مالذي تتمناه في زوجة المستقبل....مالذي تتمنينه في زوجك المستقبلي

[chiva.]

سلام أحبتي أردت من خلال هذه المشاركة من كل طالب و طالبة أن يخبرونا عن صفات أزواج المستقبل لكي نستطيع نحن بدورنا تطوير مهاراتنا و صفاتنا لنرتقي نحو الأمثل و أتمنى من الطلبة مشاركة فعالة و حارة جدا جدا و أبدأ أنا اولا:
​

أحب في زوجتي المستقبلية أنها تكون على دراية كافية بدينها و تكون تفهم الحاجة و هي طايرة, نحبها تكون أذكى منى لأاني أنا ذكي جدا و نحبها تكون طباخة ومرحة, نحبها امراة مسؤولة و ماشي كسولة و قافزة تريسيتي.....

​

 

[titou0007]

أنا نحب وحدة في الدار تكون محترمة و متربية و متحبش خرجا برا و متقعدش قعدت الجيران فارغة هههههههههههههههههه

 

[chiva.]

أنا نحب وحدة في الدار تكون محترمة و متربية و متحبش خرجا برا و متقعدش قعدت الجيران فارغة هههههههههههههههههه

كي نهار اليوم يا خويا ربي يجيبلك مرا محترمة ومتربية

 

[Moha le sage]

سلام أحبتي أردت من خلال هذه المشاركة من كل طالب و طالبة أن يخبرونا عن ...... و أتمنى من الطلبة مشاركة فعالة



السلام عليكم

اذا كان موضوعك موجه للطلبة فقط فانصحك اذن بكتابته في قسم الدراسات الجامعية .. اما اذا كان موجه لاعضاء اللمة فاعضائها تختلف اصنافهم من طلاب وعمال و معلمين و تجار ... واكيد كل شخص لا ينتمي لصنف الطلاب له صفات يريدها ان تكون في زوجته المستقبلية ..و باستثنائك هذا قد اقصيت نسبة كبيرة من المشاركين .....

تحياتي

 

[chiva.]

سلام أحبتي أردت من خلال هذه المشاركة من كل طالب و طالبة أن يخبرونا عن ...... و أتمنى من الطلبة مشاركة فعالة



السلام عليكم

اذا كان موضوعك موجه للطلبة فقط فانصحك اذن بكتابته في قسم الدراسات الجامعية .. اما اذا كان موجه لاعضاء اللمة فاعضائها تختلف اصنافهم من طلاب وعمال و معلمين و تجار ... واكيد كل شخص لا ينتمي لصنف الطلاب له صفات يريدها ان تكون في زوجته المستقبلية ..و باستثنائك هذا قد اقصيت نسبة كبيرة من المشاركين .....

تحياتي

صحا يا سيدي مشرف يعطيك صحة :crying: عندك الحق تقبل مروري

 

[السلطانة]

شكرا اخي على الموضوع القيم
انا نتمنى في رجل المستقبل
انو يحترمني ويكون حاكم صلاتو ودينو وطايع والديه
وكي يدخل لدار يضحك يعني مايكونش كوشمار ههههه

 

[chiva.]

ان شاء الله ياعائشة ربي يوفقك

 

[odyssée]

انا راجل المستقبل نحبو يصلي يخاف ربي يحترم المراة ما يضربهاش سنو مانقعدلوش في الدار هههههههه وكذالك متفتح ماشي معقد يخليني على راحتي نخرج كيما نحب وتكون الئقة بيناتنا ماهوش كعرار كريم ماهوش بخيل وكاين بزاف حوايج مانيش متفكرتهم

 

[سجل أنا جزائري]

أنا نحب تكون محترمة و متدينة و متواضعة و لم تحب راجل من قبلي و يا ريت تكون جميلة

شكرا

 

[wasim]

راني نخمم في الدوزيام
و تكون مصرية باش نعملهم هي و الدزيرية مقابلة من نوع الكاتش



​

 

[adelskikda]

كل واحد يحب لي متربية ومتدينة وناس ملاح ...........شكرا

 

[* أميرة الأحلام *]

أنا زوج المستقبل الماجستير والدكتوراء هادم أأمن من الرجل
بارك الله فيك ​

 

[**laila**]

ربي ينورك خويا محمد

نا نحبو يكون يخاف ربي

متديّن ، خلووووق

ثااااااانكس خويا
​

 

[cocasse]

أنا نتمنى في زوجات المستقبل يكونو طايعين بعضاهم.............و ما يداقوش و ما...............
أتمنى أن لا ألتقيها طول حياتي..................علابالي تفسدلي العزيمة.................​

 

[RaNiA]

يكون يحترمني و صريح معايا يقولي كلشي و يكون قد المسؤولية ومش كسول و شخصيتو قوية خلاص​

 

[أفراح الجزائر]

يكون كيفي وخلاص......... يقولو ماتزاوجو حتى تشابهو​

 

[BOUSS]

لازم اتكون شابة بزاف او عاقلا اوما يفهامها حتي واحد غير انا هههههههههاطفرت

 

[ولد قالمة 24]

لازم تكون مديينة و تخاف ربي على خاطرش اللي ما يخاف ربي خاف منو

تسمى تكون توت أوبسيون مليحة في الكونديسيون فيزيك

و الكونديسيون مورال


ربي يطيحنا في بنت الحلال آميـــــــــــن

 

[سجل أنا جزائري]

لازم تكون مديينة و تخاف ربي على خاطرش اللي ما يخاف ربي خاف منو

تسمى تكون توت أوبسيون مليحة في الكونديسيون فيزيك

و الكونديسيون مورال


ربي يطيحنا في بنت الحلال آميـــــــــــن

ههههههههههههههههههههههههههه مليحة هذي كوندسيو فيزيك و مورال

أمين ان شاء الله راك جبت الخلاصة وش نتمنو

 

[Bob Marley]

انحبها فحلا
مكانش وحدا فحل اهناي هههههههه
نخطبها
​