خلينا نتعرفو على لهجات الاعضاء...حسب المنطقة

حنا في بلعباس نقولو
نبغيكم بزاف و راني باغية نتلاقة بيكم و نتعرف عليكم
​
 
احنا تاني نقولو وش راكم الطارف
 
حنا تاني عندنا في الشاوية يقولو متى هليّذ ولا متى لحوال

بون
بالنسبة للجملة الزاوجة نقولو
نبغيك بزاف ورانا باغيين نديرو Conaissance معاكم
مع لا فاصون تع وهران وي وي
 
نبغيكم بزاف وراني باغية نتلاقا بيكم ونتعرف عليكم
ان شاء الله
ان شاء الله كاليفي
مستغانم
 
احنا نقولو نحبكم بزاف ومادابيا كون نتلاقا بيكم ونتعرفو اكثر عليكم (خميس مليانة)
 
يعطيكم الصحة خاوتي العزاز و الله غير راني تثقفت و زدت تعلمت لهجات بلادي الجزائر الغالية و هنا تع الصح حسيت بلي راني نحبكم بزاف و راني حابةنتلقى بكم ونتعرف عليكم=نشتيكم و باغية نشوفكم ونتعرف عليكم وبالقبائلية تع الشناوة يقولو اقسخكثم عطا و اخسغ املاقيغ اكذون
اقسخكثم=نحبكم
عطا=بزاف/ياسر
اخسغ=راني حابة
املاقيغ=نتلاقى
اكذون=معكم
مشكورين و دوك نبدلو الجملة
وهي


رجلي تسطر بزاف خاترش طحت عليهم البارح ككنت نلعب في البالون
​
 
رجلي راهي توجع فيا بل بزاف علاخاطرش ومرات في هدرتنا تعودنا نستعملوها بالفرونسي puisque طحت عليها البارح كي كنت نلعب في البالون
 
الاخت ميمي نشكرك على هذ الرد بصح نطلب من كل مشارك يذكر اسم المنطقة الخاصة به
​
 
سبق وقلت بصح ما يكون الا خاطرك شريكتي (خميس مليانة )
شكرا على الموضوع
 
هكا تعجبيني حنونتي ماشي عليا باش اليجي يقرا الجملة ديالك يعرف بلي هدي لهجة خميس مليانة اوكي حنونتي
​
 
كرعيا راهم يدروني بزاف خاطرش البارح طحت عليهم كي كنت نلعب الBallon

الباهية وهران
 
احنا انقولو واش حالكم في بسكرة
​
 
السلام عليكم:
موضوع جميل جدا أختاه بارك الله فيك
واش راكم لاباس ما عليكمش بخير
على بالي راكم كامل مع الماتش تاع اليوم مي إن شاء الله نتكاليفاو ودزاير تروح للمونديال
لهجة ناس رجاص بولاية مـــــــــــــــــــــــيلة​
 
اللهجة التيارتية تختلف شوية على السوقرية التيارتيا يقولو "اهلا واش راك صافا؟؟؟؟وفي السوقر نقولو"هاوشتا؟؟كيدايرا؟مريقلة؟
​
 
نشتيكم ولا نحملكم بزاف وحابة نتلاقى بيكم باه نتعرف عليكم
رجليا يوجعو فيا ولا يسطرو عليا لخاطر البارح طيحت عليهم كي كنت نلعب فالبالون
جيجل الميلية
 
في اول نحب نقولك يعطيك الصحه على الموضوع اكثر من رائع
حنا عندنا في تيارت يقولو واش راك غاية
ولا واش لحوال ولا نقولو واش مليحة
شكرا على الموضوع للمرة ثانية
:cool:​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom