العطلة الشتوية ملغاة

[BeSt GlAdiAtOr]

يا جماعة أعلمنا بعض الأساتذة بأن العطلة الشتوية للثلاثي الأول ملغاة وهذا تعويضاً 3 أسابيع تاع الإضرابات
ربي يستر بالاك عام السنة نهبلوا

 

[houda1005]

و انا ثاني سمعت بلي نقراو الأسبو الاول عند الاساتذة لي دارو الاضراب من عطلة الشتاء وندو عطلة في الاسبوع الثاني وثاني في عطلة الربيع ندو اسبوع واحد برك هذا واش سمعت بصح مانيش متاكدة

 

[~ مستشـآرهـ طـرزآنـ ~]

والله فسدوا الحالة قع
وعلاااااش يلغوا فالعطلة ؟؟ حنا قلنالهم ديروا إضراب ؟؟
لازم نحكي مع وزير التربية...ماكاش منها باش يدولنا العطلة تاعنا راهم حابينا ندخلو عليها غير قراية × قراية.....والله الغاشي قع يهبل
بزاااف علينا....ارحمونا شوي
هههههههههههههههههههههههه​

 

[BeSt GlAdiAtOr]

والله مانعرف درك يدوزيو الحالة ويققتلونا بلقرايا بص حنا ما قلنالهمش ديروا إضراب

 

[mister lonely]

اوا ماكانش منها هذي وعلاه حنا لي قلنالهم ديرو الاضراب؟؟؟؟ ربي يسهل عليهم العطلة عطلة ولا يحوسونا حنا ثاني نديرو إضراب؟؟؟أبا نديرو اضراب حنا ثاني وخلي العام يروح اضرابات.

 

[dounia25]

لاحول و لا قوة الا بالله على هدا الخبر انا من بدا الاضراب مانيش روح اطلاقا ما علابالي بوالو بصح هادي مليحة هوما يضربو و احنا نسلكو حتى احنا نديرو اضراب فسدولي بروجياتي كامل حسبي الله و نعم الوكيل

 

[عاشقة رجاص]

السلام عليكم:
والله هذا العام ماهوش حاب يسلك على خير..........
ربي يستر ماللي جاي برك
والله كرهنا ومرضنا
وقيلا نكملو فالإضراب ونقراو فالعطلة تاع الصيف هذا واش يخص..........​

 

[نبض الحياة]

وعليكم السلام نقلكم حاجة هاد العام غادي نهبلو تع الصح يديرو اضراب et aprés يقعدو يجرو في الدروس من غير فهامة حنى ماعليناش mais les éléves du baccaluriat.........................................................................................

 

[houda1005]

علابالي بلي تحبو لقرايا على هاذي نبشركم بلي غدوا تولو هيييييييييييييييييييييييييييييييييييييييي

 

[genio31]

allah akbar

 

[مفآهيمـ الخجل]

استغفر الله

و الله غير خرجونا من عقولنا

الله يهديهم

مرسي خويا
​