لبنات الي حاطين روحم حاجة كبيرة

[kyo8800]

السلام
الى كل الفتيات الجزائريات
راني حاب نقوللكم . لبنات اللي رابي عاطييلهم الزين علاه حطين روحم حاجة كبيرة .
مي كامل راناحاجة صغيرة ..... الكبير ربي في السماء وعبادوا كامل صغار .
نقوللهم حاجة , كيجي ليهم واحد نورمال ميتكبروش عليه .
لخطرش الخضرة مشي كامل حشيش .
اسمحولي اذا غلطة .
مع تحياتي .

 

[لحن الذكريات]

صح عندك الحق اخي الكبر راهو لربي مش لعباد ............

 

[جوانا]

عندك الحق الكبير هو ربي سبحانو
و أنا عندي جمال الداخلي (جمال القلب ) أحس من 1000000 مرة من الجمال الخارجي
سواء عند الشباب أو البنات
مشكور على الموضوع تقبل مروري

 

[بحر الأحزان]

قالك قيم شعشابونة ترجع بالغين
هكاك لبنات إذا قيمها واحد ولا زوج تولي تحسب روحها أميرة زمانها وهي و 0 كيف كيف
أنا عن نفس منتكبر منحب لي يتكبر ولي يحسب روحو عليا نفهمو في قدرو لخاطر كامل ولاد 9​

 

[Manar19]

يا خويا باه نقولك مكاش لبنات للي يتكبرو سي كاينين صح... مي اخويا نتوما تاني الطفلة للي تحشم وللي تمشي باحترام ومتشوف ني من ني من تقولو عليها متكبرة...وللي متحكيش معاكم تقولو متكبرة ..وللي تحكي مع ليجان تقولو موش متربية.... انا نحكي عن تجربة... ومنيش نقصدك انت اني نحكي اونجنرال ... جامي تحكمو على وحدة حتى تعرفوها مليح.... انا شخصيا نفضل يقولو عليا متكبرة وميقولوش مش متربية.... هدا رايي لخاص وتقبل تعليقي... تحياتي

 

[POLIYANA]

قالك قيم شعشابونة ترجع بالغين
هكاك لبنات إذا قيمها واحد ولا زوج تولي تحسب روحها أميرة زمانها وهي و 0 كيف كيف
أنا عن نفس منتكبر منحب لي يتكبر ولي يحسب روحو عليا نفهمو في قدرو لخاطر كامل ولاد 9​

عجبتني هادي ههههههههههههههههه​

 

[dida-kh]

سلام المشكل الحقيقي ليس في تكبر المراة الجميلة لكنه في اهتمام الرجل بالجمال الخارجي للمراة لو كان اهتمامه بالمضمون اكثر من الشكل لما تكبرت الجميلة و هذه حقيقة لا يستطيع اي رجل ان ينكرها

 

[nina bonoise]

ههههههههه

ضحكتني تاع قيم شعشبونة ترجع بالغينة

 

[N@riM@N]

هههههههه والله غير وحدك
علااه كشما تكبر عليك وحده باين عليك راك مشوكي منها
والله ياخويا الدنيا عقليات ومناش gـــــــاع كيفكيف
سي يووووو​

 

[احساس طفلة]

الله غالب
انا وحدة يقلقوني هادو لبنات منعرف واش حاسبين روحهم:angry:

 

[من الماضي]

السلام عليكم

و الله يا خويا اغلبية النساء و ليس الكل لما ربي يعطيلها الزين تحس روحها خير من النسا كامل

حتى الرجال كاين هذا النوع .....و هاذي طبيعة الانسان لما تطلع بيه في حاجة يبدا يبين في روحو زعمة خير من الغاشي كل

*****

ربي يهدي عبادو و يخلينا دايما فالارض​

 

[سلمى رويبة]

يا خويا باه نقولك مكاش لبنات للي يتكبرو سي كاينين صح... مي اخويا نتوما تاني الطفلة للي تحشم وللي تمشي باحترام ومتشوف ني من ني من تقولو عليها متكبرة...وللي متحكيش معاكم تقولو متكبرة ..وللي تحكي مع ليجان تقولو موش متربية.... انا نحكي عن تجربة... ومنيش نقصدك انت اني نحكي اونجنرال ... جامي تحكمو على وحدة حتى تعرفوها مليح.... انا شخصيا نفضل يقولو عليا متكبرة وميقولوش مش متربية.... هدا رايي لخاص وتقبل تعليقي... تحياتي

راني معا راي ختي منار

 

[امل الجريحة]

انا من خلال تجربتي القليلة لقيت انو الدكورة وين يمشيو ميتفهموش
يشوفو وحدة تقرا ومتربية ومتدورش بالدكورة
يقولو عليها متكبرة وانانينة ومعقدة
مع انها متربية وماشية في الطريق الصحيح
يخليوها تشك في روحها وممكن تنحرف ادا كانت شخصيتها مش قوية
انا واجهت الموقف هدا
وممكن جرحني بصح نفضل يقولو عليا معقدة ومتكبرة
خرمن ميقولو عليها مش متربية
وتاني مادامني متاكدة اني ماشية في الصح
الكلاب تعوي والقافلة تسير
هدا راي صراحتا