سؤال للبنات ............ قولو الحقيقة

[azoudia]

مرحبا اخواتي كيف الحال ؟ ‏ يوم حبيت نسأل سؤال hmy:
لوكان تشوفي زوجك او حبيبك او خطيبك يبكي وش راح يكون تصرفك ؟ ‏
وهل راح يسقط من نظرك ؟ ‏​

:confused1::confused1::biggrin::biggrin:

 

[بحر الأحزان]

لوكان نشوفو يبكي حاجة باينة نروح نعرف سبب لي خلاه يبكي ونحاول نونسو ونسيه ونضحكو
وأكيد مراحش يطيح من عيني لأنو كل واحد فينا مهموم وملقاش لمن يشكي همو فلازم يبكي لاعو يرتاح شوي​

 

[noor.]

لا بالعكس يقوللك الرجل ادا بكا مشي ضعف بل هو قوة الاحساس

 

[بريق العبرة]

والله يطيح مني النص ونحاول نقلع عليه بكل الطرق
جامي يطيح من عيني يبقى بشر عندو احاسيس

 

[جوانا]

سؤال صعيب بصح راح نجاوبك بصراحة
أنا كون يبكي زوجي أو خطيبي أو حبيبي قدامي نحاول نوقف معاه و نساعدو في المشكلة لي راهي عندو بصح جامي نفكر باش هو يسقط في نظري
مشكور على الموضوع​

 

[ISMA.dz]

يعني المنطق الرجل عندو أحاسيس كي المرا بصح احنا والفنا الراجل خشين وصحيح خاصة الجزائري عندهم النيف ويحبو يبانو بلي صح رجالوأنا ماوالفتش نشوف راجل يبكي لأنو يمكن تتزعزع هيبتو عندي وينقص من عيني هذا رأيي وشكراااااااااااا

 

[largo19]

ههههههههههههههههههههههههههه

 

[khadija1805]

لالا و الله مارايح يسقط من عيني

و علاه هو ماشي انسان ؟؟

 

[ملاكي]

على حساب السبة اذا كانت قوية
نحس بيه
و اذا كانت سبة تافهة ماشي رح يطيح من عيني برك

 

[Manar19]

اكيد الرجل ميبكيش على حاجة تافهة الا ما يكون سبب خطير خلاه يبكي... نسقسيه ونحاول نحي على خاطرو شوية...مي باه يطيح من عيني جامي بويسك الرجل انسان عادي متلو متل المراة يعنو قلبو من لحمة كما نقولو... شكرا وتحياتي

 

[lilo rok]

كون يبكي ما يطيح من عيني ما والو عادي راهو عبد و عندوا احاسيس.
و اكيد رح نحاول نعرف السبب و نخليه ينساه.
thanx​

 

[azoudia]

والله يعطيكم الصحة يا البنات ......... راكم في المستوى وفوووووووور .... و الراجل اذا بكا لانه انسان يحس ....والله فرحتوني بالعقلية نتاعكم تحيا بنات بلادي

 

[سجى الجزائر]

اكيد الرجالة ماش كي حالنا على مسلسل هندو لوكان يموت البطل نديرو موتة
يعني الرجل عموما والرجل الجزايري خصوصا ما يبكيش غير لكان مقيوووووس بزاف
طبعا لكان هو بكى على فلك هندو ماش برك يطيح من عيني لوكان جا خطيبي نفسخ الخطبة ولوكان جا راجلي نطلقلو
بصح لو كان جات سبة قوية نساميه ونتفلق بلبكي من بعد نمسح دموعي ونعاود نتفلق بالضحك ومن بعد نضحكو على بعضنا والموضوع تحل

 

[azoudia]

اكيد الرجالة ماش كي حالنا على مسلسل هندو لوكان يموت البطل نديرو موتة
يعني الرجل عموما والرجل الجزايري خصوصا ما يبكيش غير لكان مقيوووووس بزاف
طبعا لكان هو بكى على فلك هندو ماش برك يطيح من عيني لوكان جا خطيبي نفسخ الخطبة ولوكان جا راجلي نطلقلو
بصح لو كان جات سبة قوية نساميه ونتفلق بلبكي من بعد نمسح دموعي ونعاود نتفلق بالضحك ومن بعد نضحكو على بعضنا والموضوع تحل

اختي راكي ديري في سياسة التعامل بالمثل من اجل قيادة الطرف الاخر وهذي عفسة مليحة في التنمية البشرية وعندها مفعول ايجابي .... وشكرا على مرورك

 

[n@tcho]

العكس جامي ايطيح من عيني بصح لازم عرف السبب
و بيناتنا قادرا ونزيد نكمل معاه نبكي

 

[عطر الندى]

درك ساديبون وعلاش راه يبكي
صح هو انسان بصح ماشي يقعد يدمع على اتفه الاسباب​

 

[ريم13]

لابالعكس اكيد راح نحوس نعرف واش سبب دموعه وجامي يطيح من قلبي وانما راح يكبر فعيني الرجل هو ايضا عندو احاسيس . شكرا على الموضوع تحياتي

 

[~ مستشـآرهـ طـرزآنـ ~]

لالا جامي يطيح من عيني...بالعكس لازم نعرف مشكلتو و نعاونو و نوقف معاه
باسكو يقولو...الرجل في حياتو ما يبكي مي اذا شفت دموعو تأكد انو في محنة

مشكوووور ع الطرح​

 

[عازفة الاحزان]

السلام عليكم

و حبيت نقلك خويا بالعكس راح يكبير في عيني وراح نحس بلي صح يحبني و يفرغلي قلبوا
و أكيد راح نسألوا علاه يبكي و نحاول نغير هذا الشيء الي يخليه يبكي و غلا مقدرتش أوموا نطلعلوا المورال و نساعدوا باه يعاود يضحك و ترجع الفرحة و انتهت القصة ههههه
مرسي خويا على السؤال
​

 

[khadii]

non mayetihech men 3ini hadi j'amais ila tekoun mais nchalah mayebkich