الكذاب لى يقول ما ضربنى حتى معلم(ة) فالمدرسة ...

[Jagwar]

الســــلام عــلـيــكـم خـــاوتــى​

راكم قريتو العنوان مليح مالا واحد ما يكذب علينا​

يعنى لى يقول عمرو ما كلا طريحة من عند البروف تاعو راه كداب:tongue_smilie:​

Sur راكم شبعتو ضرب على اليدين و قريص على الودنين و الكف على الخدين و بالك حتى خديتو العصا على الرجلين :laugh:
و كيما قلنا و تفاهمنا العقاب راه متنوع ، هادوك لى قلتهم و زيد عليهم العقاب السبيسيال لى يقلك فيه المعلم أكتب كلمة و لا جدول الضرب 100 مرة :scared: هههههه رانى شبعت منها هاذى :biggrin:.
و طبعا البروف راه عامل حسابو اللى كاينة جماعة ما تكتبش هاديك La Punition ( البينيسيون )
أيا يروح يسخن لعصى تاعو باش يشوى و يقلى :lol:
و التلميذ مسكين ( رانى نحكى عليكم انتوما ) جاي لابس 40 تقشير Security :yahoo:
و هادى تانى صرات معايا ، بصح طحت فى بروف واعر قالى هيا يا سى أسامة نحى ال 40 تقشير لى راك لابسهم و لا نحيلك حاجة اخرى :blushing::blink: هههه .​

أيا كل واحد يحكيلنا بكل صراحة ، على كاش طريحة خداها فالمدرسة و مازاله متفكرها .​

رانى نستنى باش نضحك عليكم :biggrin:​

ســـلام​

 

[شهرة]

هاد الموضوع يرجعنا للصغر
أنا كنت الأنسة تاعي تضربني بالعصا في البريمار بيانسور كانت تغير مني puisk كانت جارتي

 

[Jagwar]

هاد الموضوع يرجعنا للصغر
أنا كنت الأنسة تاعي تضربني بالعصا في البريمار بيانسور كانت تغير مني puisk كانت جارتي

ههههه مليحة هاذى تاع تغير منك على خاطر جارتك
ياو لوكان جيت فى بلاصتك و تضربنى على حاجة كيما هاذى ، نجبد معاها بدماغ حتان تولى تحب جيرانها كاملين :sneaky2:
هههههه يعطيك الصحة على الاعتراف الصريح تاعك يا شهرة
راكى أول المعترفات :biggrin:

زيدو هايا قرو و لا نجيب لعصا :cursing:.






​

 

[ريما الجزائرية]

ضربوني بزااف في الابتدائي:crying: وكي طلعت لليسي راهم يطردوني:cursing: واش ندير راني صابرة حتى يفرج ربي :sad:

ميرسي

 

[Jagwar]

ضربوني بزااف في الابتدائي:crying: وكي طلعت لليسي راهم يطردوني:cursing: واش ندير راني صابرة حتى يفرج ربي :sad:

ميرسي

حتى أنتى باين عليك مشاكسة و مشوشة N1

بصح بوقوصة ربى يبارك عليك و يحفضك من عينين الحسادين ، فى الابتدائى و فهمنا علاش ضربوك و فالليسى علاش راهم يسحتو فيك ، بالك تكونى تــGـــريسى فى صحاباتك :biggrin:.






​

 

[hamlaoui5]

هههههههههههههه

فكرتنا في ايم حلوة شبعت خبط ملي بديت نقرى وانا نتظرب منقدرش نحسبهم

بصح يا خويا مشيت في 2 شيوخة وشاركت في كمين اخر على شيخ ههههههههههه​

 

[ريما الجزائرية]

حتى أنتى باين عليك مشاكسة و مشوشة N1 ​

بصح بوقوصة ربى يبارك عليك و يحفضك من عينين الحسادين ، فى الابتدائى و فهمنا علاش ضربوك و فالليسى علاش راهم يسحتو فيك ، بالك تكونى تــGـــريسى فى صحاباتك :biggrin:.​

هههههه ربي يخليك رااك حشمتني :blushing: والله مندير والو غير انا اللي ماعندي زهر :crying:

 

[بسمةالحياة]

انا كان سي سيدي(الله يذكر بالخير) يضربني بالكف بالمسطرة بالطلاصة ما عند ما نوع ... الفكرة لي جيه يجربها فيا خطراتكش لساني ياكلني كان ما نهدرش... كنت مجتهدة بصح شبعت ضرب كان كي يسقسي كاش واحد سؤال وما يعرفش يجاوب نعتلو ومن بعد انا لي ندي طريحة .......
وكان كي يقوللنا احفضو الانشودة انا الوحيدة لي يلقاني ما حفضتش المرة الاولى يضرب 2 ضربات والحصة الجاية 4 ولي بعدها 8 وهكذا انا الوحيدة لي كنت نعقب على كل المراحل بكل جدارة المشكل انا كنت نحفضها في الدار وبرا نعت للبنات وكي نعود قدامو لا حياة لمن تنادي كي شغل ما قريت ما شفت.....
وخلي برك..........​

