ساعدوني بليز راني حاصلة

[بنت الـــ سـوف ـــواد]

السلام عليكم يا البنات

عندي مشكلة
ان البارح طيبت كروكي
ولم ينجح لي
على فكرة اول مرة في عمري نعمله
جاني طري بزاف ومش حلو واش ندير


ممكن اجد الحل عندكم

بليز جاوبوني في أسرع وقت

وشكرا مسبقا

ربي يخليكم

:001_wub::001_wub::001_wub:​

 

[سارة88]

ادهنيه بالمربى و رشيه بجوز الهند

 

[nada242008]

نعطيك روسات ناجحة 100 بال 100 تاع الكروكي
6 عظمات
2 كيسان سكر احرش
2 كيسان زيت
3 باكيات خميرة
3 مغارف كبار نشا
مغرف صغيرة فاني
zest تاع قارص
فرينة حتان ينشف حوالي كيلو ناقص شوية برك

 

[**الريحآنة**]

ادا مجاكش حلو هدا بلاك مراعيتيش الكميةسوسا​

ويلزم متكتريش الدهان باش يجي ككيما تحبي حنونة ​

وابقاي تسي حتا تتعلميه مليح ​

:001_wub:​

 

[بنت الـــ سـوف ـــواد]

شكرا على تجاوبكم معايا جميعكم​

انا ضرك نقوللكم كيفاش مقادير لي درتها راهي تقريبا نفس المقادير تاع جمل الاحساس​

2 بيضات
ربع كاس زيت
ربع كاس سكر
وحبة يغورت
ونص ساشي خميرة كيماوية
وفانيليا​

طربت البيض مليح معا رشة ملح وزدت السكر وانا نضرب في البيض حتان تغيير لون البيض راح لون ابيض تقريب وزدت الزيت وانا نضرب كيما نخدم المايوناز ومن بعد زدت يغورت والخميرة والفرينة حتان نشفتلي​

هذي الطريقة لي درتها
عطيتهلكم بالتفصيل الممل​

ومانجحتليش​

 

[حكيك]

ماهي مكونات الوصفة للاستعملتيها
باش نعرفوا غلط من اين
الطباخة ماهرة هذي هي
تحاول مرة اخرى اكيد تنجح
​

 

[بنت الـــ سـوف ـــواد]

راني حطيت المكونات اختي حكيك
شكرا لكي​

 

[حكيك]

هذه مكونات biscuit
moule او
كل واحد كي سميها
شوفي هذا الرابط يمكن يعجبك
https://www.4algeria.com/forum/t/143220
​

 

[بنت الـــ سـوف ـــواد]

شكرا اختي حكيك​

 

[faroudjase]

السلام عليكم. اليك هذه الوصفة جربتها خرجت هايلة.
المقادير-4بيض-كاس سكر-كاس(زيت+مارغارين)-ملعقة قهوة من منتوج الفانيلا-كيس خميرة كيميائية-كمشة من الكاوكاو المرحي خشن-فرينة حسب الحاجة-
كيفية التحضير-نضع في اناء البيض،السكر و منتوج الفانيلا ونصب الزيت و المارغارين ونخلط الكل جيداثم الكاوكاو المرحي،الخميرة و الفرينة شيئا فشيئا حتى نتحصل على عجينة متماسكة. نحل العجين بواسطة الحلال بسمك1سم تقريبا ونقطعها بواسطة كاس.نضع الحلوى على صينية مدهونة بالزيت و مرشوشة بالفرينة.
ناخذ بيضة ونضربها مع ملعقة كبيرة من الزبدة الذائبة وملعقة صغيرة من الكاكاو ثم اطلي بها الحلوى بواسطة فرشاة ثم بظهر شوكة ارسمي خطوط للزينة.ندخل الحلوة الفرن وننزعها عند اخذها اللون الذهبي.
ملاحظة-يمكن تعويض الكاوكاو بكمشة من الزبيب.
لكي نتحصل على كروكي جيد،يجب ان يكون والزبدة خارج الثلاجة.