يا بنات فوقو بركو من الاحلام الوردية................

[fahima m]

السلام عليكم ورحمة الله وبركاته
اخواتي الحبيبات ​

خليكم من الاحلام الوردية والوعود الزائفة التي يعدونكم بها
الشباب والحب قبل الزواج وغيرة ........ياو فوقو الحب بعد الزواج هو الصح الي يحبك صح يروح طول يخطبك مش يمرمدك برا قدام الغاشي وطيحلك كرامتك
اعرفي ديما قيمتك قيمي روحك يقيموك رانا كامل نحوسو على الحب بصح مش كامل تصلحنا التجربة
علابالي دك تقولو كاين الحب قبل الزواج ......وانا نقلك ايه
بصح بعد واش .......لازم تخسري حاجة في حياتك
ونزيد نقول

الي يحبك يروح طول يخطبك من اهلك وبركاو من التمسخير راكم
شوهتو الحب والمشاعر الصادقة
راهم غير يلعبو بيكم

طبعا مش البنات كامل كاين المتربيات والفايقات والي يعرفو قيمة رواحهم وفاهمين انو الحب مش غير اذا اتخذت حبيب
الحب ممكن يكون بغير طريقة ويكون عن طريق الحلال

اريد ان اسمع رايكم يا البنات في هذا الموضوع

​

 

[نسمة حب]

هذا الكلام شجعني باه نسقسي كل الشباب
علاه راكم دايرين المرا لعبة وتمسخيرة
وكامل راكم فاهمين مقصودي

 

[نذير1]

هذا الكلام شجعني باه نسقسي كل الشباب
علاه راكم دايرين المرا لعبة وتمسخيرة
وكامل راكم فاهمين مقصودي

انت شكون قالك رانا دايرين المرأة لعبة راكي غالطة
ليس كل الشباب رإأيهم هكذا

 

[khaled_kk87]

هذا الكلام شجعني باه نسقسي كل الشباب
علاه راكم دايرين المرا لعبة وتمسخيرة
وكامل راكم فاهمين مقصودي

وشكون لي قالك احنا لي نتمسخرو

والله العظيم شايف بعيني تعكست البنات هوما لي راهم يتمسخرو ويكذبوا

 

[نذير1]

وشكون لي قالك احنا لي نتمسخرو

والله العظيم شايف بعيني تعكست البنات هوما لي راهم يتمسخرو ويكذبوا

عندك الحق في هذي ماكش غالط فيها

 

[نسمة حب]

يا خوتي صح صباعتين يديك ماشي كيفكيف
كاين بنات ربي يهديهم
وكاين رجال كيفهم
بصح علاه سؤال يطرح نفسو؟؟؟؟؟؟؟؟؟؟؟؟؟؟؟؟؟

 

[khaled_kk87]

يا خوتي صح صباعتين يديك ماشي كيفكيف
كاين بنات ربي يهديهم
وكاين رجال كيفهم
بصح علاه سؤال يطرح نفسو؟؟؟؟؟؟؟؟؟؟؟؟؟؟؟؟؟

علاه نقولك كاينين بنات عارفين بلي مثلا هذاك لانسان يتمسخر مي تخرج معاه

رغم انك انت تقوللها راهو خطر عليك مي متدنقش للهدرة

وفي هاذي هي لي تطفر فيها

 

[نسمة حب]

عندك الحق خويا
ربي يسطرنا كامل شباب وبنات​

 

[fahima m]

الرجالة كامل خاصة نتاع جزاير ماهم نتاع حب ماوالو ما يعرفو يعبرو
يعرفو الامراة غير للاغراض الشخصية وكامل يخمو هكدا
وانتوما تشوفو غير في الطفلة الي مش مليحة ومن خلالها تحكمو على البنات كامل وهذا تفكير خاطئ
كاين وتقريبا اغلب البنات بنات فامي ونتم تعجبون غير بلغير متربية وكي تخدعكم وتتمسخر بيكم تقولو تبريركم الساذج البنات كامل نتاع تمسخير
ياو راكم انتم الرجالة نتاع تمسخير واكبر دليل علاه كي تعجبكم طفلة ما تخطبوهاش طول من اهلها
علابالي ذك تقولولي نعرف عقليتها
ياو ربي علاه دار مرحلة الخطبة
ياو ربي مش يتمسخر