 

[Jagwar]

هههههههههههههه​

فكرتنا في ايم حلوة شبعت خبط ملي بديت نقرى وانا نتظرب منقدرش نحسبهم ​

بصح يا خويا مشيت في 2 شيوخة وشاركت في كمين اخر على شيخ ههههههههههه​

هههههه يا مجرم يا حملاوى
راك تمشى فالشيوخة تاعك ، بصح نستعرف بيك تاع الصح مرة على مرة نقول يستاهلو هادوك الشيوخة
ياك ما فاقوش بيك و سلكت على خير :biggrin:





​

 

[Jagwar]

هههههه ربي يخليك رااك حشمتني :blushing: والله مندير والو غير انا اللي ماعندي زهر :crying:

لا لا اختى ماشى ما عندكش الزهر:glare:
راهم يغيرو منك على هاديك يسحتوك
و المرة الجاية كيف يسحتوك عيطيلى أنا نرجعك ، رانى دبلوماسى و نعرف نحكى مع المدير ، حتى سقسى عليا ، آخر مدير هدرت معاه خليتو يشوف بعين وحدة :biggrin: .







​

 

[نجاة40]

تفاهمت مرة انا وطفل يقعد ورايا نهبلو الاستاذة نتاع العربية درنالها كارط بوصطال وخليناها تصوني والاستاذة شكون الاحمق هاذا شكون....001_tt2::001_tt2:بدون احراج) كي حكمتنا تعرف تلاحت علينا بكلش نتاعها تضرب تضرب بالكتاب برجليها بيديها بالطابلة بالكرسي هههههههههههه :cursing::cursing:تقول حكمتها لاكريز علينا:yahoo::yahoo: ومرة ثاني في عيد المولد درنا حالة فالاساتذة كي جاو يفتشوالطفل لي يقرا معايا قلتلو هات واش عندك نخبيهم كي جاو فتشوني انا هاذيك سع ناض عند المراقب قالو بعد عليها وضربو وخرجنا في 2 مبعد رجعنا بالمعرفة وللذرك راني فالجامعة ومازلت مع المشاكل بصح كبرنا على الضرب شويا:blushing::blushing::blushing:
ياخويا شبعت ضرب الحق نتاع ربي اما القميات ماكان لاه نحكيو عليهم بصح المهم زهينا وفرحنا قلوبنا وقرينا ثاني​

 

[Jagwar]

انا كان سي سيدي(الله يذكر بالخير) يضربني بالكف بالمسطرة بالطلاصة ما عند ما نوع ... الفكرة لي جيه يجربها فيا خطراتكش لساني ياكلني كان ما نهدرش... كنت مجتهدة بصح شبعت ضرب كان كي يسقسي كاش واحد سؤال وما يعرفش يجاوب نعتلو ومن بعد انا لي ندي طريحة .......

وكان كي يقوللنا احفضو الانشودة انا الوحيدة لي يلقاني ما حفضتش المرة الاولى يضرب 2 ضربات والحصة الجاية 4 ولي بعدها 8 وهكذا انا الوحيدة لي كنت نعقب على كل المراحل بكل جدارة المشكل انا كنت نحفضها في الدار وبرا نعت للبنات وكي نعود قدامو لا حياة لمن تنادي كي شغل ما قريت ما شفت.....

وخلي برك..........​

اذا كان هكذا راكى تستاهل ضرب من عند سيدك
يعنى لسانك ما يحبسش من الهدرة نهار كامل
بلبلبلبلبل دودودودودو :scared:
لو كان جيت فى بلاصة سيدك هذا الله يدكره بالخير نقصلك لسانك مرة وحدة و نتهنى :biggrin:







​

 

[Jagwar]

تفاهمت مرة انا وطفل يقعد ورايا نهبلو الاستاذة نتاع العربية درنالها كارط بوصطال وخليناها تصوني والاستاذة شكون الاحمق هاذا شكون....001_tt2::001_tt2:بدون احراج) كي حكمتنا تعرف تلاحت علينا بكلش نتاعها تضرب تضرب بالكتاب برجليها بيديها بالطابلة بالكرسي هههههههههههه :cursing::cursing:تقول حكمتها لاكريز علينا:yahoo::yahoo: ومرة ثاني في عيد المولد درنا حالة فالاساتذة كي جاو يفتشوالطفل لي يقرا معايا قلتلو هات واش عندك نخبيهم كي جاو فتشوني انا هاذيك سع ناض عند المراقب قالو بعد عليها وضربو وخرجنا في 2 مبعد رجعنا بالمعرفة وللذرك راني فالجامعة ومازلت مع المشاكل بصح كبرنا على الضرب شويا​

