوية و هى لذيذة جدا اتمنى ان تنال اعجابكم.
المقادير-حبتان من الباذنجان-حبتان من الفلفل الاخضر الحلو-حبتان من الطماطم(البندورة)-فصوص ثوم-ملح-زيت زيتون.
للتزيين-معدنوس(بقدونس).
طريقة التحضير-نغسل الخضر جيدا ثم نشويها ونضعها فى كيس بلاستكى لتسهيل عملية ازالة القشرة.نقوم بعد ذلك بتقشريها ونهرسها بواسطة فرشاة نضيف الملح وزيت زيتون وزينها في طبقبالطريقة التى تعجبكم.بالهناء و الشفاء.

 

[mouradka]

السلام عليكم، جزاك الله خيرا يا أختاه وننتظر المزيد

 

[faroudjase]

فيك بركة.شكرا على الرد.

 

[MIMICHA1977]

 

[faroudjase]

نورتي الموضوع اختي mimicha 1977.واسعدني مرورك الحلو.تقبلي تحياتي.

 

[High hopes]

ya3tik assah a wetema, techebah bezzaf beli nessimiweh hennaya, lahmis, mechehour jidan 3end les kabyles, nedirouh binaffes tarikat ettahedir bessah barek belfelfel et la tomate, kaynine elli izidou lou ethoum, ma3labaliche idha kouneti te3arfiha wella la

 

[faroudjase]

السلام عليكم.انعم اوتما.حنا نديروها ونحبوها بزاف خاصةب اغروم اقورانpain kabyle.وقاع لكلوها عندنا وما يعرفوهاش عجبتهم لحميس.

 

[High hopes]

السلام عليكم.انعم اوتما.حنا نديروها ونحبوها بزاف خاصةب اغروم اقورانpain kabyle.وقاع لكلوها عندنا وما يعرفوهاش عجبتهم لحميس.

wetma faroudjase matekouliliche belli rakoum tegoulou aghroum akourane,:scared: 3ela balak fi bejaia kamel ikoulou aghroum oubien aghroum outajine, ghir henaya sekkane Tazmalt lli ikoulou :biggrin:aghroum akouran, matkouliliche neti d'origine men tazamlt.......

 

[faroudjase]

السلام عليكم.احنا نقولو اغروم اقوران نغ اغروم لقبايل.انا من مواليد تيزي وزو.ولكن اعرف بجاية جيدا كما اعرف تازمالت لانني قريت في بجاية.

 

[High hopes]

kheyar nnass nass tizi 3refet pas mal de gens de tizi ouzou f la fac , imala keriti fi bejaia, ta3ni la fac?? ana thani krit f la fac de béjaia,wakila krina la meme spécialité meme hahahaha

 

[High hopes]

wetma faroudjase, wakila kherjenna bezzaf 3la mawdhou3 ettabekh eloukhet Hakik matouwelche t sanctionner na fi zoudj, hahahahaha,

 

[faroudjase]

نعم في الجامعة عبد الرحمان ميرة.بصاح التخصص ماعلابليش ولا كيف كيف واش قريتى واقيلا anglais انا فرنسية.

 

[High hopes]

sbah elkheir awetma, ouiiiii ana krit anglais, imala les kounna netel3ou ou nehabtou les meme escalier bache nrouhou au département

 

[chamousa]

الله يعطيك صحيحتك اختي مشكووووووووووووووووووورة

 

[faroudjase]

العفو اختى شموسة.نورتي الموضوع.

 

[ندى الورود]

شكرا أختي على الطبق الشهي
يعطيكي الصحة
وأنا من محبي هذا الطبق
وأكيد هو لذيذ لأنه من إديكي

 

[faroudjase]

الله يخليك يا ندى الورود. انت فعلا رائعة وشكرا على ردك الطيب والصورة المرفقة.

 

[lina11]

مشكورة حبيبتي فروجاس على الطبق
بصح حنا نديروه ومانزيدولوش الباذنجال
نقليو ولا نشويو الفلفل ونقشروه ونقطعوه طراف صغار من بعد نرحيو الطماطم نزيدو لها شوية زيت نقليوها ونزيدو لها شوية ثوم تعطي نكهة رائعة من بعد نظيفو لها من الفوق الفلفل ألي حضرناه قبل ونخليوه شويا يتقلاو مع بعض من بعد ناكلوه خخخخخخخ بنين بزاف بالخبز الطاجين ياسلام ولا المطلوع المذاق تاعهم ماعندي مانقول

 

[faroudjase]

شكرا لك اختي لينا على ردك والوصفة الي قولتيها حنا تاني نديروها بصح هذه الوصفة سلطة مشوية هي وصفة اخرى معروفة في تونس وفي المشرق يسموها بابا غنوج.

 

[lina11]

شكرا لك اختي لينا على ردك والوصفة الي قولتيها حنا تاني نديروها بصح هذه الوصفة سلطة مشوية هي وصفة اخرى معروفة في تونس وفي المشرق يسموها بابا غنوج.

سمعت بيها من قبل وكاين ناس هنا في قسنطينة ثاني يدروها كيما قلتي بصح يزيدو لها زرودية