 

[Manar19]

انا والحمد لله مليش فالحب كما يقولو سيبوغسا واحد مايقدر يلعبلي بعقلي وجامي بادن الله نخللي سمعتي تتوسخ وكرامتي تتقاس تحت شعار الحب وكي يتقدم ليا واحد ويبانلي بللي يساعدني ويقدر يعيشني وسمعتو مليحة نقولو يجي من الباب والا محبش بالناقص وكما يكتبلي ربي نعيش, والله غالب كاين بنات يضعفو وحساسات ويامنو وانا منلومهمش وللي يتمسخر بوحدة تجي للي تتمسخر بيه وتقيسلو الرجولة تاعو ويستهل

 

[fahima m]

انا والحمد لله مليش فالحب كما يقولو سيبوغسا واحد مايقدر يلعبلي بعقلي وجامي بادن الله نخللي سمعتي تتوسخ وكرامتي تتقاس تحت شعار الحب وكي يتقدم ليا واحد ويبانلي بللي يساعدني ويقدر يعيشني وسمعتو مليحة نقولو يجي من الباب والا محبش بالناقص وكما يكتبلي ربي نعيش, والله غالب كاين بنات يضعفو وحساسات ويامنو وانا منلومهمش وللي يتمسخر بوحدة تجي للي تتمسخر بيه وتقيسلو الرجولة تاعو ويستهل

هدي الهدرة نتاع الصح وانا راني معاك

 

[nina bonoise]

انا والحمد لله مليش فالحب كما يقولو سيبوغسا واحد مايقدر يلعبلي بعقلي وجامي بادن الله نخللي سمعتي تتوسخ وكرامتي تتقاس تحت شعار الحب وكي يتقدم ليا واحد ويبانلي بللي يساعدني ويقدر يعيشني وسمعتو مليحة نقولو يجي من الباب والا محبش بالناقص وكما يكتبلي ربي نعيش, والله غالب كاين بنات يضعفو وحساسات ويامنو وانا منلومهمش وللي يتمسخر بوحدة تجي للي تتمسخر بيه وتقيسلو الرجولة تاعو ويستهل

الله يبارك هذي هدرة ول خلي يا منار
راني معاك في كلش

 

[N@riM@N]

ماعندي مانزيد بعد كلاام
منار راها كفات وافاااااااة​

 

[نسومة]

لازم البنت هي اللي دير قدر لروحها و ماتخلي حتى واحد يوصلها و كيما يقولو "الحرمة ما تنشراش"
لازم الوحدة متخلي حتى وحد يتمسخر عليه و يقولها نحبك لأنو هادي كامل خرافات اللي يحبك يجي يخطبك
مررررررررسي على الموضوع ​

 

[berbere d'aures]

مشكورة على الموضوع الهادف

اختي يعطيك الف .. مليون .. ترليون صحة على هذا الموضوع و على هذا الطرح الهادف
بزاف خواتاتنا راهم غارقين في بحور الحب و الاحلام الرومنسية الوردية بالصح لواقع حاجة اخرى خلاااااااااااااااااااص .. يغرقها بكلامو المعسول امبعد بالاغلب راح يخليها و يشوف لغيرها مام ادا اخد منها حواايج كبار بزاف بالصح مايستعرفش ، يقولك اللي خبات على اماليها و خالفت امر ربي ادا اديتها راح يجي الوقت اللي تخبي عليا و تخونني كيما خانت ثقة الناس فيها قبل
و بالطبع ماشي الولاد كامل ، صح كاين اللي كي يحبو يروحو يخطبو directement بالصح حاجة قليلة .
و تاني اخواني الشباب اسمحولي نقلكم علاش راكم تديرو هاكدا في بنات الناس malgré ادا غلط واحد على وحدة من خواتاتكم تقلبو عليه الدنيا .. ربي يهديكم رانا كامل خاوة و كامل يجمعنا الدين الإسلامي
شكرا مجددا على طرح الموضوع اختاه ... تحياتي