ياخويا شبعت ضرب الحق نتاع ربي اما القميات ماكان لاه نحكيو عليهم بصح المهم زهينا وفرحنا قلوبنا وقرينا ثاني​

هههههه و الله غير و حدك يا الشاوية
راكى عملتى عمايل تاع مجرمين صح
راكى شبعتى ضرب ، عقلية تاع أنا شاوى راسى خشين :angry: و ما نوليش للور :biggrin:
يعطيك الصحة اختى نجاة ، و ربى يوفقك ان شاء الله فى قرايتك
و نشوفوك طبيبة و لا كاش حاجة كبيرة .​

 

[ريما الجزائرية]

هاهاها دير فيا مزية الى مشيت معايا المرة الجاية ..المدير هاد لمرة قالي انتي كامل العيلة نتاعك جبتيهالي ..كل مرة يطردوني فيها نروح نجيب كاش وحدة من برااا نقولها دخليني هاهاها

 

[Jagwar]

هاهاها دير فيا مزية الى مشيت معايا المرة الجاية ..المدير هاد لمرة قالي انتي كامل العيلة نتاعك جبتيهالي ..كل مرة يطردوني فيها نروح نجيب كاش وحدة من برااا نقولها دخليني هاهاها

ههههه لوكان تزيدى عليه مرة وحدة يبدل المدرسة على جالك :cursing:
المرة هاذى نروح معاك أنا و قوليلو هذا خال ولد عمة أخت جدة ماما :biggrin:





​

 

[بسمةالحياة]

اذا كان هكذا راكى تستاهل ضرب من عند سيدك

يعنى لسانك ما يحبسش من الهدرة نهار كامل
بلبلبلبلبل دودودودودو :scared:
لو كان جيت فى بلاصة سيدك هذا الله يدكره بالخير نقصلك لسانك مرة وحدة و نتهنى :biggrin:​

يعطيك الصحة يا سي اسامة تقصلي لساني انا قلت نبرد قلبي من سي سيدي لقيتك اكثر منو انت ماشفتوش عند الحق اهدر و عاود لكان شفت ..............تموت من الخلعة يخوف مداير زي بعووووو.
لكان نقولك بلي واحد الخطرةخلاني سي بابا نعسلو الحانوت تاعووو ومن بعد جا سي سيدي يشري علابلك واش درت انا ......... هربت وخليت الحانوت وحدها
​

 

[jiji 94]

merci ...wellah 3andak el ha9
makanich ​

 

[Jagwar]

يعطيك الصحة يا سي اسامة تقصلي لساني انا قلت نبرد قلبي من سي سيدي لقيتك اكثر منو انت ماشفتوش عند الحق اهدر و عاود لكان شفت ..............تموت من الخلعة يخوف مداير زي بعووووو.

لكان نقولك بلي واحد الخطرةخلاني سي بابا نعسلو الحانوت تاعووو ومن بعد جا سي سيدي يشري علابلك واش درت انا ......... هربت وخليت الحانوت وحدها ​

هههه مليحة هاذى ، باين عليه يخلع تاع الصح
أنا تانى لوكان جيت كيفك نهرب صح ، بصح قبل ما نهرب نجبد معاه بقرعة زيت و نفحط :biggrin:





​

 

[Jagwar]

merci ...wellah 3andak el ha9


makanich ​

ما فهمتش خويا كيفاش هذا ماكانكش :confused1:






​

 

[mimi.dz]

ههههههههههههههههه

منزيدش نقرا مواضيعك خلاص

فضحتنا يعني لاه حرام عليك هههههههههههه

نقولك انا متضربتش بزاف

كنت في متوسطة علاجال غلاف ههههههههه مي ضربة متوجعش

ومرة ثاني في بريمار هههههههه

مرة غير ذوك النهار ضربني الاستاذ علاجال كتاب وقالي روحي جيبي ابيك

خرجت رحت لكلاصة وحدة اخرى كي رجعت قالي علاه رحتي لهيه كان رايح يزيد لحقلي ضربة اخرى

ومن بعد كي عرف بللي بابا هو اللي يقري ثم زادلي 4 نقاط هههههههه

خلاص مكالاه نكمل ههههههههه

المشكل الضرب ولا عادة عند الاساتذة

والله تحير علاه ؟ ابسط سبب يشاليك بالعصا

هههههههههههه





​