البورتابلات و المكالمات المجانية

[* أميرة الأحلام *]

السلام عليكم


أنا اليوم حبيت نهدر على قضية البورتابلات و المكالمات المجانية راهي صارت دايرة مشكلة كبيرة في المجتمع الجزائري ودمرت عقلية أولادنا وبناتنا المراهقين وغير المراهقين ووصلتهم إلى التفاهات والدمار ووقعتهم في المحن والعلاقات غير الشرعية


ربي يهديهم وينصرهم على القيام بالعمل الصالح

 

[ملاك الليل]

عندك الحق اختي بصح كل واحد وكيفاش حنا اللي نخلو الحاجة حلال ولا حرام
وكل واحد على حساب لي برانسيب تاعوا هادي حاجة مفروغ منها
وكاين اللي غي يلقا طفلة عندها بورطابل تخمامو يروح لمنا ومنا بصح صباع اليدين ماشي كيف كيف
هادي هيا

 

[طه39]

عندك الحق اختي هكا شباب وبنات ضاعوا

 

[* أميرة الأحلام *]

شكرا أخي على الرد وبارك الله فيك

 

[* أميرة الأحلام *]

شكرا أخي طه على الرد​

 

[ابتسمي]

عندك الحق اختي هذي ولات ظاهرة منتشرة بزاف في البلاد
واحنا ما عندنا ما نديرولهم غير نقولوا ربي يهديهم للصح
لكي كل الاحترام والود
تقبلي مروري

 

[Midia]

انا جامي قمت بهاذ لافير ....................................
باسكو ماعندهاش معنى غير التمسخير والتربية الخاسرة.................مرسي نور السوفية​

 

[bessad]

امين الله يهدينا جميعا

 

[مغرورة بأنوثـتي]

الله يهدينا و اللي راهم دايرين الهدرة باطل

 

[chiva.]

يا ختي بارك الله فيك بصح لي متربي عند ربي والله ما يحركو بورتابل صح جيزي هي فسدت الغاشي فليكسي 10 الاف واحكي 2 سوايع و 60 الف سمانة احكي وطامة لكبيرة ملينيوم
بنت فاميلية خاطيها هدي الحوايج كاين الحمد الله وطفلة لي تحكي في تلفون متفرحلهاش شوفي سبب الطلاق بورتابل زوج وشهر طلق يا لطيف

 

[شاكيرا]

كلش ولا بالعوج عادو الولاد عندهم 16 سنة يعشقو ويحكو ويسهرو لصباح التطور مخلا والو في الشباب نتاعنا والغاشي ولا يحوس غير على الارقام نتع البنات باش يتمسخرو حتى البنات تلقاهم يحوسو على الارقام نتع الشباب لي يفليكسي الله يسطر وينجينا

 

[* أميرة الأحلام *]

شكرا إخواني وأخواتي أعضاء اللمة وبارك الله فيكم
إنشاء الله يهديهم ويكبرهم على الطاعة وربي يهدي شركة جازي إنشاء الله تحبس المكالمات المجانية باش تنقص المشاكل علينا