 

[ملاك الليل]

كما تدين تدان

 

[odyssée]

يعطيك الصحة اختي كلام 100/100 صحيح ربي سبحانو لاه دار الخطبة هي فترة يتعرفو بيها علاى بعضاهم خير من هذا التمسخير الي مايدي لحتى طريق والخاسر الوحيد هو البنت

 

[CHAGRA2007]

ربي يهدي ماخلق برك...
​

 

[BeSt GlAdiAtOr]

هدا وين هدرتو الحق يا لبنات

 

[hayderr]

fahima بشوية برك
راني نشوف فيك كللي موشوكيا ؟
البنات ما همش الكل نتع تمسخير كيما لولاد مهمش اكل نتع تمسخير
بصح كاين وكاين ؟
كاين بنات الله يهديهم ويهدينا هي تشري لنفسها المحنة والعذاب
تلبس مليح وتحط الحطة وتثير الفتنة باسم التحضر وهم بعاد عنه
اسالي اذا حبيتي جامعاتنا وثانوياتنا ومتوسطاتنا وشوفي حال البنت فيها
انا لا اعمم حتى لا اظلم الجميع
فيها بنت الاصل والمنبت الطيب بصح عادت ما تبانش معاهم
الكل جرفه تيار التمدرن والعصرنة باسم الحرية
للاسف الكثير يضعن خمار ولكن ما تحت الخمار لا يمت له بصلة
هل الحجاب الشرعي اصبح عائق للبنت والله ارى العكس
ربنا سبحانه امر البنت بالتحجب عن الاجنبي وان هي ارادت ان تخرج من بيتها تضع حجابها الحامي لها من كل العيون الخائنة بشرط ان تكون غير سافرة ولا مجاهرة بالسوء
كثير من البنات يخرجن و ريحة العطر تشم من كذا متر وهذا الامر منهي عنه شرعا لانه
يثير الغرائز المكبوتة لدى الشاب
يعني انا لا ادافع عن الشباب لان هناك منهم للاسف من يحب اكل اللحم النتن اليوم ويوم القيامة اسال الله الهداية للجميع ويعطي لنفسه المبررات ونسى ان الله ابتلى سيدنا يوسف عليه السلام واختبره وكان عبدا مامورا وكانت التي ارادت غوايته سيدته في القصر فصبر وتمسك بحبل الله فكيف لهم وهم اقل ابتلاء منه .
ان شبابنا (بنات وبنين )امامه كم هائل من الفتن ( النت ، التلفزيون ، مظاهر عدم الاحتشام في الشوارع ) وامامه ضعف الوازع الديني والابتعاد عن الاخلاق الحميدة وتخلي الاسرة عن تربية اولادها تربية صالحة ماذا تعتقدين ان تكون النتيجة ؟
هل سنرى مجمتع ينعم بالاخلاق الحميدة ام العكس ؟
واضح الجواب نسال الله العافية
اما فكرة موضوعك فاحييك عليها وهي دعوتك الى بنات جنسك ان يتمسكن بدينهن وان يصبرن وان لا يتزعزعن وان لا يفرطن في انفسهن فهن غاليات عند الله ثم عند اهلهن ثم عند ازواجهن
و اختم القول بهذا المثل :
حبة الحلوة اذا اخرجت من غطائها ماذا يحدث لها ؟ بالطبع سياتي الذباب الطائر ليلعق من حلاوتها
اما التي لم تخرج من غطائها فمهما حاول هذا الذباب فلن يستطيع ان ياخذ منها شيئا والفاهم يفهم
وشكرا لك ولكل من تدخل