شحال من ساعة تقعد مع لمكرو؟ وشحال تقعد مع عايلتك؟

[Manar19]

ملاحظتوش بللي لانترنات ياخد من قوتنا بزاف؟, وبللي خلانا ننعزلو على المجتمع للي برا وعلى عايلتنا؟, شحال من ساعة فاليوم تريح قدام لمكرو وشحال تقعد مع عايلتك؟, متحسش بللي بعدت على اجواء الدار شوية؟

 

[SaMi_o7]

في كل 100 ساعة عندي 2 ساعات مع الميكرو

في كل 100 ساعة عندي 33 ساعة نوم

في كل 100 ساعة عندي 50 ساعة خدمة

في كل 100 ساعة عندي 10 ساعات تنزه معاها تقلاش هههه

في كل 100 ساعة عندي 5 ساعات تخمام مع قهوة برااس ههه


و شكراا
​

 

[ملكة الكبرياء]

كل مر كيفاه علي حسا ب واش راني ندير

 

[emy39]

عندك الحق على هذا لازم كل واحد يخصص وقت معين للجلوس امام الكمبيوتر اولا هو ميعودش مدمن ثانيا يعيش حياتو الطبيعية مع اهلو اللي من حقهم عليه يقعدو معاه

 

[Rosa2]

من جيهتي مانبقاش بزاف قدام لميكرو...نبقى وحدh 2
بصح مع اللمة الجزائرية مايكفونيش ...

 

[nina bonoise]

هههههههه
انا نقعد نهار كامل اذا مقريتش
مي راني بديت انقص في القعدة تاعي شوية
وليت نقعد ساعة ساعتين برك​

 

[ايمان 02]

يا ختي ما نقعدش بزاف قدام الميكرو على الاكثر ساعتين اكثر الوقت مع اهلي

 

[شهرة]

يعطيك الصحة هادا موضوع لازملو نقاش ....أنا وحدة من الناس منحبش نقعد قدامو خلاص غير كيما تكون عندي قرايا و كيما تكون عطلة نقعد ساعتين في النهار برك

 

[zagane]

ملاحظتوش بللي لانترنات ياخد من قوتنا بزاف؟, وبللي خلانا ننعزلو على المجتمع للي برا وعلى عايلتنا؟, شحال من ساعة فاليوم تريح قدام لمكرو وشحال تقعد مع عايلتك؟, متحسش بللي بعدت على اجواء الدار شوية؟

السلام عليكم
كين لي يقعد25 ساعة في اليوم